Kusegela Yerusalema.
122
1 Lwimbo lwa kubakama. Lwa Davidi. Nabogilebogile gabantendile buno
Twende ku numba za Yehowa.
2 Ee Yerusalema, kano kaluma magulu meitu memana
Ku nibi zobe.
3 Ee Yerusalema, wobakilwe
Anga mwino wakulumanibwa gamozi.
4 Kuko u kukubakama bikanga,
U bikanga bya Yehowa.
Anga buli bulongeki bwa baIsraeli,
Buno baganune izina lya Yehowa.
5 Kuko kwabikilwe bisumbi bya kwatula,
U bisumbi bya numba za Davidi.
6 Segelazi Yerusalema bubobelelo,
Nu bakubutunda balame busoga.
7 Bubobelelo bube mu bitutu byobe,
Nu mponga zibe mu numba nnene zobe.
8 Ku kabamba ka mibuto zane nu banane,
Nkutenda kano kaluma bunee: “Bubobelelo bube kuguli.”
9 Ku kabamba ka numba za Yehowa. Kalaga weitu,
Nakusegele busoga.