Lukas i

Kareba Belo nitulisi

i Lukas

Vamba nu Tesa

Buku hitu nitulisi i Lukas. I Lukas hii dokutoro anu nasaro nomporoa i Paulus hau ri polipana nompatolele Kareba Belo (Kolose 4:14; 2 Timotius 4:11; Filemon 24). I Lukas nomparesa kajadia-kajadia riara katuvu i Yesus lako nte tona mpuu-mpuu nisanira katuvu i Pue Yesus. Naupu sia nisunju-sunjuna pakabelo, nompamula lako ri pantepuuna sampe i Yesus neore hau ri suruga.

Ri buku hitu i Lukas nombatesa i Yesus Magau Topepakasalama anu nijanji nu Alatala ka toIsrael bo muni ka pura-pura manusia ntanina (2:10,30-32; 3:6; 24:47). Patuju i Yesus makava ri dunia hitu ala mangelo bo mompakasalama tona nasalandala (19:10). Ri Kareba Belo hitu nibacata pepotove i Yesus ka tona napakasi (rapana ri 6:20; 7:22; 14:12-13; 21:1-4) bo ka tona nadosa (rapana 5:30; 7:37-50; 15:1-2). Nikitata muni pepotoveNa ka mombine (rapana 7:11-17; 8:2-3; 10:38-42; 13:10-13; 21:1-4; 23:27-31) bo pepotoveNa ka ngana (rapana: 8:41-42, 54-55; 9:38-42, 46-48; 18:15-17).

Isi nu Buku

Patuju nu buku (1:1-4)

Tesa Pompoanaka i Yohanes Topediu bo i Yesus (1:5-2:52)

Pokarajaa i Yohanes Topediu (3:1-20)

I Yesus nidiu bo nipesori (3:21-4:13)

Pokarajaa i Yesus ri tatanga ntodea ri bagia Galilea (4:14-9:50)

Pokarajaa i Yesus ri polipaNa hau ri ngata Yerusalem (9:51-19:27)

Minggu kaupuna ri ngata Yerusalem (19:28-23:56)

I Yesus natuvu mpanjili bo neonga nte topangoseaka Ia pade neore hau ri suruga (Pasal 24)