1 Timotius i

Sura i Paulus Paratama ka

i Timotius

Vamba nu Tesa

I Paulus notulisi sura hitu ka i Timotius. I Timotius topomparasaya da namuda, nomporoa bo nombatulungi i Paulus riara pokarajaana nompatolele Kareba Belo. (Peinta Suro-suro 16:3; 17:14-15; 18:5; 19:22; 20:1-6). Tempo i Paulus notulisi sura hitu, i Timotius naria ri ngata Efesus bo i Paulus ri propinsi Makedonia. I Paulus madota hau ri ngata Efesus tapi nikitana bara da masae pade hau, jadi nitulisina sura hitu ka i Timotius (3:14-15).

Riara sura hitu, i Paulus nombatudu i Timotius mompapola pokarajaa nTupu ri ngata Efesus (1:3,18). Nituduna mombatagi tona nanggeni pepatuduki nasala (1:3-11; 4:1-6) apa ri ngata Efesus naria tona nanggeni pepatuduki anu nosisala nte Kareba Belo. Pepatudukira nompake tesa-tesa lako ri Atura agama nipapola Nabi Musa tapi pompakera tesa haitu nasala (1:7-8). Nantuntuni pepatudukira, kita ledo namala rapakasalama ane ledo nangoseaka atura-atura natantu, evamo nee moberei, nee mangande kandea nipopali (4:1-5). I Paulus nantudu i Timotius mangeva pepatuduki nasala haitu.

Naupu sia i Paulus nompatuduki i Timotius nompasiayu pokarajaa nTupu anu dopa nasiayu, evamo nosambaya (2:1-16), inggu masipato ka pakeni ntodea topomparasaya bo topotulungi pakeni (3:1-13), bo cara nabelo mombatulungi timbala napakasi (5:3-16). Naupu sia, i Paulus nompopatora i Timotius mojagai pokaingguna mboto ala mosinggambela nte pepatuduki nakana (6:2b-21).

Isi nu Sura

Tesa Pantepuuna (1:1-2)

I Paulus nantudu i Timotius mombatagi tona nanggeni pepatuduki nasala (1:3-20)

Nipatudukina pokainggu masipato ka topangoseaka i Pue Yesus (Pasal 2-3)

Nituduna mangeva pepatuduki ledo nakana (4:1-16)

Nipatudukina cara mompasiayu todea topomparasaya (4:17-6:2a)

Nipopatorana pokainggura kana mosinggambela nte pepatuduki nakana (6:2b-21a)

Tabe Kaupuna (6:21b)