Thãgba na kpɛɛrɛ ɔɔ tookɛ kɛranɩ birəə.
14
1 Samarɩdara na 'lɛr sor awɩ dɩ paraakɛ wɩ cʋʋnɩ,Gɩdonɩ wɩ ɩɩrnanɛ law awɩ Thãgbara.
Wa khiire kʋʋra,
Wa cʋ̃baanɛ awɩ bisɔ,
Wɩ pəl awɩ khɛr pɛmɛdasɔ.
2 Ɩjɩrayɛl bɩsana yaa, nɩ kɛra birə Thãgba Kɔ̃tɩn anɩ Thãgbara,
Gɩdonɩ anɩ dɩpa tɔ nɛr kpɛɛ.
3 Nɩ kɛra birə Thãgba Kɔ̃tɩnna,
A mɩaraa ha debi thɩmɩa,
A sʋɔraa thakɛ ayɛ : «Faa dɩpaar fɛw a hana sɩ,
Sa tea sɩ bɔɔbɔɔ.
Gɩrɛ na dɔnɩ sɩ jenə far nakena bonɩɛ,
Sa dʋbɩ fɛr na asɩ nɔ thɩmɩɩsɔ.
4 Asɩrɩdara na puno na taa sa',
Sa bir na jʋʋn koke gãgona 'lo bã.
Dɩ sa bir na so thɩ̃ɛsɔɔraakɛ asɩ ɲɛ̃ cʋʋnɩ a nayɩ gɛr dʋɔn asɩ Thãgba ga.
Gɩdonɩ fɛra khilə̃buu n 'lɛ bɔ jɩɩr.
5 Ma tiri Ɩjɩrayɛl bɩsana awɩ fɩl gõgolona,
Ma na wɛr na haar fɛw,
Gɩdonɩ nĩkhiikɛ mɩ kɔɔ gbana wɩnɩ pɩrɛ.
6 Ma hor Ɩjɩrayɛl bɩsanana mɩ̃ɛɛkɛ n jeni.
Dɩ wa pher phɩ̃ɩ poo ƴepələ̃bi khaa.
Wa gɔ nɛɛ Lɩbã thɩr khaa.
7 Awɩ nɛsɔ na lãasɛrɛ na jal ƴɔɔ.
Dɩ wa ɓʋɔn mɔ̃ olɩvɩ thɩrʋ n ɓɔnɩ,
Wa n hʋ̃ daw mɔ̃ Lɩbã thɩra n hʋnɩ.
8 Wɩrɛ n kɔɔ tɔɔnɩ awɩ ɩtɩrɔ na kɛrɛ na ɩ̃.
Wa bire na kʋʋl bile,
Dɩ wa pher phɩ̃ɩ mɔ̃ dɩvɛ̃ thɩrʋ n phenɩ.
Wa ther ire Lɩbã dɩvɛ̃ khaa.
9 Efɩrayɩmɩ məlsɔ yaa, aɲera mɛrɛ na thɩla do kha bɩɛl?
Mɛrɛ, mɩ n ture anɩ bɩɛl,
Mɩ n bɛr nɛr,
Mɩ hʋrɛ sɩpɩrɛsɩ thɩrʋʋkɛ n hananɩ faa bɔɔ fɛw.
Mɛrra nɩ n 'lɛ thɩ̃ɛ.
10 Dɔ ʋrɛ hananɩ kpɛsɛrɛ n jɩ ga thɩ̃sɔɔkɛ.
Dɔ ʋrɛ hananɩ jɩɩr n jɩ gɩ.
Gɩdonɩ Thãgba Kɔ̃tɩnɩ hʋsɔ telene dẽdẽ.
Tɩɩ sara na n ɩɩrɔrɛ,
Sɩ wɩrɛ dɔnɩ lãlana na n bararɔrɛ.