Jakɔbɩɩ be Kanãa dɩɩra. \ref Jǝn 47.28-31; 49.29-33; Jǝn 45.1-11; Kol 3.12-14
50
1 Dɩ Jojɛfɩ khɩɩ a jinǝ ɔɔ thɩra a palnaa. 2 Agɩpɩ a sor ɔɔ thɔ̃dararaakɛ dʋɔnɩ dɔtɔrɔ kɔ̃tɩna wɩ bʋlla ɩnɩɩ thɩ thɩ hʋ̃ʋsɔ, gɩ do nɔɔ khire na n kʋɛa'. Dɩ dɔtɔrɔsɔ bʋllɛ Ɩjɩrayɛl thɩɩ oti. 3 Wire kpalaɲɔ thɩ hʋ̃ bʋllɛɛle n cʋʋ, dɩ mɛ̃ wɩ bʋllʋʋ thɩ hʋ̃ʋsɔɔle a cʋʋna wire kpalaɲɔ. Dɩ Ejipitidara bɩɩrɛ a cʋʋna wire kpalãther yʋɔr. 4 Ɔbɔɔkɛ bɩɩ karɔnɩ pɩ, Jojɛfɩ mɩɩnanɛ Faarɔ̃ɔ cɔ te kɔ̃tɩ̃sɔ a sor war: «Ado ɩ̃da da narɛ, mɩ n bɩɛl nɛr, nɩ jalla mɩana Faarɔ̃ a sʋɔraa: 5 «Ɩ̃ thɩ kɔɔ cʋʋ mɛr dɩ̃ ʋlfɛ; dɩ so mar a ɩnɩ khi, ɩ̃ jallana nɩ a dɔ kaarraakɛ ɩnɩ kɔɔ kpenɩ Kanãa dɩɩra. Mɩ n ƴaalɛ fɩ ha mɩ hʋɛ ɩ̃ jal le ɩ̃ dʋ ɩ̃ thɩ sɩ ɩ̃ bir ɩ̃ ɩ̃.» 6 Dɩ Faarɔ̃ birsee: «Jallana afɩ thɩ a dɔ mɔ̃ɔkɛra a kɔɔ cʋʋ fɩnɩ dɩ fɩ ʋlfɛ.» 7 Dɩ mɔ̃ Jojɛfɩ n jalnanɩ ɔɔ thɩ a dʋ, Faarɔ̃ɔ thɔ̃daar kɔ̃tɩ̃sɔ na Ejipiti kɔ̃tɩnasɔ ɓibi thɔgʋʋrɛ a jalna. 8 Dɩ ɔɔ cɔ too dakha ɓibi jaal: ɔɔ õkũusɔ, na ɔɔ thɩɩ cɔ too. Wɩrɛ wɩ faanɩ Gosɛn dɩbara dʋɔn bɩsã yɩrasɔ na nʋma. 9 Dɩ hotorosɔ na gãgo jʋ̃ʋdarasɔ kɔɔ hale dakha dɩ wa n thɔɔ Jojɛfɩ; dɩɩ do sɩka kpana thʋnɛ a kar. 10 Dɩ mɔ̃ wɩ danɩ Ataadɩ, bəənikɛ hanɩ Jʋrdɛ̃ billo Jojɛfɩ cʋʋrɛ bɩɩ wire makoɲɔ a dʋbɩna ɔɔ thɩ. Dɩ bɩɩra gbɔr na hulẽbe. 11 Dɩ Kanãadaraakɛ dɔnɩ dɩdara yɩrɛ be caarɩle cʋɛnɩ Ataadɩ bǝǝnnǝ dɩ wa n so: «Be kɔ̃tɩ̃ɩ kɔ Ejipitidaraa thɩ̃thɩɩn waa gel». Gɛr dɔ nɔɔ dɩ wɩ dʋ paarɩlera hanɩ Jʋrdɛ̃ɛ billo ire, Abɛl-Mɩsɩrayɩm kɩrʋ dʋɔn Ejipiti bɩɩ. 12 Jakɔbɩɩ bikũusɔ fʋrɛ awɩ thɩɩ nɔka a cʋʋ mɔna a kɔɔ so warnɩ. 13 Wɩ gbaar awɩ thɩ oti a jalna Kanãa a dʋ boka kaaraakɛ hanɩ le Makɩpela lɔɔ, kɛ Abɩraham kɔɔ thenɩ Efʋrɔ̃naakɛ dɔnɩ Hɛtɩɩ mǝl, dɩɩ do ɔɔ khi dʋ pa le Mamire khʋra. 14 Ɔbɔɔkɛ Jojɛfɩ dʋnɩ ɔɔ thɩ pɩ, a kɛrɛ a bir Ejipiti na ɔɔ õkũusɔ na wɩrɛ fɛʋʋkɛ kɔɔ kpaaraanɩ ɔɔ thɩɩ dʋ pa.Jojɛfɩ na ɔɔ õkũusɔ
