Jakɔbɩ bire cãa kha na Ejayu \ref Jǝn 32
33
1 Mɔ̃ Jakɔbɩ seerni Penɩɛl kɔlɔ̃ pɩ, a ɓar ƴɩɛ a na hɩɩn a yɩ Ejayu da n ɩ̃ na kona taanã. Dɩ a tɩnɛnɛ bɩsana awɩ nɩsɔ dɩɩdɩɩ a ha Lea, na Rasɛl na ɔɔ thɔ̃daar khɛra yeɲɔ. 2 Dɩ a pɛrɛ ƴɛkʋʋlɔ thɔ̃daar khɛra yeɲɔɔle na awɩ bɩsãsɔ, dɩ Lea na n kpaan na ɔɔ bɩsãsɔ, agɩpɩ Rasɛl na n kpaan na ɔɔ bikuun Jojɛfɩ. 3 Sɩ ɔɔ thɛthɛ ka kʋʋl ƴɩɛ a gburõkhu ɲɛ̃be makoɲɔ da n caana ɔɔ õkuun phaphapha a ba wɔrɔ̃ɔ. 4 Dɩ Ejayu ca caanʋ, a palʋ, dɩ wɛr fɛw yeɲɔ na n khɩɩ. 5 Dɩ Ejayu gba a na hɩɩn a yɩ khɛra na bɩsana a bulee: «Ana ha wɩrɛ fɩ hananɩ?» Dɩ Jakɔbɩ birsee: «Bɩsana gɩɩkɛ Thãgba hanɩ mɛr afɩ thɔ̃daar.» 6 Dɩ thɔ̃daar khɛra na awɩ bɩsãsɔ tɔ pɔ a sʋr a fʋɔr. 7 Dɩ Lea na ɔɔ bɩsãsɔ tɔ pɔ dakha a sʋr a fʋɔr; agɩpɩ dɩ Jojɛfɩ na ɔɔ nɩ Rasɛl tɔ pɔ a sʋr a fʋɔr.8 Dɩ Ejayu bulee: «Aɲe fɩ ƴaal fɩ cʋʋna gɩrɛ fɛʋʋkɛ mɩ cãananɩ hʋɛra. Dɩ Jakɔbɩ birsee: «Fɛr ɩ̃ kɔ̃tɩ̃ mɩ n ƴaal fɩ tea mɩ bɔɔbɔɔ.» 9 Dɩ Ejayu sʋʋraa: «Ɩ̃ õkuun, gɩrɛ mɩ hananɩ dã mɛr. Fɔrɔ afɩda.» 10 Dɩ Jakɔbɩ birsee: «Kpei! Mɩ bɩɛl fɛr; ado fɩ tee mer bɔɔbɔɔ, to khaardaakɛ mɩ n ha fɩnɩ, gɩdonɩ mɩ cãa fɛr mɔ̃ wɩ n caanɩ Thãgba, dɩ fɩ tee mer bɔɔbɔɔ. 11 To ɩ̃ khaardaara, gɩdonɩ Thãgba bɔna mɛr dɩ̃ hana gɩrɛ fɛʋʋkɛ teananɩ ɩ̃ hanana. Dɩ mɛ̃ Jakɔbɩ fɛrɛɛ waa dɩ thʋ̃ tee ɔɔ khaarda.
12 Dɩ Ejayu so: «Sɩ jalla, ma thɔɔ fɛr.» 13 Dɩ Jakɔbɩ birsee: «Ɩ̃ kɔ̃tɩ̃, fɩ jɩrɛ bɩsana na n punoǝ'. Dɩ wo mɩ hananɛ bana bii na na biikɛ n mamanɩ. A mɩ ɩɩrna wɩ jɔɔ wi bɩɛl, wa khiire fɛw. 14 Ɩ̃ kɔ̃tɩ̃ waa, ka kʋlɛ ƴɩɛ, sɩ ma n kpaan hɛlɛlɛ nʋmasɔɔ khiro mɔna wa n ɩɩrnɩ, na mɔ̃ ɩ̃ bɩsãsɔ na n ɩɩrnɩ sɩ jalna sɩ dana afɩ dʋɔ Seyɩɩr. 15 Ejayu so: «Dɩ ma faa farɛ ɩ̃ too ɩkha.» Dɩ Jakɔbɩ birsee: «Aɲera 'lo ɩ̃ kɔ̃tɩ̃? Fɩ tee mɩnɩ bɔɔbɔɔ, gɩ daan.» 16 Gaa wirǝ Ejayu gba hʋɛ a kɛr bir Seyɩɩr.
Mɔ̃ wɩ danɩ Kanãa \ref Joj 24.32; Jã 4.5,12;
17 Sɩ Jakɔbɩ gba jal Sukɔtɩ, a mɩ ɔɔ cɔ sa dʋ waasɔ a pɛr nʋmana. Gɛr gɩ dɩ wa n we paarɩle Sukɔtɩ: kɩrʋ dʋɔn waasɔ. 18 Jakɔbɩ thenɩ Padã-Aram dɩɩra a daan na kheu Sɩsɛm kɛ dɔnɩ Sukɔtɩ Kanãa dɩɩra a too dɩ nʋɔra. 19 Dɩ a ther thɩɩ ka a dʋnɩ waasɔ, Hamɔɔr məlsɔɔra, Hamɔɔrɩkɛ dɔnɩ Sɩsɛmɩ thɩ, kesita tamaa. 20 Dɩ liirǝ a mɩ bonɩ ji paarɩkɛ a dʋnɩ ire Ɛl-Elohe-Ɩjɩrayɛl: kɩrʋ dʋɔn Thãgba dʋɔn Ɩjɩrayɛl Thãgba.