2
1 A yɛna yʋɔr yenã ka, mɩ bire jal Jerujalɛm nakha Barnabasɩ, dɩ mɩ kɔɔ kpar dakha Tɩtɩ dɩ sɩ ha kha.
2 Sɩ thɩ̃ nɩrɔrɛɛkɛ thɛnɩ Thãgbara mɩ kɔɔ yɩ, gɛr gɩ dɩ ɩ̃ kɔɔ jal. Dɩ mɩ kɔɔ gbaar tutugo bʋɔɔkɛ mɩ-n mɩɩnɩ ca kpala a mɩɛ wɩ dɩ wɩ hɩɩn; sɩ wɩrɛ dɔnɩ yʋʋ wɛr mɩ kɔɔ mɩɩ hɛllɩ, agado mɛ̃ gaa, ga hor thɔmaakɛ mɩ kɔɔ cʋʋnɩ, na gɩrɛ mɩ hanɩ cʋʋrɔ gɩrɛ, na dor mɔlɔ thɔma.
3 Dɩ Tɩtɩɩkɛ sɩ kɔɔ hananɩ kha Gɩrɛkɩ gɩ, sɩ tibil na kɔɔ fɛrɛɛrakɛ a kuro khʋ̃a'.
4 Dɩ ka kpɩɛrɛɛle the, wɩrɛ n yɛnɩ omɩna hanɩɩ pa gɩ, kɛ kɔɔ wolonenɩ a lõ asɩ thɩ̃thɩɩn dɩ wa-n gɩɩl asɩ waʋ do Jeju Kirisitira, dɩ awɩ ƴaal dʋɔn sɩ birə dɔ dea.
5 Sɩ sa kɔɔ tha thʋnɔ a 'larrakɛ sa tu awɩda fɩɩʋa', gɩ do nɔɔ tutugo bʋɔ na-n jalna ɔɔ sobɔra ƴɛrr anɩ thɩ̃thɩɩn.
6 Wɩrɛ wɩ-n hɩɩnnɩ dɩ wɛr dɔ yʋʋ, a wɩ kɔɔ har mɔ̃ wɩ hanɩ yo, ga do gele mɩ-n hɩɩna', Thãgba na-n hɩɩnnɩ tɩbɩla dɩɩdɩa', wɩrɛ wɩ-n hɩɩnnɩ dɩ wɛr dɔ yʋʋ, wa kɔɔ hana dakpɩɩ na dɛbɩ ɩ̃ dɩɩrra ga.
7 Sɩ mɔ̃ wɩ kanɩ yɩɛ dɩɩ do mɛr Thãgba pɛr ma-n mɩa tutugo bʋɔɔ thɩmɩɩ wɩrɛraakɛ na dɔnɩ Juifisɔa', mɔ̃ Thãgba pɛrnɩ Pɩɛr a na-n mɩa Juifisɔra,
8 gɩdonɩ ʋrɛra hananɩ Pɩɛr punone dɩ do thɔ̃thɔn Juifisɔra, ɔrra dakha hana mɩ punone dɩ ɩ̃ do thɔ̃thɔn ca kpalala,
9 dɩ mɔ̃ wɩ yɩnɩ bɔ jɩɩrɩkɛ Thãgba jɩ mɩnɩ bʋɔra hanɩ, Jakɩ na Sefasɩɩkɛ n dɔnɩ Pɩɛr, na Jã, kɛ wɩ-n hɩɩnnɩ dɩ wɛr dɔ thɩkara, wɩ kɔɔ fʋɔrɛ mɛrɛ na Barnabasɩ bɩɛl do fʋɔrʋʋ, mɔ̃ sɩ donɩ kha kũu bɩnɔ, sɩ puno sa-n jal ca kpalaa pa, sɩ wɛr wa-n jal Juifisɔɔ pa.
