18
1 Ga bɔɔlera kpãkpãadara tɔ pɔ Jejura, a bulee ayɩ: Amɛ dɔ kɔ̃tɩn a jɔrakɛ fɛʋ ƴũ fãgadaarɩ dɩra?
2 Le Jeju we bɩsã buu dɩ pɔ dɩ thɩɩnʋʋ awɩ thɩ̃thɩɩn sa so:
3 Sobɔr mɩ so nar, ado na debi a ho bɩsã biə', na lõ ƴũ fãgadaarɩ dɩra yuuraka'.
4 Gɛr gɩ tibil wo tibilikɛ na debanɩ na wur na ho bɩsã buukɛ, ɔr na dɔ kɔ̃tɩn na jɔ fɛʋ ƴũ fãgadaarɩ dɩra,
5 dɩ tibil wo tibilikɛ na teanɩ bɩsã buu ʋrɛɛ khaa kɛ, dɩɩ do ɩ̃ i dɔ nɔɔ, mɛrɛɛ thɛthɛ a tee.
6 Nã kɔ̃tɩ̃ tə̃ə juur tibillə fʋɔrɔ wɩ dʋnanaa wɩ faa lanyɔ̃ hulõ paar, baar gɩrɛɛkɛ a na kanɩ na cʋʋ dɩ bɩsã biikɛ pɛ mɩnɩ haar dɩ bɩɛl na bara.
7 Ga puure tɩbɩlala thɩɩra gɩrɛraakɛra nɛ baradaa hanɩkɛ. Nɛ baradaa werrakɛ dɔ ga-n hale, sɩ ga puure tibilləəkɛ n cʋɛnɩ dɩ ga-n hale.
8 Ado afɩ nyɔ̃ agɩbo afɩ nɔ do far baradaa, kuro dɔna faa ƴɔɔ. Gɩdonɩ a fɩ 'lɛ yire khorr na nyɔ̃ bɩɛl agɩbo nɔ bɩɛl, gɩ baar nyɛ̃ɛ yenyɔ agɩbo nɛɛ yenyɔɔkɛ fa hananɩ, sɩ wɩ dʋna fɩ wɩ faa khorr dɔɔra.
9 Dɩ ado afɩ yi dɔ far baradaa, te dɔna faa ƴɔɔ. A fɩ 'lɛ yire khorr na yi khoroo, gɩ baar yinə yenyɔɔkɛ fa hananɩ sɩ wɩ dʋna fɩ bu paar dɔɔra.
10 Na-n jɩɛ dʋ bʋrɛ na-n beesi bɩsã biisɔɔkɛ bɩɛllaka'. Gɩdonɩ mɩ so narɛ, awɩ thɔ̃thɔ̃daar thusɔ hale Thãgbaa dʋɔ ɩ̃ Thɩɩkɛ hanɩle ƴũu ƴɛ thɩ̃thɩɩn bɔɔ fɛʋ.
11 [Gɩdonɩ mɛr tibili Bikuun ɩnɛ ɩ̃ taa wɩrɛɛkɛ bureni.]
12 Mɔ̃ nɩ-n kpɩɛr? Ado tibil hana banaa tamaa dɩ bɩɛl bu, a na sɩ tamaa phe birera gɔ̃gʋɔna sɩ a jal a ƴaal ʋrɛ bonəə?
13 Sobɔr mɩ so nar ado a yɩɩ, ga dʋʋraarɛ daʋ a na jɔ tamaa phe bireekɛ na burenə';
14 mɛ̃ gɩ, anɩ Thɩɩkɛ hanɩle ƴũ, aa-n tu dɩ bɩsã biikɛ bɩɛllakɛ n buə'.
15 Ado afɩ omi cʋʋ sopugo, jala dɩbara a nɩɛraa ɔɔ sopugo. Ado a pɛ fɛr nũu, ga dor fɩ cʋʋrɛ afɩ omi dɩ kɛr bir.
16 Sɩ ado aa pɛ fɩ nũə', kpa tibil bɩɛl agɩbo yenyɔ a jalana, dɩ mɛ̃ «sɔɔle ɓibi na gʋʋr mɔ̃ sobɔ so jɩdara yenyɔ agɩbo yẽɩher yɩɛnɩ dɩɩ ha.»
17 Dɩ ado a bor wele nũ pɛrɛ, gba gɩ dɩphã a sɔ we gbɛbɩdarara. Dɩ ado a bor we gbɛbɩdara nũ pɛrɛ, dɔ dɩphã a ho far thilaar na war gbadaar.
18 Sobɔr mɩ so nar, thɩ̃ɛ wo thɩ̃ɛɛkɛ na lini kɛ thɩɩra, ɔmɛ̃ ga li Thãgbaa dʋɔ. Sɩ thɩ̃ɛ wo thɩ̃ɛɛkɛ na thʋbɩnɩ kɛ thɩɩra, ɔmɛ̃ ga thʋbɩ Thãgbaa dʋɔ.
