7
1 Nɛr omɩnaakɛ dɔnɩ jɔfʋ jɩna mɩ-n mɩɩna, na jɩ dɩɩ do bɔɔ fɛʋʋkɛ tibil hananɩ yire gɛr jɔfʋ n punonaa dɩbara gaa?
2 Mɛ̃ jɔfʋ n li khɛr na ɔɔ ko bɔɔ fɛʋʋkɛ kuun hananɩ yire, sɩ a kuun khi pɩ, khɛr n ther jɔfʋraakɛ lieni kha na ɔɔ ko.
3 Sɩ ado bɔɔkɛ ɔɔ ko hananɩ yire, gɛr khɛr biro a ma kũu kpɩɩ, kũu kpɩɩ ƴaaldaar wa-n we khɛrɩle; sɩ ado ɔɔ ko khe, khɛrɩle na ha kha dɩkha na jɔfʋ bã, a a debi do kũu kpɩɩ khɛr ga do kũu kpɩɩ ƴaaldaar a doa'.
4 Mɛ̃ gɩ ha na nɛrɛ ɩ̃ omisɔ; nɛrɛ dakha nɩ kɔɔ khire jɔfʋdaara dɩɩ the anɩ bɩɛl dora na Kirisiti nɩ fi nɩ do tɩɩ kpɩɩda, ʋrɛɛkɛ kɔɔ ɩrɛnɩ a the khirera gɩ, sɩ puno sa-n se be Thãgbara.
5 Gɩdonɩ ɔbɔɔkɛ sɩ-n kɔɔ ɩɩrnɩ a ho tibil ba, sopugoo ƴaalɩkɛ jɔfʋ cʋʋnɩ dɩɩ hale n kɔɔ dor thɔma asɩ tomɩ ɓãsɔra dɩɩ do khir gɩ-n ɩna sar.
6 Sɩ nɛnɛ̃ sɩ ther jɔfʋraakɛ kɔɔ le sɩnɩ mɔ̃ sɩ khini gɩrɛraakɛ kɔɔ fɔ sɩnɩ ɩɩrɔ, gɩ do nɔɔ sa-n do thɔma Thãgbara na fɩl phaakɛ Thu Phuu n thɔɔna sɩnɩ, ga ha mɔ̃ datɩ̃ɩ hanɩ kɛ dɔnɩ jɔfʋʋdaakɛ kherenena'.
7 Dɩ mɔ̃ sa so gɩrɛ? Jɔfʋ dʋɔn sopugo ya? Kpɩɩraka'. Sɩ jɔfʋ cʋɛ mɩ dɩ ɩ̃ jɩ thɩ̃ doo n dɔnɩ sopugo; gɩdonɩ ma kɔɔ jɩ thĩ doo n dɔnɩ ha pɩɛrɛ ado jɔfʋ na kɔɔ so ayɩ, fa-n Pɩɛr hara gaaga.
8 Dɩ jɔfʋ dor nɔɔ dɩ sopugo yɩrɔ hʋɛ a cʋʋ ha pɩɛr caar fɛʋ dɩɩ ɩɩr mar, gɩdonɩ ado jɔfʋ na hala', ga dor thĩ khire sopugo do.
