Markus i

Kareba Belo nitulisi

i Markus

Vamba nu Tesa

Buku hitu nitulisi i Markus. Ia toYahudi anu nomporoa i Petrus anaguru i Pue Yesus riara polipana nanggeni Kareba Belo. Tesa niepe i Markus lako nte i Petrus nitulisina riara buku hitu. Buku hitu nitulisi ka tona ledo toYahudi ala rasanira muni Kareba Belo lako nte Alatala.

Isi buku hitu notesa pokarajaa i Pue Yesus bo pepatudukiNa ka topangoseaka Ia. I Yesus nompatolele Kareba Belo anu nanguli Alatala nompamula noparenta mpo Magau ri dunia hitu (1:14-15). I Yesus nakuasa nompakabelo tona nadua bo nompopalai seta-seta lako nte tona nipesua seta. Tapi naupa ivesia, pakeni ntoYahudi nangeva i Yesus, bo kaupuna ira nasintuvu mompatesi Ia (3:6). Tapi I Yesus ledo nalai lako nte ira. NisaniNa Ia kana rapatesira (8:31; 9:31; 10:33-34). NipakatantuNa hau ri ngata Yerusalem sabana patuju kakavaNa ri dunia ala mombadekei karoNa rapatesi mantolo dosa manusia (10:45). Naupu i Yesus nipatesi Ia natuvu mpanjili pade neore hau ri suruga.

Patuju i Markus notulisi buku hitu ala mompakalanto i Yesusmo Magau Topompakasalama bo Ana nu Alatala. (Peinta 1:1, 11, 24; 3:11; 5:7; 8:29; 9:7; 14:61-62; 15:39).

Isi nu Buku

Pamulana pokarajaa i Yesus (1:1-13)

I Yesus nompamula nompatuduki todea bo nompopakita kuasaNa ri bagia Galilea (1:14-3:6)

I Yesus nompapola pokarajaaNa ri Galilea (3:7-6:13)

Pokarajaa i Yesus ri savaliku bagia Galilea (6:14-8:30)

Polipa i Yesus hau ri ngata Yerusalem (8:31-10:52)

Povia bo pepatuduki i Yesus ri ngata Yerusalem (11:1-13:37)

I Yesus nisaka bo nipatesi (14:1-15:47)

I Yesus natuvu mpanjili (16:1-20)