Sura Karanduana nitulisi
i Petrus
Vamba nu Tesa
Sura i Petrus karanduana hitu nipakatu ka pura-pura todea topomparasaya. Tempo haitu, nadea guru agama nompatuduki pepatuduki nasala. Pepatudukira haitu nanggeni tona nokainggu nadaa. Jadi i Petrus nompainga topomparasaya ka guru-guru mpodava ivehaitu. Niulina topomparasaya kana mompasimbuku mokainggu nabelo, anu masipato ka tona nipokio majadi todea nu Alatala. Bo topomparasaya kana manggangisi pepatuduki nakana ala ledo matekeni mangoseaka pepatuduki nasala. Pepatuduki nakana haitu nipasimbayu ntona anu nanggita i Kristus bo nangepe mboto tesaNa.
Guru-guru mpodava nanguli i Yesus ledo makava mpanjili ri dunia hitu (3:3-4). Jadi nipakalantona i Yesus mpuu-mpuu makava mpanjili mompakaropu dunia nadaa hitu (3:10). Alatala nosabara nte tona nadaa. DotaNa ala pura-pura manusia manggava loga majea lako ri dosara (3:10). Sia sampe i Yesus dopa nakava mpanjili.
Isi nu Sura
Petabe (1:1-2)
Kita kana mantambai pokainggu nabelo (1:3-21)
Kita kana mainga ka guru-guru mpodava (Pasal 2)
I Yesus mpuu-mpuu makava mpanjili ri dunia (3:1-13)
Pokainggu masipato ka kita topompopea kakava i Yesus mpanjili ri dunia (3:14-18)