12
1 Sɩ omɩna, ado gɩrɛ dɔnɩ Thu Phuu khaardasɔ gɩ, ge wer ma-n ƴaal na-n jɩ mɔ̃ gɩ hanaa ga.
2 Nɩ jɩrɛ ɔbɔɔkɛ nɩ kɔɔ donɩ thɩldara, wɩ-n kɔɔ haal nɛr dɩ na-n kpaan ba, thɩlalaakɛ na-n punoneni na mɩɩ nʋɔa'.
3 Gɛr gɩ dɩ ma-n so nar gɩrɛ ayɩ: Tibilikɛ na sɔnɩ nayɩ, ɩnɩ sʋɔn Jeju, ga do Thãgbaa Thurə gɩ tha'; dɩ tibil na puno na so nayɩ: Jeju dɔ Kɔ̃tɩn, saagado Thu Phuurə gɩ thaa ga.
4 Khaarda caar dɩɩdɩɩ hale, sɩ Thu Phuu bɩɛllala gɩ the.
5 Bul thɔ̃ caar dɩɩdɩɩ hale, sɩ Kɔ̃tɩ̃ bɩɛllala gɩ the.
6 Thɩ̃ cʋʋ caar dɩɩdɩɩ hale, sɩ Thãgba bɩɛlla gɩɩkɛ n cʋɛnɩ thɩ̃ɛ fɛʋʋle dɩ ga-n dã tɩbɩlala fɛʋ.
7 Tɩbɩla fɛʋ bɩɛlbɩɛl n 'lɛr Thu Phuurə thɩ̃ cʋʋrɛ, ga-n bul tɩbɩla fɛʋ.
8 Ʋkha n 'lɛr kpɛsɛ thɩmɩɩr, dɩɩ the Thu Phuurə, ʋkha n 'lɛr jɩ thɩmɩɩr, dɩɩ the Thu Phuu bɩɛllala.
9 Ʋkha n 'lɛr ha pɛrɛ, dɩɩ the Thu Phuu bɩɛllala, ʋkha n 'lɛr kho kpɛɛ khaardaa, dɩɩ the Thu Phuu bɩɛllala.
10 Ʋkha n 'lɛr punone da-n cʋʋna nɔ kpaa thɩ̃ɛ; ʋkha n 'lɛr Thãgba tukɩr tir; ʋkha n 'lɛr jɩɩr da-n jɩna gɩrɛ thɛnɩ Thu Phuurə na gɩrɛ na thɛnɩ Thu Phuurə ga; ʋkha n 'lɛr thɩmɩɩ kpɩɩ mɩɩrɛ dɩɩdɩɩ; ʋkha n 'lɛr punone da-n finə thɩmɩɩ kpɩɩkɛ n mɩanɩ.
11 Thu Phuu bɩɛlla gɩ 'lẽ'lẽ'lẽekɛ n cʋɛnɩ ga thɩ̃sɔɔkɛra fɛʋ, da-n tɩnɛ tɩbɩla fɛʋ dɩɩdɩɩ mɔ̃kɛ a-n ƴaalnɩ.
12 Gɩdonɩ mɔ̃kɛ tomɩr donɩ thɩ̃ bɩɛl sa hana ɓaanʋ dɩɩ jɔr, dɩ mɔ̃kɛ tomɩ ɓaanʋsɔɔle jɔrnɩnakɛ sɩ tomɩ bɩɛlla gɩ do, mɛ̃ gɩ ha na Kirisiti.
13 A Juifisɔ ha sɩ, a wɩrɛ na dɔnɩ Juifisɔa wɛ, a dea wɛ, a waɩa wɛ, Thu Phuurəəkɛ dɔnɩ bɩɛl wɩ kɔɔ kpɛɛ sɛrɛ fɛʋ, sɩ debiro sɩ do tomɩ bɩɛl, dɩ sɛrɛ fɛʋ Thu Phuu bɩɛl sɩ kɔɔ yɔ.
