Zhidi
sɛ́bɛ́ rɛ́ ń kɛ̃ mɔ́
Lò mó mɔ̀bɔ́ ń kɛ̃ sɛ́bɛ́ rɛ́ tɛ̀bɛ́ mɔ́ yíl Zhidi. Ń nə́ ń byẽ̀ ń cìn bə̀ “Zhakɛ nyɛ̃´ ǹdə́ Yezu Kristə tùntùnnə̀”. Yò w kɔ̀bɔ́ ń kɛ̃ sɛ́bɛ́ rɛ́ ò yil mó ǹdə́ kɔ̀bɔ́ Pyɛɛrɛ myɛ zɔ̀m ń sábá nə̀lyè nyân dɛ́ kə̀kàlsɛ̀ sə̀lyè nyâ y wẽ́ mó ga wɔ́ rə̀dù.
Zhidi byili Kristə-lyì bí ni bə̀ bə̀ dɛ̃̌ bə̀ cìn ǹdə́ lyì bí byɛ̀bɛ́ bə̀ zɛ̃̀ bə zù Kristə-lyì gùúlí wẽ́ ǹdə́ kɔma bɛ́ mɔ́. Bə̀ tʼâ byili zhə̀n lyì bí ni yé. Kɔn súlí myɛ, bə̀ tumə né gakó wɔ́ pwarha nyə̀ná; bə̀ wɔ́ lyì byɛ̀bɛ́ bə̀ tʼâ nyàm Yi. Rə̀myɛ́ kwã nɛ́, ń byili Kristə-lyì bí ni bə̀ bə̀ zə kɔn dɛ̀bɛ́ bə̀ byili bi bə zwẽ rə̀ nyí mú kẽkẽ.