19 Sobɔr mɩ so nar wo, ado tɩbɩla yenyɔ nɛrɛra na tu kha nɔ bɩɛl kɛ thɩɩra, thɩ̃ɛ wo thɩɛnaakɛ wa bɩɛlnɩ ɩ̃ Thɩraakɛ hanɩle ƴũ, a na ha wɛr.
20 Gɩdonɩ kãkɛ tɩbɩla yenyɔ yẽthersɔ gbɛbɩnɩ kha na ɩ̃ i, le mɩ-n ha awɩ thɩ̃thɩɩn.
21 Le Pɩɛr tɔ dã a bulee ayɩ: Kɔ̃tɩn, ado ɩ̃ omi cʋʋ mɩ puure, balamɔ̃ ma faa na haa? Nyɛ̃be makonyɔ ga dã ya?
22 Dɩ Jeju birsee: Ga do nyɛ̃be makonyɔ mɩ so fara', sɩ nyɛ̃be makonyɔ der paar kpalãther yʋɔr mɩ so.
23 Gɛr gɩ ƴũ fãgadaarɩ dɩ, gɩ hʋrɛ fãgadaarɩkɛ ƴaalɛnɩ a ther war ɔɔ thɔ̃daarsɔɔ pa a hɩɩn.
24 Ɔbɔɔkɛ a manɩ da-n ther, wɩ kpar tibil bɩɛlɩkɛ hanaanɩ helu gbɩlanɩ kɔ̃tɩ̃ der paar gbɩlanɩ a pɔnanaa.
25 Dɩ mɔ̃ aa hananɩ thɩ̃ɛ a na lɩma', ɔɔ kɔ̃tɩ̃ yɩ dɩ wɩ dolonee, ɔr na ɔɔ khɛr, na ɔɔ bɩsãsɔ, na thɩ̃ɛ fɛʋʋkɛ a hananɩ a lɩma heluulera.
26 Dɩ thɔ̃daarɩle jire a gburõku ɔɔ ƴɛ thɩ̃thɩɩn sa sʋʋraa: Fɔ haar sɩ ma lɩmɩ fɛr fɛʋ.
27 Dɩ bʋɔ fʋrɛ thɔ̃daarɩlee kɔ̃tɩna, dɩ faa helula a haa, sa sɩɩraa dɩ jal.
28 Mɔ̃ thɔ̃daarɩlera gbanɩ da-n jal, a caananɛ ɔɔ 'walãkha bɩɛlɩkɛ wɩ-n donanɩ kha thɔ̃ bɩɛl, kɛ hanaanɩ dakha helu war be yenãsɔ. Dɩ a fʋʋrɛ a khɩmɩ ulebire sa so: Lɩma mɩ heluukɛ fɩ hana mɩnɩ.
29 Dɩ ɔɔ 'walãkhaale jire ɔɔ ƴɛra da-n phʋʋrʋʋ ayɩ: Fɔ haar sɩ ma lɩmɩ fɛr.
30 Sɩ a bor sa jalnaa a to khaɩra phaphapha dɩ lɩmʋʋ ɔɔ hella.
31 Ɔbɔɔkɛ ɔɔ 'walãkhasɔ yɩnɩ mɔ̃ thɩ̃ɛɛle danɩ thale, bʋɔ fʋlɛ wɛr jɔɔ ka. Dɩ wɩ gbaar gɩrɛɛkɛ dananɩ fɛʋ a jalna a mɩɛ awɩ kɔ̃tɩ̃.
32 Le kɔ̃tɩn wɩɩ dɩ pɔ dɩ sʋʋraa: Eɛr thɔ̃daar puu, mɩ kɔɔ faarɛ afɩ hel fɛʋ a ha fɩ, gɩdonɩ fɩ kɔɔ phʋʋr mɛr.
33 Dɩ fɛrɛ dakha ga teena fɩ jɛ ʋrɛ nɩ donanɩ kha 'walãkha tibil thɔmana bʋɔra, mɔ̃ mɩ kɔɔ jɩ fɩnɩ bʋɔra gaa?
34 Dɩ nĩkhii fʋrɛ ɔɔ kɔ̃tɩ̃ɩle, dɩ gbaa 'laa gardɩ hɔ̃hɔlala wɩ hʋɔlaa phaphapha a bir a lɩmɩ dakha ɔɔ hella fɛʋ.
35 Thale ɩ̃ Thɩɩkɛ hanɩ ƴũ na cʋʋ na nɛrɛ, ado nɛrɛ fɛʋ bɩɛlbɩɛl yɩ, na-n faa anɩ omii dɩ pa na haar fɛʋ a na haa ga.