Kwangata kwa Yoahazi
36
1 Bantu ba kisi batolile Yoahazi mwana wa Yosia nu bamubikile mu kiziki ky'isi kya bukota mu Yerusalema. 2 Yoahazi abezaga na myaka makumi mabili nu isatu gaalingile kwangata, nu angatile myezi isatu. 3 Nkungu zezo mukota wa Misri amutikizye mu Yerusalema, aligizie kisi kodi ku talanta lukama lwa feza+ \fr 36:3 \ft Zigezye na buzitu bwa 34.000 kilogrammes. nu talanta emozi
+ \fr 36:3 \ft Zigezye na 34 kilogrammes. za olo. 4 Mukota wa Misri abikile Eliakimu muto wage kuba mukota gantata ga Yuda nu Yerusalema, nu agalukizye izina lyage libe Yoyakimu, tondo Neko atolile Yoahazi mubuto wage nu endile nage ku Misri.
Kwangata kwa Yoyakimu
5 Yoyakimu abezaga na myaka makumi mabili nu itano gaalingile kwangata, nu angatile myaka ikumi nu umozi mu Yerusalema. Akitile bubi lwabusio lwa Yehowa, Kalaga wage. 6 Nebukadneza, mukota wa Babeli abakamine kweli nu amukandile na miyololo kumweka ku Babeli. 7 Lingo Nebukadneza ekile kyindi kya bibyo bya numba za Yehowa ku Babeli nu abibikile mu numba zage za bukota ku Babeli. 8 Mango makitilo ma Yoyakimu nu binsania bibi byakitile nu byamonekile mweli, byasanzilwe mu mukanda wa bakota ba baIsraeli nu baYuda. Yoyakini mwana wage angatile mu kiziki kyage.
Yoyakini ekilwe ku bukobe ku Babeli
9 Yoyakini abezaga na myaka ikumi nu kinana gaalingile kwangata nu angatile myezi isatu nu bindi ikumi mu Yerusalema. Nu akitile bubi lwabusio lwa Yehowa. 10 Gasilile mwaka, mukota Nebukadneza amumanine nu kumweka ku Babeli gamozi na bibyo byabezaga bya bukunza bunene bya numba za Yehowa; nu abikile Zedekia mubuto wage kuba mukota wa Yuda nu Yerusalema.
Kwangata kwa Zedekia
11 Zedekia abezaga na myaka makumi mabili nu umozi gaalingile kwangata; angatile mu Yerusalema myaka ikumi nu umozi. 12 Nu akitile bubi lwabusio lwa Yehowa, Kalaga wage. Nteibotezie lwabusio lwa mulengania Yeremia watendile moki ma Yehowa. 13 Zedekia agunine mukota Nebukadneza wamulumbilizizie ku Kalaga. Abede na mutima mubibu, nu alimbanizie mutima wage ku Yehowa, Kalaga wa Israeli. 14 Nu bakota bansania ba basankoga gamozi na bantu bitide na mibi anga buli lusombo lwa baBilongo. Beingide na nsese mu numba za Yehowa zaswagizie mu Yerusalema.
15 Yehowa, Kalaga wa beisibo, asingile migenzi kubeli, kubuno abakwilide kyombo, nu atundile nunse numba zage. 16 Tondo beililikile migenzi za Kalaga nu kubenga moki mabo nu kuseka balengania bage aaba nu bongoa bwa Yehowa bwabede ku bantu bage nu takwabezaga nzila za kona.
Kwekwa kwa baYuda ku bukobe.
17 Ububo Yehowa abasingide mukota wa baKaldea, witile basikila babo na myene za nganda mu numba zasililila nu ntabezaga na kyombo ku musikila aba mukinga, mukungu wa mulume aba wa mukikulu. Yehowa abakasenne bansania ku maboko mage. 18 Nu bya mulimo binsania bya numba za Kalaga, bikeke nu binene, nu bikulo binsania bya numba za Kalaga nu bikulo bya mukota nu mitonge zage, endile na bibyo binsania ku Babeli. 19 Nu bagisizie numba za Yehowa nu bagusizie mukolo wa Yerusalema nu kugisia numba zago insania na keiya, nu babigizie binsania byago bya bukunza bunene. 20 Mukota wa Babeli
+ \fr 36:20 \ft Nebukadneza. ekile babo bateitilwe na mwene wa nganda bakobe ku Babeli, nu babede bakobe bage, nu ba bana bage, aaba nu galingile bukota bwa Persia, 21 ububo kuzindilizia iyuki lya Yehowa lyatendile Yeremia; aaba nu gabede kisi na myaka za kumunwa. Bindi binsania bya kisi bikyabezaga bukindu byabede myaka za kumunwa, aaba nu ku kuzindilizia myaka makumi mutubakamo.
Ikakizio lya Kiro
22 Mu mwaka mutangi wa Kiro, mukota wa Persia, Yehowa atendile ku mutima wa Kiro buno iyuki lya Yehowa lyatendile mu kanua ka Yeremia lizindilizibwe; asambede mu bukota bwage bunsania n'iyuki inene nu kusanza bunee: 23 “Mukota wa Persia, Kiro, akutenda bunee: ‘Yehowa, Kalaga wa kwigulu, ankasile makota mansania ma kisi, nu ankakizizie kumukitila numba mu Yerusalema guli mu Yuda. Unsania wa bantu bage watunda, nti asubye ku Yerusalema, nu Yehowa, Kalaga wage abe nage.’”