16
1 Dɩ jɔfʋ bʋ dʋdara, na wɩrɛ n yɛnɩ khi ɩɩrɛ na hala', pɔr Jejura dɩ wa-n fifiləə a bulee a nɛ nar nɔ kpaa thɩ̃ɛɛkɛ thɛnɩ thãgbara ƴũ.
2 Dɩ Jeju birse wi: Dʋɔrɔ nɩ-n sor aa, thãgba na pəbire wire, gɩdonɩ ƴũ bɩsɩrɛ.
3 Dɩ duuro dɩ nɩ yɩ aa, thãgba na ɩnɛ nĩ, gɩdonɩ ƴũ dor ndɔlɔ̃pa sɛ haar. Nɩ-n punone dɩ nɩ jɩ mɔ̃ thɩ̃ɛ n hanɩ thãgbara ƴũ, sɩ na-n ka dɩ nɩ puno jɩ jenasɔɔkɛ dɔnɩ bɔɔkɛɛda ga.
4 Nĩdaraakɛ puuroni thakɛ, kɛ faanɩ awɩ Thãgba, n ƴaalɛlakɛ nɔ kpaa thɩ̃ɛ, sɩ nɔ kpaa thɩ̃ kpɩɩ na bir na yɩ saagado Jonasɩɩ nɔ kpaa thɩ̃ gaaga. Agɩpɩ a faa wɛr sa jal.
5 Sɩ kpãkpãadara n kɔɔ iire sa diinə buru gbaar.
6 Dɩ Jeju so war ayɩ: Na-n jɩɛ dʋ bʋrɛ na-n tɛ̃tɛna jɔfʋ bʋ dʋdarasɔ na wɩrɛ n yɛnɩ khi ɩɩrɛ na halaa taba'.
7 Dɩ kpãkpãadara ma dɩ wa-n mɩɩ kha awɩ ha ayɩ: Gɩdonɩ sa kɔɔ gba buruə', gɛr gɩ.
8 Dɩ Jeju jɩ mɔ̃ wɩ-n mɩɩnɩ kha a bule wi: Mɔ̃gɩdo dɩ na-n mɩɩ kha anɩ ha, nɛr ha pɛ 'lũdara aa, na kɔɔ gba buruə yaa?
9 Jaa na jɩ kɩrʋ paa koe? Na jɩna buru yemɔɩɩkɛ tɩbɩla gbɩlanɩ yemɔɩ kɔɔ khonɩ na kpõ nʋɔɔkɛ nɩ kɔɔ uulnəə?
10 Na buru makonyɔɔkɛ tɩbɩla gbɩlanɩ yenã kɔɔ khonɩ na kpõ nʋɔɔkɛ nɩ kɔɔ uulnəə?
11 Mɔ̃ gɩ fʋ sɩ dɩ na jɩ kɩrʋ pa? Ga do burudaa mɩ mɩɩ na'. Sɩ na-n jɩɛ dʋ bʋrɛ jɔfʋ bʋ dʋdara na wɩrɛ n yɛnɩ khi ɩɩrɛ na halaa tabɩra.
12 Dɩ le wɩ jɩ dɩphã dɩ mɔ̃ a yɩnɩ wa-n dɔ bʋrɛ, ga do buru cʋʋ tabɩɩr ga, sɩ jɔfʋ bʋ dʋdara na wɩrɛ n yɛnɩ khi ɩɩrɛ na halaa dɩɩr a so.
13 Dɩ mɔ̃ Jeju danɩ Sejare Fihpi khʋra, a bulele ɔɔ kpãkpãadara thɩ̃ɛ thakɛ ayɩwɔɔ: Amɛ tɩbɩla n yɩ mɛr tibili Bikuun ka dor?