14 Gɛr gɩ tomɩr na do ɓã bɩɛla', sɩ ɓaanʋ jɔrɛ.
15 Ado nɔɔ sor ayɩ, gɩdonɩ ɩna do nyɔ̃a', ɩna do tomɩrɩda ga, gelelakɛ na cʋgʋʋrɛ da do tomɩrɩda geraa ya?
16 Dɩ ado nũu sor ayɩ, gɩdonɩ ɩna do yirə', ɩna do tomɩrɩda ga, gelelakɛ na cʋgʋʋrɛ da do tomɩrɩda geraa ya?
17 Ado yire tomɩr do fɛʋ, sɩ nɩdaa kana ga ha? Ado nɩdaa tomɩr do fɛʋ, sɩ hʋ̃ nɩdaa kana ga ha?
18 Mee Thãgba pɩɛr tomɩ ɓaanʋsɔ bɩɛlbɩɛl tomɩrra mɔ̃kɛ a-n ƴaalnɩ.
19 Dɩ ado fɛʋ dor tomɩ ɓã bɩɛl, sɩ kana tomɩr na ha?
20 Gɛr gɩ gɩrɛ dɩ tomɩ ɓaanʋ jɔr, sɩ dɩ tomɩr do bɩɛl dɩbara.
21 Yire na puno na so nyɔɔna nayɩ, ɩna hana ɔɔ ƴaalaa ga; dɩ yʋʋ gɩ a na so nɛɛra nayɩ, ɩna hana awɩ ƴaalaa ga.
22 Sɩ tomɩ ɓã ƴɩrɛ n kanɩ ho sar wa hana fãga jɔjɔa', sɩ thɩ̃ɛ gɩɩkɛ teananɩ hananɛ.
23 Tomɩ ɓaanʋsɔɔkɛ sa-n jɩɩnɩ therna bɔɔbɔa', sɩ-n jɩɛ cʋ gɩ jɔɔ; mɛ̃ asɩ tomɩ ɓãsɔɔkɛ na bʋɔnɔnɩ yɩra' n ka 'lɛ cʋrɛ jɔɔ dɩ a-n kar.
24 Sɩ gɩrɛ kanɩ bɔr yɩr na-n 'lɛ mã'. Sɩ Thãgba kɔɔ gbɛbɩrɛ tomɩr a gba cʋʋr a pɛr tomɩ ɓaanaakɛ na jɩɛnɩ 'lɛ cʋʋra',
25 dɩ mɛ̃ leere na hale tomtrra ga, sɩ gɩ do mɛ̃ tomɩ ɓaanʋsɔ n jɩɩ hɩɩn kha na fɩl bɩɛl.
26 Dɩ ado tomɩ ɓã bɩɛl na gaar bʋɔ, tomɩ ɓaanʋ fɛʋ n gaarɛ kha na ɔr, a wɩ cʋ tomɩ ɓã bɩɛl, tomɩ ɓaanʋsɔ fɛʋ n kãkarɛ kha na ɔr.
27 Nɛr dɔ Kirisitii tomɩ, dɩ nɛr dɔ ɔɔ tomɩ ɓãsɔ dɩɩdɩɩ.
28 Dɩ Thãgba pɛrɛ we gbɛbɩdaraa thɩ̃thɩɩn: Cacara, thɔ̃thɔna; balanyɔ, Thãgba tukɩr tidara; balãther, dɩɩrdara; agɩpɩ, nɔ kpaa thɩ̃ cʋʋdara; agɩpɩ, wɩrɛ hananɩ kho kpɛɛ khaardaa, na bubulo, na ƴɛ kʋla, na thɩmɩɩ kpɩɩ dɩɩdɩɩ mɩɩdara.
29 Fɛʋ n dɔ thɔ̃thɔna kã? Fɛʋ n dɔ Thãgba tukɩr tidara kã? Dɩ fɛʋ n dɔ dɩɩrdara kã? Dɩ fɛʋ n cʋɛ nɔ kpaa thɩ̃ɛ kã?
30 Dɩ fɛʋ n hana kho kpɛɛ khaardaa kã? Dɩ fɛʋ n mɩa thɩmɩɩ kpɩɩ kã? Dɩ fɛʋ n fien thɩmɩɩ kpɩɩ kã?
31 Na-n hanana khaardaasɔɔkɛ baannɩɩ ƴaal; sɩ ma nɩ narɛ hʋɛɛkɛ bʋɔnɔnɩnakɛ a ka.