21
1 Dɩ Jeju gba da-n hɩɩn a yɩ lɛ̃lɛɛkɛ n pɩɛrnɩ war Thãgba mũsũ pɛ paar.
2 Dɩ le a yɩ dakha khikhɛr bɔdaar dɩ pɔna tama be yenyɔ a pɛr.
3 Dɩ so: Sobɔr mɩ so nar, khikhɛr bɔdaarɩkɛ pɛrɛ war Thãgba mũsũ pɛ paar dɩɩ jɔ wɛr fɛʋ.
4 Gɩdonɩ war harra wɩrɛ fɛʋʋkɛ kɔɔ pɛr war Thãgba mũsũ pɛ paar, sɩ ɔr, ɔɔ bɔdaar warɩkɛ na haanɛɛnɩ a gba koo a pɛr.
5 Mɔ̃kɛ ɩkhasɔ n kɔɔ mɩɩnɩ boka ɓɔna na khaardaasɔɔkɛ wɩ cʋʋnanɩ Thãgba fʋɔr cɔ kɔ̃tɩ̃ɩ dɩɩ ɓɔ̃ kaada, Jeju so warɛ ayɩ:
6 Bɔɔ na daan dɩ gɩrɛɛkɛra nɩ yɩnɩ, boka bɩɛl na bir na sɩ a na dɛ̃ɛ ʋ̃ bokara ƴũ bã, sɩ fɛʋ na derre.
7 Dɩ wɩ bulee: Dɩɩrdaar, ʋmɔ̃ bɔɔ gelela na dã? Dɩ anye dɔ jɩɩnɩkɛ na nɛnanɩ bɔɔkɛ gelesɔra na-n danɩ?
8 Dɩ Jeju birse wi: Na-n jɩɛ dʋ bʋrɛ, na-n do tibil n fɩɩl na', gɩdonɩ tɩbɩla bərəəm na gbaar ɩ̃ i na ɩna wa-n sona wɩ yɩ, ɩnɛr dʋɔn mɛrɛ; dɩ wo, bɔɔ n daan. Na-n ha na kpa wara' koe.
9 Dɩ ɔbɔɔkɛ na nɩɛnɩ kʋʋr hale na lãʋsɔ, na-n do maar n fʋ na', gɩdonɩ dɔ gele n kɔɔ dã ɓo, sɩ ga do gɛr na dʋɔn thɩ pɩ paar dapaara pa'.
10 Le a so war: Ʋ ca na ɩɩrɛ a na-n khena ʋ̃ ca, dɩ ʋ̃ fãgadaarɩ dɩ bɩɛl na ɩɩrɛ a na-n kena ʋ̃ fãgadaarɩ dɩ kpɩɩ.
11 Dɩ thɩ jẽ kɔ̃tɩna, na kho mananɛsɔ, na kɔmɛ kɔ̃tɩnasɔ na hale paar dɩɩdɩɩsɔ. Hərə thɩ̃ɛ na nɔ kpaa thɩ̃ kɔ̃tɩnasɔɔkɛ thɛnɩ ƴũ na hale dakha.
12 Sɩ gɩrɛ na kʋlɛnɩ gele ƴɩɛ, tɩbɩla na fʋlɛ nɛr wa-n kpoo nar. Wa fʋlɛ nɛr na jalna Juifisɔɔ Thãgba fʋɔr cɔnanɔ na khaɩ cɔnanɔ. Wa kpa nɛr na jalna fãgadarara na gobanɛrsɔɔ ƴɛra, gɩ do ɩ̃ i dɔ nɔɔ.
13 Gɛr na yɩrɔ hʋɛ a na mɩɩ wɩ anɩ sobɔ so jɩ thɩmɩɩ.
14 Gɛr gɩ na-n jɛna gɩ dɩ na-n ha na kɔɔ dɛ anye na so yaa ga.
15 Gɩdonɩ mɛr na sɔ nar gɩrɛɛkɛ na mɩɩnɩ, ɩ̃ hana nɩ kpɛsɛrɛɛkɛ anɩ lãlaardarasɔ fɛʋ na punoni a na mara', agɩbo a na bana ga.
16 Anɩ thɩrakɛ, na anɩ nɩ, na anɩ õkuunsɔ, na anɩ too, na anɩ kuunsɔ, wa liirna nɛr, dɩ wa cʋʋrɛ ɩkhaa tibilsɔ anɩ thɩ̃thɩɩn dɩ wa khiir.
17 Tɩbɩla fɛʋ na-n laar nɛr gɩ do ɩ̃ i dɔ nɔɔ.
18 Sɩ anɩ yʋsũ bɩɛllakɛ na 'la na buə'.
19 A nɩ yɩr, na 'lɛr taarɛ.
20 Ɔbɔɔkɛ na yɩnɩ sɔrasɛsɔ dɩ wa kpala Jerujalɛm dɩɩra, nɩ jɛ gɩ do ɔɔ bũburõ bɔ n daan.
