Pwəə sɛ́bɛ́ rɛ́ ń kɛ̃ n pə
Shəlamɔ
nɛ mɔ́
Shəlamɔ yà ń wɔ́ lyì-fɔ̀lɔ̀, sə ń tú n jǐrh Kristə-lò. Ń yà ń ŋwɛ́nɛ́ Kɔlɔɔsɛ Kristə-lyì gùlú w wẽ́. Ń yà ń wɔ́ Pwəə dɔwa. Ń yà ń zhe yóm ń yíl Oneshim. Oneshim zɛ̃̀ n dùr n vò Orɔm, sə ń gə́ yú gàà mɔ́, ńmyɛ̌ ǹdə́ Pwəə lwar dwã párá, sə ń jǐrh Kristə-lò. Pwəə zɛ̃̀ ń nə́ ń yâl n ce n ká n vò Shəlamɔ sõ. Wɔ́ rə̀myɛ́ è ce n kɛ̃ sɛ́bɛ́ rɛ́ tɛ̀bɛ́ n pə Shəlamɔ nɛ, n mə n lwə̀l mò bə̀ ń zwẽ Oneshim ǹdə wɔ́ ńmyɛ̌ Pwəə cìcì ń zwẽ ta, bə̀ ń zù Kristə n jǐrh Shəlamɔ da-byǐ, ń kə́ ń də̀ yóm dúdú yé.
Pwəə yà ń kɛ̃ sɛ́bɛ́ dõ ń la Kɔlɔɔsɛ Kristə-lyì bí ni pɔ. Oneshim tó Tishiki ni bə zə sábá nɛ́ bə vò Kɔlɔɔsɛ, bə yí bə pə Kristə-lyì gùlú w lyì bí bə̀ nyân dɛ́, Oneshim zɛ̃̀ n lyɛ̃ n vò n pə Shəlamɔ ń nyân dɛ́.