TATA IBADAH MINGGU IV
WNIAHI'A WNIAYODI (Persiapan)
* Rwuwu rwei pia rwatutu tunu-nhiara warwuaru
* Rsumbain la Kerkerata yawok genni
* Kerkerata rpaikia lira-tunu totpa krei wokni-le'enu ratlina
A. IT TAPALI UPLERLAWNA (Menghadap Tuhan)
Nenenu re'eni wotellu Krei wokni-le'enu rtutrieri, me rwahniara kerkerata honona, mak khia'a krei, mak kpaikia Puk Lululi mak kala' tangku rmai lia ya'uli-yawedi genni (rtutrieri)
01. NHIAR LIRA NORA KALWIEDA - PAITIOTA (Votum dan Salam)
PF : Krei mak it tsi'a di de rnairia Orgahi-Orha'a Mak Kakoki-Kayap niana lyanti me nohkerna - raimiaran di nanni
J : Plola
PF : Wutmueha-Laimieha maka Ntuwu-nhai dioin oleka it do'oni- halli me namori-nalewna ita
J : Plola
PF : Uplerlawna Nhiw Lululli mak khi' it mormiorni pa warwuaru me mak khi' it pa hota it tden nekla Uplerlawna genni pa nodi liarni
J : Plola
PF : Orgahi-Orha'a Nal reria kalwiedni-paitiotni la krei wokni pa nodi liarni.
J : Rwahniara nhiara GPM no. 222 “Itmatromni sniayanni inpon memna” 1=F,
3̅ ̅ ̅ ̅ ̅3̅ 4̅ ̅ ̅ ̅ ̅4̅ 3̅ ̅ ̅ ̅3̅ 2̅ ̅ ̅ ̅2̅ | 1̅ ̅ ̅ ̅ ̅1̅ 2̅ ̅ ̅ ̅2̅ . 0
Itmatromni sniayanni inpon memna,
1̅ ̅ ̅ ̅7̣̅ 2̅ ̅ ̅ ̅ ̅1̅ 7̣̅ ̅ ̅ ̅1̅ 3 2 | 1 . . . ||
nliwan reri-nahai rer miyi. Plo––-la
02. LIRA YALOI-YANATRA (Nats Pembimbing) (di sesuaikan)
03. KREI WOKNI-LE'ENU RWAHNIARA ...... (Ramtatna) (Nyanyian Jemaat) ..... (duduk)
04. KREI WOKNI LE'ENU MAK KWALOL NOHORA DO'ONI-HALLI (Umat yang mengaku dosa)
Muli-mtie'ela pa rima-rima nwalol do'onni - halli
Pnt : Uplerlawnu ne, la'a a mormiori miamni lera-lera ri, am mpalola de ami' edona mhi'nana O ralma-riormu.
J : Nhi'inde am mparora – mpalai nieka yatyatni-halalli. Ami' edona mparora hya'maka samomuounu;
Pnt : Nhi'inde a lir mamni-tun muamni narieinian de rimormior wial miamni ralamni edon ramtiernu, onnila a lir mamni-tun muamni nameru ati- namahan ralma la a rimormiori wial miamni.
J : Hihi'mamni-yapyiap miamni edon nhi' rira la samomuounu mere nhi'inde nod rira la yatyatni-halalli.
Pnt + J : Rwahniara nhiara GPM No : 50 bait 1 (Melagukan Nyanyian GPM No : 50 bait 1) 1 = D
5 . 5 . 𝄀 5 ' 6̅ ̅ ̅ ̅5̅ 4̅ ̅ ̅ ̅3̅ 4̅ ̅ ̅ ̅2̅ | 3 . 3 . | 0 3̅ ̅ ̅ ̅3̅
MATROME…MPURIA A DO'A-HAL MAMNI. MUWITNA A RALAM MAMNI
4̅ ̅ ̅ ̅3̅ 4̅ ̅ ̅ ̅6̅ | 5 . 3 . | 0 1̅ ̅ ̅ ̅1̅ 2̅ ̅ ̅ ̅1̅ 2̅ ̅ ̅ ̅4̅ | 3 . 1 0 𝄂
MAAATROME… O MTIUWU-MHUANIANA AMI
Pnt : Matromlawnu ne am mpeyata-mpaniau, mdeulu- mrahlu ora-au mak kdella a' on mamni.