21 Le wɩrɛ hanɩ Jude n fuo ca jala gɔ̃gʋɔna, wɩrɛ hanɩ Jerujalɛm dɩ bɩnɔ n ɩrɛ na thɛ, wɩrɛ hanɩ kõgosora na lõ dɩ bɩnɔ bã.
22 Gɩdonɩ ga wisɔɔle na do wiresɔɔkɛ Thãgba na tiirni helu, gɩ cʋʋ gɩrɛ kherenenɩ fɛʋ Thãgbaa sɛbɛra gɩ dã.
23 Ga wisɔɔle, ga puurore khɛ pɛmɛdarara na wɩrɛ n mamanɩ bibɔrɔsɔ. Gɩdonɩ nɩ kɔ̃tɩ̃ɩ na hale dɩɩraale na Thãgbaa nĩkhiikɛ na-n kɛ̃kɛrɛnɛnanɩ ga tibil caakɛ.
24 Bajɩna na kʋʋrɛ wɩ, wa fʋlɛ wɛr na jalna wɩ do dea ca kpalaa dɩra fɛʋ, dɩ Jerujalɛm na dor ca kpalaa nɛ saar pa phaphapha ca kpalaa bɔ n dã.
25 Jɩɩnsɔ na hale wirera na porra na ƴepələ̃besɔra; sɩ kɛkɛ thɩɩra bɔ gaar kɔ̃tɩ̃ɩ na hale tibil caarra fɛʋ, kɛ na jɛnɩ mɔ̃ wa donɩ lanyʋɔnnaakɛ n uboni dɩ a-n bɛɛna ga.
26 Tɩbɩla na khiire maarra mɔ̃ wɩ-n kpɩɛrnanɩ gɩrɛɛkɛ na dananɩ thɩɩra, gɩdonɩ gɩrɛ dɔnɩ fãgaakɛ hanɩ thãgbara ƴũ ga gbugbuyore.
27 Le wa yɩ mɛr tibili Bikuun ma-n ɩna ndɔlɔ̃paar, na fãga, na carbarɛ jɔɔ.
28 Ɔbɔɔkɛ gelela na tɔ̃tʋɔnnɩ ga-n dã, nɩ jɩɛ jɩɩl sa gba ƴɩɛ ƴũ na hɩnɛ, gɩdonɩ anɩ birse bɔ n daan.
29 Dɩ Jeju so war sokpa bɩɛl ayɩ: Nɩ hɩnɛ thɩr khonanɛ na thɩrasɔɔkɛ fɛʋ.
30 Ɔbɔɔkɛ awɩ fasɔ n thɔɔnɩ, nɩ jɩrɛ nɛrɛɛ thɛthɛrakɛ dɩ ubulo wɩllɛ pɩ.
31 Dɩ mɛ̃ gɩ nɛrɛ dakha, a nɩ yɩ thɩ̃ɛsɔɔkɛ dɩ a dã, nɩ jɛ dɩ Thãgbaa fãga gba bɔ daan.
32 Sobɔr mɩ so nar, nĩdaraakɛ na khiir koo sɩ thɩ̃ɛsɔɔkɛ fɛʋ na dã ga.
33 Thãgbara ƴũ na thɩɩ na phor na ka, sɩ ɩ̃ thɩmɩɩsɔ na pho na ka kpɩɩraka'.
34 Na-n jɩɛ dʋ bʋrɛ, dɩ kɛbɩrɛ, na ta laarɛ, na dɛrɩkɛ dɔnɩ thɩɩkɛɛda na-n cʋʋ nɩ dɩ na jʋʋr bã, dɩ ga wiile na danɩ gɩ ho mɔ̃kɛ pheru n cɩna'.
35 Gɩdonɩ mɛ̃ wireele na phã tɩbɩlala fɛʋʋkɛ hanɩ thɩɩra.
36 Gɛr gɩ na-n jʋrɛ a na bɩɛlna Thãgba bɔɔ fɛʋ, a 'lɛ fãga a fuona gɩrɛraakɛra fɛʋ na dananɩ, dɩ mɛ̃ na jɩɩl mɛr tibili Bikuuni ƴɛra.
37 Hɩwɛra Jeju n kɔɔ hale Thãgba fʋɔr cɔ kɔ̃tɩɩna da-n dɩɩr tɩbɩla, sɩ a dɩɩ tɩ̃, dɩ jal dɩ cɔ olɩvɩ thɩr gɔ̃gʋɔnaakɛ.
38 Sɩ jijiirə tɩbɩla fɛʋ n pʋɔraarɛ le Thãgba fʋɔr cɔ kɔ̃tɩɩna, dɩ wa-n pɩɛ nũu.