10 Gɩrɛ wɩ so sarnɩ dɩbara dʋɔn sa-n jɛna nɩ bɔdara, dɩ mɩ kɔɔ ture na haar fɛʋ dɩ ma-n cʋʋ.
11 Sɩ ɔbɔɔkɛ Pɩɛr kɔɔ pɔnɩ Ãtɩyɔsɩ, mɩ kɔɔ bor ɔɔda kpei ma mʋʋnaa ga, gɩdonɩ a heene sor dɩbara.
12 Gɩdonɩ ɔbɔɔkɛ ɩkhaa tibilsɔɔkɛ thɛnɩ Jakɩɩ pa na kɔɔ pɔnɩ pa', ca kpala a-n kɔɔ khona dɩkɔ, sɩ bɔɔkɛ wɩ danɩ, a-n mə̃mə̃ləne dɩ tɔ dɩ khokhɩa, gɩdonɩ maar n fʋɔnɛɛ wɩrɛraakɛ n bɔnɩ dɩ wa-n ɩɩ khʋ̃ kurrera.
13 Dɩ wɩ̃ Juifisnɔ phɛl a wolõ dɩ wa-n cʋʋ, dɩ awɩ bɩnɛ yenyɔ fɩlla ba hal Barnabasɩ dɩ lʋʋn.
14 Dɩ mɔ̃ mɩ yɩɛnɩ dɩɩ do wa-n ɩɩr dɩɩ telẽ mɔ̃kɛ tutugo bʋɔɔkɛ dɔnɩ sobɔr hana', mɩ kɔɔ sor Pɩɛrra tɩbɩla fɛʋʋ ƴɛra ayɩ: Ado fɛrkɛ dɔnɩ Juifi hana ca kpalaa fɩl, sɩ fa hana Juifi fɩla', mɔ̃gɩdo dɩ fa-n fɛrɛ ca kpala wɩ hanana Juifi fɩlɛ?
15 Ado se wer, Juifi dʋʋr wɩ kɔna sɩ, sa do sopugodara mɔ̃kɛ ca kpala hana'.
16 Sɩrakɛ sɩ jɩrɛ dɩ ga do jɔfʋ thɔ̃ cʋʋrɛra tibil na 'lɛr so hɛlla', sɩ ha pɛrɛ Jeju Kirisitira gɩ; sɛrɛ dakha sɩ kɔɔ pɛr Jeju Kirisiti haar sor n hɛla sar, gɩ the ha pɛrɛraakɛ sɩ hananɩ Kirisitira, ga-n do jɔfʋ thɔ̃ cʋʋrɛra gɩ tha', gɩdonɩ tibil bɩɛllakɛ na 'lɛ so hɛllɛ jɔfʋ thɔ̃ cʋʋrɛra ga.
17 Sɩ mɔ̃ sɩ-n ƴaalnɩ sor n hɛla sar Kirisitira, sopugodarara sɩ do ser, dɩ Kirisiti ba cʋɛ sɩ dɩ sɩ do sopugodara kã? Kpei.
18 Gɩdonɩ ado mɩ bir na mɩ gɩrɛɛkɛ mɩ kɔɔ wɩɛlnɩ, ɩ̃ sopugodaar do mɩ-n nɩna.
19 Me wer, jɔfʋʋ sora mɩ khirore, gɩ do nɔɔ ɩ̃ hana yire Thãgbara.
20 Wɩ kɔɔ kpa mɛr kʋkʋ thɩrʋra nakha Kirisiti, dɩ ga do mɛr gɩɩkɛ hananɩ yire gɩrɛ bã, sɩ Kirisitiikɛ hanɩ ɩ̃ bɩnɔ dɔ ɩ̃ yi; sɩ yireekɛ mɩ hananɩ gɩrɛ, ha pɛrɛra mɩ hana gɩ Thãgbaa Bikuunnaakɛ n naan mɩnɩ a ba faana dɩbara ɩ̃ sora.
21 Ma bo bɔ jɩɩrɩkɛ thɛnɩ Thãgbara ga, gɩdonɩ ado jɔfʋra so hɛllɛ n the ga dor khaar Kirisiti kɔɔ khi pɔɩ.