15 Ɔbɔɔkɛ Jojɛfɩɩ õkũusɔ yɩɛnɩ dɩɩ do awɩ thɩ khire, wɩ sor: «Jojɛfɩ na ƴaal gɩrɛra ɩnɩ n cʋɛ sɩ puure mɔna sɩ kɔɔ cʋgʋʋna' bɛ?» 16 Le wɩ thɔ̃ a sor Jojɛfɩra ayɩ, ɔɔ thɩ kɔɔ 'laanɛ ɔɔ nɔka thɩmɩɩ thakɛ sa khi ayɩ wɔɔ: 17 «Nɩ sɔ Jojɛfɩra aa mɩ sor wɔɔ: "Jɛ afɩ õkũusɔ bʋɔrarakɛ a faa awɩ puu, na sopuukɛ wɩ kɔɔ cʋʋ fɩnɩ a hana wɩ; gɩdonɩ wɩ cʋʋ fɛr puure ka". Gɛr gɩ nɛnɛ̃ɛkɛ sɩ n phʋʋr fɛr dɩ fa faa afɩ thɩɩ Thãgbaa thɔ̃daraa sopuu na ha wɩ.» Ɔbɔɔkɛ wɩ mɩɩnɩ thale na pɩ, Jojɛfɩ khɩɩrɛ. 18 Dɩ ɔɔ õkũusɔ pɔr wɛr thɛthɛrakɛ a jiirǝǝ kalƴɔɔ a sʋʋraa: «Sɛr ha wɩrɛ, gba sɩ sɩ do afɩ deesɔ.» 19 Dɩ so war: «Na n do maar n fʋna', mɛr fĩe do Thãgba ya? 20 Anɩ kpɩɛrra, puure nɩ kɔɔ ƴaal nɩ cʋʋ mɩ; sɩ Thãgba debi gɩ dɩɩ do bɔɔ; gɩdonɩ a ƴaalɛ a taa ca jɔjʋɔ wɩ hana yire, dɩ gɛrra hãa gɩrɛ dananɩ nĩ. 21 Na n hana maar 'lo bã. Ma n hɩ̃ɩ nɛr gɩrɛ fɛʋraakɛ n ɓɔra nɩnɩ na anɩ bɩsãsɔ fɛw. A mɩɩna wɛr dɩ wɩ faa haar.
Jojɛfɩɩ khi \ref Ebi 11.22; Joj 24.32
22 Jojɛfɩ toore Ejipiti, ɔr na ɔɔ thɩɩ cɔ too. Yɛna tamaa na yʋɔr (110) Jojɛfɩ cʋʋ. 23 A torre Efɩrayɩmɩ bɩsãsɔɔra yire, phaphapha a dana ɔɔ balãther mǝl. Dɩ Manasee bikuun Makɩɩr kɔ̃ ɔɔ bɩsãsɔ dɩ Jojɛfɩ na n dɛ̃ɛ nɛɛra. 24 Dɩ Jojɛfɩ so ɔɔ õkũusɔɔra: «Me wer ma khire sɩ Baalɛ na hala', Thãgba na kher ner; a na ti ner dɩɩraakɛ na jalna dɩɩraakɛ a ʋlfɛnɩ ɩnɩ n ha Abɩraham na Ɩjakɩ na Jakɔbɩ.» 25 Dɩ Jojɛfɩ cʋʋrɛ Ɩjɩrayɛlɩ bikũusɔ dɩ wɩ ʋlfɛ; dɩ so war: «Baalɛ na hala'. Ɔbɔɔkɛ Thãgba na ɩnɩ a na kher nɩ, a na the, nɩ khɩɛlɛ ɩ̃ khubisɔ kɩɛr a jallana.»
26 Yɛna tamaa na yʋɔr (110) Jojɛfɩ hana sa khi. Dɩ wɩ bʋllʋʋlɛ thɩ hʋ̃ʋ a pɛ khi dʋ dakara le Ejipiti.