J : Mtiuwu-mhuaiya a do'a-hal mamni. Mhi'a nhiwp miamni-mhuakur mamni pa warwuarga, mumou-muwitna a ralam mamni totpena kirkir mamni-ralma-rior mamni, lir mamni-tun muamni, hihi'mamni- yapyiapp miamni yeherto'pa samouga, me a tulan mamni-kniar miamni yeherto'pa nodia samomuounu la mak O Muohi-mua'ar nana.
Pnt : La' Wutmueha-Laimieha a Matromlawan mamni nanni.
Pnt + J : PLOLA
05. KREI WOKNI-LE'ENU RWAHNIARA (Nyanyian Jemaat)
06. KOTA-DE'ETA LA'A DO'A HALA -TUWU NHIAINI (Berita Anugrah Pengampunan Dosa)
PF : Krei wokni-le'enu maka Uplerlawna Nsaynia,
La' riy maka kwalol do'oni-halli, mitlina ko'ota-de'eta tuwu-nhiai do'a-hala nwatiauga Orgahi-Orha'a: “La'pa o do'omu-halmu merni emaka Kermizi, hota A kuh dioinia re pede mimou-mitwitna emaka tah'i muti wahrani. La'pa merni emaka Kesumba, hota wahrani emaka duma wullu” (Yesaya 1:18).
07. KREI WOKNI-LE'ENU RWAHNIARA (Nyanyian Jemaat)
08. NIE'ERA-TNIATRA WARWUARU ..... (Rtutrieri) (Petunjuk hidup baru) ..... (Berdiri)
PF : “Kalwied de edonna nwatiawu it pa it ttutga la Uplerlawna, mere Uplerlawna ed maka ksayn ita pede Nhopna A'nani pa Nmai, totpena la' E matmiatni de pede Ntuw niana-nhai nian ita totpa itawnie'er la do'a-hala ralamni. U'pu-a'nu mak kden la a ralmu, onnila Uplerlawna ralam kalwiedni mak kareh mieman de mai ita pede it mana ttut wual hadella it rimormior wialli.” (1 Yohanis 4: 10, 11)
J : KREI WOKNI-LE'ENU RWAHNIARA ..... (Ramtatna) (Nyanyian Jemaat) ..... (Duduk)
B. RAKOT NOHORA PUK LULULI LIRNI (Pelayanan Firman Tuhan)
09. Krei o'tani-matni (nakotla krei wokni-le'enu pa rwahniara nhiara KJ No 56, onde nhiara dom to'a)
Pnt : A WAK DE NHIW LULULI MUAILIA’ RALMU. A WAK DE NHIW LULULI MUAILIA’ RALMU. MUALA NHIWPMU NDENLA RALMU UU. NHIW LULULI MUPENGA MORMIOR MIAMNI
10. RPAIKIA PUK LULULI (Rpaikia de rawahla pniaikni) (Pembacaan Firman Tuhan, dibacakan secara berbalas-balasan)
11. KREI WOKNI-LE'ENU RWAHNIARA (KJ No 473 : a atau b) (Nyanyian Aklamasi)
a. Haleluya , Haleluya , Haleluya (Krei lera-lera, Lerlalawwna kajadiang, Lerlalawna Wutmueha nmori'owa'ana, Lerlalawna Wutmueha nha'atla Ilyamou, Uplerlawna Nhur rernia Nhiw Lululi - nhi)
b. Hosiana , Hosiana , Hosiana (Lerlalawna la Wutmueha nniahorni-nniala'ani)
c. Maranatha , Maranatha , Maranatha (Lerlalawna Kajadiang)
12. MAK KHI'A KREI RIWAITI (Khotbah oleh pelayan Firman)
13. MULI -MTIE'ELA (Saat Teduh. Dapat di iringi instrumen musik)
14. KREI WOKNI-LE'ENU RWAHNIARA (Nyanyian Jemaat)
C . KREI WOKNI-LE'ENU RWAHLA (Respon Umat)
15. MANAKUA IT TPESYAINI .............. (Rtutrieri / Ramtatna) (Pengakuan Iman Rasuli .......... Berdiri/ Duduk)
PF + J : (Rewre'wa pa Manakua Pesyaini)
