Sura i Paulus Karanduana ka Topomparasaya ri Ngata
Tesalonika
Vamba nu Tesa
Topangoseaka i Yesus ri ngata Tesalonika da naingu. Ledo nisanira berimba ntoto kakava i Yesus karongganina ngena (2:1-2). Sanu ira nanguli Eo Kakava i Pue najadimo, sanu ira domo nokarajaa apa nisarumakara domo masae makavamo i Pue (3:6, 11-12). Patuju i Paulus notulisi sura karanduana hitu ka toTesalonika nasimbayu nte patujuna ri sura paratamana. Nipakarosona rarara ala maroo momparasaya tempo rapandasa bo rapakasusa (1:4-10). Nipatudukikana ira anu majadi ri Eo Kakava i Yesus (2:1-12), bo niulikana ira matutu momparasaya i Yesus (2:13-15), nee masanda, bo ira kana mokarajaa mompaelo katuvura mboto (3:6-15).
Isi nu Sura
Tesa pamulana (1:1-2)
I Paulus nanguli tarima kasi ka Tupu sabana toTesalonika, bo nipakarosona rarara ala ira bate-batena momparasaya i Kristus nau nipandasa (1:3-12)
Nipatudukina ka ira anu majadi tempo i Yesus makava mpanjili (Pasal 2)
I Paulus nerapi nte toTesalonika mosambaya ka ia, bo nipopaingana ira, nee mamau (3:1-15)
Tesa kaupuna (3:16-18)