Wɩrɛ wɩ n hʋɔlɔnɩɩ Thãgba bɩɛl
5
1 Jɛna gɩrɛɛkɛ dana sɩnɩ ya Thãgba Kɔ̃tɩn!Hɩnɛ, a yɛ mɔ̃kɛ wɩ n nɩɩr sɩnɩ ɓoɓo!
2 Kpakpala gbaar dɩɩkɛ fɩ ha sɩnɩ dɩɩ do awɩda,
Tɩbɩlaakɛ sa jɩna' gbaar asɩ cɔsɔ a hɩ̃.
3 Sɩ debire do khilə̃bii, sa hana thɩra',
Asɩ nɩsɔ fire ho khikhɛra.
4 War sɩ n lɩmɩ sa ɲɔ ɲʋɔn,
Sɩ n lɩmɩnɛ sɩ dɩ wɩ thɔna dɛɛ a ha sɩ.
5 Asɩ kpokpoodara n har asɩ khiro dɔdɔdɔ,
Sɩ thʋnɛ vɔɔ sɩ wa n faa sɩ sɩ hɩɩra'.
6 Sɩ n kɔɔ ther dɩkɔ Ejipitidarara,
Na Asiiridarara dɩ sɩ kho a hi.
7 Asɩ thɩsɔ kɔɔ cʋʋrɛ sopuu,
Sɩ wa hakɛ bã,
Sɩɩ do sɛr heene awɩ dɩpasɔa.
8 Dea n pɔtɔrɔ sɛr,
Sɩ tibil na n taa sɩ awɩ ɲɔ̃kɔa'.
9 Sɩ n dolone asɩ yi bə̃ kpara yosɔɔraakɛ hananɩ bajɩna,
Sɩ sɩ puno sɩ 'lɛ dikor.
10 Asɩ tomɩ kpore phãphãphã a ho camã dɔɔ,
Dɩɩ do kɔmɛrɩkɛ n ãa sɩnɩ dɔ nɔɔ.
11 Wɩ fʋlɛlɛ Sɩyɔ̃ khɛra na fãga a phɩɩna,
Wɩ fʋlɛlɛ khebir khɔ̃ phanasɔ Juda dɩɩsɔɔra na fãga a phɩɩna.
12 Wɩ fʋlɛlɛ jamanasɔ na awɩ ɲɛ̃ a jule thɩrʋra,
Wa hana cʋʋr tɩɩ kpɛɛnana ga.
13 Daɓola heene naan,
Dɩ bɩsã kuuminə heen dɛɛkɛ dʋbarɔnɩ dɩ wa n sisiənə.
14 Kɔ̃tɩna faarɛ dɩ lõfonɔ toore,
Dɩ daɓola sɩrɔ awɩ nɩ khɩ̃.
15 Daw pɩrɛ asɩ hara,
Dɩ asɩ bɩ̃sɔɔkɛ sɩ n sanɩ daʋra, fi do bɩɩ.
16 Jamana kpɩɛr phubi ser yʋɔ a ji!
Thɩlkɩɩr 'li ser ya nɛr, gɩdonɩ sɩ cʋʋrɛ sopuu Kɔ̃tɩna!
17 Gɩrɛ dɔnɩ nɔɔ dɩ haar na n cɩɩ sɩ,
Gɩrɛ dɔnɩ nɔɔ dɩ ƴɩɛ na n birə sɩ,
18 Gɛr dʋɔn Sɩyɔ̃ gɔ̃gʋ̃ɔɔkɛ kʋɛanɩ,
Dɩ hɔ̃ bena gba gɩ dɩɩ do awɩ kpaar pa.
19 Fɛr Thãgba Kɔ̃tɩn,
Fɩ do jamana bɔɔ khorr vʋ̃ʋ,
Afɩ jamana too pa hale khorr məle wo məlela fɛw.
20 Aɲera fa diinə sɩ na faa khorr,
Fɩ bo sɩ waa wire fɛw?
21 Kɛrana sɩ a birənə fɛrɛra ya Thãgba Kɔ̃tɩn,
Gɩ do nɔɔ sɩ bir far,
Cʋɛ thɩ̃ɛ n bir gɩ bɔ sar mɔ̃ gɩ kɔɔ hanɩ mamara;
22 A ga do fɩ bo ser kpẽgelẽe a faa ga;
A ga do fɩ gbana sɛr nĩkhii dɩɩ thʋ̃ kpãasɛa'.