1. A puesiaya Uplerlawna mak kodi plola tariakni la'a lyanti marna-nora nohkerna rai miarna,
2. Me A'nani Yesus Kristus Wutmueha-Laimieha,
3. Maka ra'uhu-ra'apnia nwatiaga Nhiw Lululli, rnihi-rtora watiawua a'na hararara Mari'a.
4. Rnahora-rnala'a E la'a tniorna-knia'a Pontius Pilatus. Rhawlakra la auwlakra hananni pa Nmati noma rtamnia pa Nerun la lodna hairi matmiati.
5. La'pa la' lera wotellu, de Nmori owa'ana la'a matmiati ralamni.
6. Noka Nha'atla la Ilyamou-Watyatoha pa Namtatan la la'a Amni Orgahi-Orha'a walli malganna maka kodi plolli tariakni.
7. Pene Nwatiawu hande pa Nmai owa'ana, pa Nhudi-npara rimormiori mak kmormiori, me mak kmati.
8. A puesiay Nhiw Lululi,
9. Krei mak kmou-kwitna la'riy honona me woka-le'u rimormioria mak kmou-kwitna,
10. Me tniuwu-nhiai do'a-hala,
11. Yamori-yalewna,
12. Me mormiori mak kodi liarni. Plola.
16. MAK KWAHNIARA : PS / VG / dsb (Persembahan Pujian)
17. KREI WOKNI - LE'ENU RALA NHIOINI-TNIANNI (Persembahan Syukur)
a . Nnio'a-nniatu :
Dkn : Krei o'tani-matni : Ina-nara ama-hyalmi re! Orgahi-Orha'a Nal oleka ra'a-palu harahu la' mai it mormiorni. La' hade pede it tala ita nhioini-tnianni la Uplerlawna de it tala hya'maka it tlernan oleka nwatiau E'a. Orgahi-Orha'a Nara'a-napalu ita
b. La'pa rwahoi tangku de krei wokni-le'enu rwahniara
c. Mai pia tsumbain rewre'wa pa tatniemna ita nhioini-tnianni la Uplerlawna (Rtutrieri)
Ee Uplerlawnu nee, honona maka am mreiniana-ma'nan oleka ri de ha rwatiau O'a.
Honona mak am mpei-mnara re pa hota am mlernana de yoma Wutmueha-Laimieha sniayani pede rhi'nan hare honona.
Honona mak amlernana re de yoma Orgahi-Orha'a Nhiw Lululli mak kor reri ami.
La' hade pede Mtiulan pa Muala ruri-lai mai ami totpena a mtulla-msaynia rimormiori honona me Mtiulan nan am pia mamkek samomuou lia honona mak O Mhi'nana. Plola. (Ramtatna)
18. MAK KWAHNIARA : PS / VG / dsb (Persembahan Pujian)
19. TKOLA TIERU-TAWUR NEHLA LA UPLERLAWNA (Mak khi'a krei, Ama, Ina, A'na) (Doa Syafaat. Oleh Pelayan Firman, Ayah, Ibu dan Anak)
D. LIRA NHIOPNA ME NNIO'A RA'A - PALU NWATIAUGA UPLERLAWNA
20. KREI WOKNI-LE'ENU RWAHNIARA ..... (Rtutrieri) (Nyanyian Jemaat) ..... (Berdiri)
21. NNIO'A RA'A - PALU (Pengutusan dan Janji Penyertaan)
PF: Mlia'awa lola muki-hepru me mtiulla-mkiar liola Uplerlawna kotni-nanni mak kmou-kwitna.
La' hade pede mrieiniana E nnio'a yaloi-yanatarni :
Wutmueha-Laimieha Ntutg'oleka ralam kalwiedni me Nala kalwiedni-paitiotni la' ina-nara, ama-hyali honona.
3 2 | 1 7 | 6 2 | 1 7 | 1 . ||
Plola Plola Plo o o la