Kambwa wa yigoku ka Mombukwono-dhosu
2
1 Bamamakɨ, ka nɨlɔ ondi yigoku ka Mombukwono-dhosu Yeso-Kilisito, na mʉmʉkana kusu ka kpɔlɔ kakɨ, takamʉkʉnga ambɛ : 2 mʉmbanzʉ kamʉbɨkya bɛ lɨsyɛ la kigoku ka Mombukwono-dhosu itulyonini, wikoni mambɛngɨ bɨdhʉʉʉ, makobongonitɔgʉ. Gʉtʉgʉ bakiko kanzɨna pisi ka bʉgyalandʉ ikanɨ pisi ka bomongoni ikanɨ pisi ka bhalʉwa bɛ apʉnya ku kusu, makobinikyononitɔgʉ. 3 Mʉmbanzʉ kamubonitɔgʉ gʉtʉgʉ ko pisi imoti aka. A bɛyɔ, kambwa lɨsyɛ li nɨlɔ kaɨtʉlyana, batʉ budhingi bakya ndɛkɛ lɨkpʉmʉka ko Kunzi, kumbuso yi, Mʉgya-manyɛ nɨnɔ apʉtɨkana ndɛkɛ ka mulibo, ipupisoku sɛ kʉwa. 4 Amʉya ndɛkɛ makpʉmʉka masɨ nɨmɔ bobhibhisogo abhɛ kiko nɨmɔ ko Kunzi. Ɨnda ndɛkɛ kaisopisogo ka ndabʉ ko Kunzi na abɨkya bɛ ɨyɨ nɨ Kunzi+\fr 2.4 \ft Danyɛlɛ 11.36; Izekieli 28.2..5 Makɛgʉ bata katamana bɛ namʉtʉmbʉlyatʉ ndɨ lɨkpʉmʉka li nɨlɨ, ngbingo yi nɨnɔ na ndɨ mino ku kunu ? 6 Makaibho luki tino lɔ akakpɨngba Mʉgya-manyɛ yi nɨnɔ mbɨya wanʉ. Ɨyɨ odhoku ndɛkɛ ko ngbingo nɨnɔ aka nɔ Kunzi abhisilyo ndɨ. 7 Gʉtʉgʉ bɛyɔ, ɨyɨ Mʉgya-manyɛ yi nɨnɔ opungoni ndɨ ligubho kakɨ bɨpɛlɛ. Luki limoti, opuponoku ndɛkɛ ibha mʉtʉ yi nɨnɔ akakpɨngba mbɨya-mbɨya yi nɨmʉ kɛgʉ bata. 8 Nɨyɔ Mʉgya-manyɛ yi nɨnɔ ipupiso ndɛkɛ, Mombukwono-dhosu Yeso amwɔgʉ ndɛkɛ na ɔhʉ wa mʉnɔkʉ aka, alumwisogo no ngu nɨyɔ ipupisoku ndɛkɛ noyu. 9 Mʉgya-manyɛ odhoku ndɛkɛ no ngu ka Mumuyoniso, agya makpʉmʉka mʉmbanga-mbanga dhidhi dhi , mokingyosi na makpʉmʉka ma bɔngɔ. 10 Agya ndɛkɛ makpʉmʉka manyɛnyɛ ko bopisi bi bayasɨ kaʉbɔ batʉ nɨbɔ bokwononi kobungogo. Bobungongo ndɛkɛ kyɛ bakabhaɨlyagʉ ndɨ na kapa lɨkpʉmʉka la lɨngʉnʉ nɨlɔ akwanana ndɨ kauukuso. 11 Kinili, Kunzi utikilyoni kʉwa ngu ya kʉbɔbɔkʉ kaubungusogo bɛkyɛ kabɨnɨkyana lɨkpʉmʉka la bɔngɔ. 12 Kinili, bʉmakyatʉ ndɛkɛ ka mʉngɨmbɔ batʉ basɨ nɨbɔ bakya ndɨ kabɨnɨkyana lɨkpʉmʉka la lɨngʉnʉ, banogwo magyagya ka lɨkpʉmʉka lanyɛ.
Kunzi amupunogoni ndɨ kainisono na muukuso
13 Bamamakɨ, ibusu, tokwononi kamigisyo Kunzi ɨbhɨbha bongbingo basɨ ko bhulyo kunu yi nɨbɔ Kunzi amʉpa. A bɛyɔ, Kunzi amupunogoni ndɨ ibunu katʉkya ka mʉpʉnganagɨ ma ɔbɨlɨ kyɛ minisoni na muukuso. Lɨmbɛngɨ-Lotu amububisotʉ kyɛ bhaya kunu a ya kɨgʉmya ka lɨkpʉmʉka la lɨngʉnʉ. 14 Kunzi amʉmakaga ndɨ kaiko bɛyɔ pisi ko Mongoni Manza nɨnɔ tamʉbɨkyaga ndɨ. Ɨyɨ apa ndɨ bɛ winisononi na ɨbhɨbha ka Mombukwono-dhosu Yeso-Klisito.
15 Kinili bamamakɨ, wigwinonogoni na wikoni bakɨtʉlya ka mʉtʉʉ nɨmɔ tamʉpá ndɨ, iki pisi ka mʉnzɨna ɨkanɨ ka bhalʉwa kusu.