14 Dɩ wɩ birsee: Ɩkha n yɩ, Jã Batɩsɩtɩ fɩ do. Wɛ n yɩ, Elɩ fɩ do. Wɛ n yɩ wo, fɛr dɔ Jeremɩ agɩbo Thãgbaa bobon bɩɛl.
15 Dɩ bule wi: Sɩ ner, amɛ nɩ-n yɩ mɩ dor?
16 Dɩ Sɩmɔ̃ Pɩɛr birsee: Fɛr dʋɔn Kirisiti Thãgba yidaarɩ Bikuun.
17 Dɩ Jeju sʋʋraa: Gɩ da farɛ Sɩmɔ̃ Jonasɩɩ bikuun, gɩdonɩ ga do tibil kpɩɛrɛra gɩ the dɩ fɩ jɩ thɩ̃ɛɛka', sɩ ɩ̃ Thɩɩkɛ hanɩle ƴũ gɩ.
18 Sɩ mɛrɛ, mɩ so farɛ: Ga boka kɔ̃tɩnaakɛra ma ɩɩr ɩ̃ we gbɛbɩdara, sɩ fe wer Pɩɛr fa-n do (i kɩrʋ dʋɔn bokaar), dɩ khĩdi dʋɔɔ fãgasɔ na mar na kəə war kpɩɩraka'.
19 Ma ha fɛr ƴũ fãgadaarɩ dɩɩ lakilesɔ, dɩ gɩrɛ fa lini thɩɩra, oti ga li Thãgbaa dʋɔ dakha, sɩ gɩrɛ fa thʋbɩnɩ thɩɩra, oti ga thʋbɩ Thãgbaa dʋɔ dakha.
20 Dɩ a kpãkpaanɛ ɔɔ kpãkpãadarara dɩɩ khɩɩr ka ayɩ, wa-n so tibillə dɩ Kirisiti ha na'.
21 Liir Jeju ma dɩphã da-n so ɔɔ kpãkpãadarara casɩ, mɔ̃ ɔr teenanɩ a jala Jerujalɛm, kɔ̃tɩnasɔ, na bonɩ jidaar kɔ̃tɩnasɔ, na jɔfʋ dɩɩrdarasɔ n gaarʋʋ jɔɔ, sɩ wɩ kʋʋ dakha, sɩ wire yẽther wirera a na ɩɩrɛ na the khirera.
22 Sɩ Pɩɛr kpaarɛ kana pa kpɩɩ, a ma da-n phaanʋʋ ayɩ: Kɔ̃tɩn, Thãgba na thʋ̃ na tu dɩ thɩ̃ɛ tha.e na dã fɩ kpɩɩa'.
23 Sɩ Jeju kɛr a so Pɩɛrra ayɩ: Hala mɩ ƴɔɔ Satã. Fɛr dɔ mar nɛ baradaa, gɩdonɩ ga do Thãgbaa kpɩɛr fɩ-n kpɩɛra', sɩ mɔ̃kɛ tibil n kpɩɛrnɩ gɩ.
24 Le Jeju so ɔɔ kpãkpãadarara ayɩ: Ado ntɛ pɛr haar ɩna-n kpa mar, dɔ a faa dɩbara yɩrnanɛ, sɩ a gba ɔɔ kʋkʋ thɩr a na-n kpana mar.
25 Gɩdonɩ tibilikɛ n kanɩ dɩ hana bʋ dʋr na ɔɔ yi, ga ka na buurəəre. Sɩ ʋrɛɛkɛɛ yi na bonɩ mɛrɛra, ɔr na ka na 'lɛ gɩ waa gel.
26 Gɩdonɩ anyee bɔ ca ga taa tibil, ado a 'lɛ thɩ̃ɛ fɛʋ thɩɩraakɛ, sɩɩ do ɔɔ yi buurəəre? Dɩ agɩbo anye haankɛ dɩ tibi na gba na debina ɔɔ yi?
27 Gɩdonɩ mɛr tibili Bikuun na bire na ɩ̃ na ɩ̃ Thɩɩ i dʋbɩ nakha ɩ̃ thɔ̃thɔ̃daar thusɔ. Liir ma ka tɩbɩla fɛʋ bɩɛlbɩɛl thɩ̃ɛ dɩ ga mɩɛna mɔ̃ ntɛɛ thɔna hanɩ.
28 Sobɔr mɩ so nar, ɩkhasɔ wɩrɛraakɛ hanɩ kɩɛr na khiir, sɩɩ do wa yɩ mɛr tibili Bikuun ɔbɔɔkɛ ma-n ɩnɩ ɩ̃ gba fãga gaaga.