9 Mɛrɛ mɩ kɔɔ hananɛ yire bɔɔraakɛ ma kɔɔ hananɩ jɔfʋ pa', sɩ ɔbɔɔkɛ jɔfʋ ɩnɩ, gɛr sopugo ɩɩrɔ vuu dɩɩ do mɩ khire.
10 Dɩ jɔfʋʋkɛ dɔnɩ yi 'laadaa fire a do mar khi 'laadaa.
11 Gɩdonɩ sopugo yɩrɛ hʋɛ da-n fɩɩl mɩ dɩɩ do jɔfʋʋ pa gɩ the, dɩ a gbaar jɔfʋʋlera a kʋna mɩ.
12 Thãgbaa jɔfʋsɔ wer phure, dɩ jɔfʋ fɛʋ bɩɛlbɩɛl phure, a sar, a bɔrna.
13 Dɩ gɩrɛ bʋɔnɔnɩ fire a do mar khir kɛ? Kpɩɩraka', sɩ sopugo gɩ; mɛ̃ sopugo nɩna mɔ̃ a jɩɩnɩ do sopugo mɔ̃ a gbanɩ gɩrɛ bʋɔnɔnɩ dɩɩ fi do mar khir; mɛ̃ jɔfʋ do nɔɔ dɩ sopugo debi a jɩɩ puuro a pɛr.
14 Sɩ jɩrɛ wer dɩ thudaa jɔfʋ do, sɩ mɛrɛ tibil ha mɩ na tomɩr dɩ ɩ̃ dona sopugoo dee.
15 Ma jɩ ɩ̃ cʋʋ pa tɔrrakɛ mɔ̃ gɩ hana', ga do gɩrɛ mɩ-n ƴaalnɩ ɩ̃ cʋɛ gɛr mɩ-n cʋa', sɩ gɩrɛ mɩ-n laarnɩ khələlələ gɛr mɩ-n ka cʋʋ.
16 Ado gɩrɛ ma-n ƴaalnɩ ɩ̃ cʋa' gɛr mɩ-n cʋʋ, thale n nɛna dɩ mɩ ture dɩ jɔfʋ bɔrɛ.
17 Dɩ a thɩɛna gaa ga do mɛr n cʋ ga, sɩ sopugookɛ hanɩ ɩ̃ hara n cʋɛ.
18 Gɩdonɩ mɩ jɩrɛ thɩ̃ bʋɔ na ha ɩ̃ bɩnɔa', a thɩɛna gaa ɩ̃ tibil do para; thɩ̃ bɔ cʋʋrɛɛ ƴaal wer har ɩ̃ hara, sɩ punone na hala'.
19 Ma-n cʋʋ thɩ̃ bʋɔɔkɛ mɩ-n ƴaalnɩ ɩ̃ cʋa', sɩ puureekɛ ma-n kanɩ ƴaal ɩ̃ cʋa' dɩɩ do gɛr mɩ-n cʋʋ.
20 Dɩ ado ma cʋʋ gɩrɛ ma-n ƴaalnɩ ɩ̃ cʋa', ga do mɛr ɩ̃ eʋ ga sɩ sopugookɛ hanɩ ɩ̃ hara n cʋɛ.
21 Gɛr gɩ gɩrɛ mɩ yɩnɩ ɩ̃ pa dʋɔn: A mɩ yɩ bɔɔ mɩ ƴaal ɩ̃ cʋʋ sɩ puure na-n ha mɩ thɩ̃ thaa ga.
22 Ado bɩnɔ wer gɩ, Thãgbaa jɔfʋ da marɛ haar ka,
23 sɩ a mɩ gba na hɩɩn ɩ̃ tomɩ ɓãsɔ dɩɩ do thɩ̃ kpɩɩ hale n kɛ̃kɛrɛnanɩ gɩrɛ ɩ̃ ha yɩnɩ dabʋɔ gɩ, dɩ thɩ̃ɛɛlera dʋɔn sopugoo jɔfʋ a pɛrnɩ dɩɩ ha ɩ̃ tomɩ ɓãsɔra dɩ ɩ̃ fi do dee.
24 Pha, mɛr bɔ kʋ tibilikɛ, amɛ na taa mɩ na ti mi tomɩ khinənenaakɛ?
25 Thãgba hɩna fʋɔrɛ, gɩdonɩ Jeju Kirisiti asɩ Kɔ̃tɩ̃ɩ pa taarɛ na the. Gɛr gɩ, me wer haarra Thãgbaa jɔfʋʋ dee mɩ do, sɩ ɩ̃ tibil do para dee mɩ do sopugoo jɔfʋra.