Kubobelezia beiyanizi.
12
1 Ku kalongo kanene. Ku kindanda kya misinge kinana. Lwimbo lwa Davidi. Ee Yehowa, nkasie kubuno takuli muntu ukwanza Kalaga,
Kubuno munkatini mwa bantu takukumoneka lingo mukatizia.
2 Na muntu na muntu akwekela munyage buza.
Milomo zabo zikwitananizia, nu bakutenda na milomo za bwengelezi.
3 Yehowa asese milomo insania zikwitananizia,
Nu ndami zikutenda bitondo binene.
4 Batendile bunee: “Ku kabamba ka ndami zeitu twakinde,
Nu milomo zeitu zili zeitu tugu. Nazi watwangate?”
5 Yehowa akutenda bunee: “Ku kabamba ka kubengwa kwa bazambi nu kulila kwa batamba;
Nkuzanzuka kano kaluma, nu nabobelezie wozo u bakubenga.”
6 Moki ma Yehowa meisanana,
Meli anga feza zengibwa ga muzonga mambizi mutuba kamo.
7 Yehowa, Uwe wamalange,
Ee, watulange kutukila kibuti kikino aaba nu ku milyalya.
8 Babi batabange kunsania
Gabe bubi bwaganunwa munkatini mwa bantu.