Bana ba Yakobo nu Yuda.
2
1 Babano u bana ba Israeli: Rubeni, Simeoni, Lawi, Yuda, Isakari, Zebuluni, Dani, 2 Yosefu, Benjamina, Nafutali, Gadi nu Aseri. 3 Bana ba Yuda babezaga Eri, Onani, nu Sela. Babo basatu babutilwe na Bati-Sua, muKanana. Eri, nkula za Yuda, abezaga mubi lwabusio lwa Yehowa, nu amwitile. 4 Tamari mukamwana wage amubutide Perezi nu Zera. Bana bansania ba Yuda babezaga batano. 5 Bana ba Perezi babezaga Hezironi, nu Hamuli. 6 Nu bana ba Zera babezaga: Simuri, Etani, Hemanu, Kalkoli nu Dara; bansania babezaga batano. 7 Mwana wa Karmi, u Akana wozo walubikanizie Israeli ku kwaga mu bibyo byaswilidwe. 8 Nu mwana wa Etani, abezaga Azaria. 9 Bana ba Hezironi baamubutide beli: Yerameli, Ramu nu Kelubai, u Kalebu. 10 Ramu abezaga isi wa Aminadabu, nu Aminadabu abezaga isi wa Nasoni wabezaga musondelezia wa baYuda. 11 Nasoni abutile Salma, nu Salma abutile Boazi. 12 Boazi abutile Obedi, nu Obedi abutile Yese. 13 Yese abutile Eliabu, nkula zage nu Abinadabu wa babili, nu Simea wa basatu, 14 Netaneli wa banazi, nu Radai wa batano, 15 nu Osemu wa mutuba, nu Davidi wa mutubakamo. 16 Babitu babo babezaga Zeruya nu Abigaili. Bana ba Zeruya babezaga Abisai, Yoabu nu Asaheli, bobasatu. 17 Abigaili abutile Amasa, nu isi wa Amasa abezaga Yeteri, muIsimaeli.
18 Kalebu, mwana wa Hezironi, abutile bana na Azuba, mukikulu wage nu na Yerioti, nu babano u babezaga bana babo: Yeseri, Sobabu, nu Ardoni. 19 Gakule Azuba, Kalebu asongile Efurata wamubutide Huri. 20 Huri abutile Uri, nu Uri abutile Bezaleli.
21 Kumbusa, Hezironi eingide ku mukinga wa Makiri, isi wa Gileadi. Amusongile gaabezaga eikile na myaka makumi mutuba. 22 Nu babutile Segubu: Segubu abezaga isi wa Yairi, wabezaga na miino makumi mabili nu isatu mu kisi kya Gileadi. 23 Tondo Gesuri nu Aramu batolile Yairi nu Kenati, nu miino minene insania zazo, miino makumi mutuba. Babo bansania babezaga bana ba Makiri u isi wa Gileadi. 24 Kumbusa kwa lukuo lwa Hezironi kuko ku Kalebu-Efurata, Abiya mukikulu wage amubutide Asuri, isi wa Tekoa.
25 Bana ba Yerameli nkula za Hezironi babezaga: Ramu, nkula zage, nu Buna, Oreni, nu Osemu, nu Ahiya. 26 Yerameli asongile ungo mukikulu izina lyage Atara. Abezaga nina wa Onamu. 27 Bana ba Ramu nkula za Yerameli, babezaga Masi, Yamini, nu Ekeri. 28 Bana ba Onamu babezaga Samayi, nu Yada. Bana ba Samayi babezaga Nadabu, nu Abisuri. 29 Izina lya mukikulu wa Abisuri lyabezaga Abihaili, nu amubutide Abani nu Molidi. 30 Bana ba Nadabu babezaga Seledi nu Apaimu; nu Seledi akule geteli kubuta bana. 31 Mwana wa Apaimu abezaga Isi, nu mwana wa Isi u Sesani. Mwana wa Sesani abezaga Alai. 32 Bana ba Yada, muto wa Samayi, babezaga Yeteri nu Yonatani; nu we Yeteri akule geteli mwana. 33 Basikila ba Yonatani babezaga Peleti nu Zaza. Babo u bana ba Yerameli. 34 Wozo Sesani ntabezaga na basikila; abutile bakinga tugu. Tondo Sesani abezaga na mukiti wa Misri. Izina lyage Yara. 35 Nu Sesani asongizie mwana wage ku Yara mukiti wage nu amubutide Atai. 36 Atai abutile Natani, nu we abutile Zabadi, 37 nu Zabadi abezaga isi wa Efulali, nu Efulali abutile Obedi. 38 Obedi abezaga isi wa Yehu, nu Yehu abutile Azaria. 39 Azaria abezaga isi wa Helesi nu Helesi u isi wa Elasa. 40 Elasa abutile Sisamai, nu Sisamai abezaga isi wa Salumu. 41 Salumu abezaga isi wa Yekamia, nu Yekamia abezaga isi wa Elisama.
42 Bana ba Kalebu mubuto wa Yerameli, babezaga Mesa, nkula zage wabezaga isi wa Zifu. Mwana wa Maresa u Hebroni. 43 Bana ba Hebroni babezaga Kora, Tapua, Rekemu nu Sema. 44 Sema abezaga isi wa Rahamu, u isi wa Yorkamu. Rekemu abezaga isi wa Samai. 45 Mwana wa Samai u Maoni wabezaga isi wa Beti-Suri. 46 Efa, kalemba ka Kalebu abutile Harani, Moza, Gazezi, Nu Harani abezaga isi wa Gazezi. 47 Bana ba Yadai u Regemu, Yotamu, Gesani, Peleti, Efa, nu Safu. 48 Maka, kango kalemba ka Kalebu, abutile Seberi, nu Tirana. 49 Abutile lingo Safu, isi wa Madimana, nu Sewa isi wa Makibena, nu wa Gibea. Mukinga wa Kalebu abezaga Akisa. 50 Babano bansania beli bana ba Kalebu.
Bana ba Huri, nkula za Efurata, Sobali, nyene Kiriati-Yearimu, 51 nu Salma, nyene Betelehemu, nu Harefu nyene Beti-Gaderi, 52 Sobali nyene Kiriati-Yearimu abezaga na bango basikila. Meina mabo Haroe nu kyindi kya baManahati. 53 Bikanga bya Kiriati-Yearimu byabezaga baItiri, nu baPuti, baSumati, nu baMisira. Ku bibino u kwatukile baZorati, nu baEstaoli. 54 Bana ba Salma babezaga Betelehemu nu baNetofati, baAtaroti-Beti-Yoabu, nu kyindi kya baManahati, nu baZori, 55 nu lingo bikanga bya basanzi beikede ku Yabesi: baTirati, nu baSimeati nu baSukati. Babano babezaga baKeni. Keni atukile ku Hamati isi wa numba za Rekabu.