པ༌
2
པི༌འུ༌ སྲུང༌སྐྱོབ༌ ཅོ༌ཅེས༌,
ཡ༌ ལྟ༌ཅེས༌,
ཡ༌ མིང༌ཅན༌ གྱུར༌ཅེས༌ལ༌ རྩིག༌ཁན༌ནི༌ ཐོན༌པོ༌ ནས༌ས༌ པི༌འུ༌ ཟེར༌ར༌ནོག༌།
པི༌ལ༌ཏུ༌ པི༌ལ༌ཏུ༌ ནི༌ རོམ༌པ༌ ཨིན༌པིན༌ ཡང༌ ཡེ༌ཤུའི༌ དཀོན༌མཆོག༌གི༌ གྱལ༌སྲིད༌དི༌ སྐོར༌ལ༌ ཆོས༌ སལ༌ལི༌ ཏུས༌,
ཡ༌ཧུ༌དཱའེ༌ ཡུལ༌ལི༌ ནང༌ང༌ ཝང༌སྲུལ༌ཁན༌ནི༌ ཀའ༌ལོན༌ ཨིན༌པིན༌།
ཁོའེ༌ ཡ༌ཧུ༌དཱ༌པའེ༌ འུ༌སྐྱོང༌གུན༌ ཐད༌ཅུགས༌ཏེ༌ ཡེ༌ཤུ༌ རྐྱང༌ཤིང༌ང༌ རྐྱངས༌ཏེ༌ སད༌ཅེས༌ལ༌ བཀའ༌ ཏངས༌།
པེ༌སག༌གི༌ ཏུས༌ཆེན༌ ༼མད༌ཐཱ༌ 26:2, 5, 18, 19;
ཡང༌ མང༌པོ༌༽,
པེ༌སག༌ ནི༌ ཡ༌ཧུ༌དཱ༌པ༌གུན༌ནི༌ མ༌ ཁག༌ཅན༌ ཏུས༌ཆེན༌ཞིག༌ ཨིན༌ནོག༌།
པེ༌སག༌གི༌ ཏོན༌བོ༌ ནི༌ ནོད༌པ༌ མ༌ཏང༌ང༌ ཆ༌ཅེས༌པོའ༌ ཟེར༌ར༌ནོག༌།
འི༌ཏུས༌ལ༌ ཡ༌ཧུ༌དཱ༌པ༌གུན༌ནི༌ ལོ༌ མང༌པོའེ༌ སྔུན༌ལ༌ ཁོང༌གུན༌ ཨི༌ཇིབ༌པའེ༌ ཚེ༌ཡོག༌ནེ༌ ཕུད༌ཁན༌བོ༌ ཨིད༌ཏུ༌ ཅོའ༌ནོག༌།
དཀོན༌མཆོག༌གི༌ བཀའ༌ ནང༌ཞིན༌ ཁོང༌གུན༌ནི༌ ལུ༌གུ༌ སད༌ཁན༌ནི༌ ཁྲག༌པོ༌ སྒོའེ༌ རིབ༌ཞི༌ཀ༌ སྐུས༌པ༌,
ཏེ༌ ཚན༌ལ༌ ཁོང༌ངི༌ ཀལ༌ལ༌ ཛད༌ཁན༌ནི༌ ཤི༌ཅུག༌ཁན༌ནི༌ ཕོ༌ཉ༌བོ༌ ཁོང༌གུན༌ནི༌ ཁམ༌པའེ༌ ནང༌ང༌ མ༌ཡོང༌ང༌ སྒོའེ༌ཀ༌ ཁྲག༌ མ༌སྐུ༌ཁན༌ནི༌ ཨི༌ཇིབ༌པ༌གུན༌ནི༌ ཁམ༌པའེ༌ ནང༌ང༌ སོང༌ཏེ༌ གོ༌སྐྱེས༌ བུ༌ཚ༌གུན༌ ཤི༌ཅུགས༌།
ཏེ༌ཏུས༌ནེ༌ ཕར༌ལ༌,
ཡ༌ཧུ༌དཱ༌པ༌གུན༌ནི༌ འི༌ ཏུས༌ཆེན༌བོ༌ ལུ༌གུ༌ སད༌ཏེ༌ ཤ༌ སྲགས༌ཏེ༌ ཟེན༌ རྩིའ༌ནོག༌།
ཕ༌
ཕ༌རུ༌ཤི༌པ༌གུན༌ ཡེ༌ཤུའི༌ ཏུས༌ལ༌ ཕ༌རུ༌ཤི༌པ༌གུན༌ ཡ༌ཧུ༌དཱ༌པའེ༌ མ༌ ཁག༌ཅན༌ ཆོས༌སི༌ སྡེ༌ཞིག༌ ཨིན༌པིན༌,
ཁོང༌གུན༌ནི༌ ཡེ༌ཤུའ༌ གྱབ༌གལ༌ སྲན༌ཏྲེ༌ ཅོའད༌པིན༌།
ཁོང༌ ཚང༌མ༌ལ༌ མོ༌ཟེས༌སི༌ ཁྲིམས༌གུན༌ ཤེས༌སད༌པིན༌ ཨིན༌ནའང༌ ཁ༌ཅིག༌ ཏེ༌ ཆོས༌ཁྲིམས༌གུན༌ནི༌ ནང༌ང༌ མ༌ ཁས༌པ༌ ཡོད༌པིན༌།
ཁོང༌གུན༌ནི༌ ཡ༌ཧུ༌དཱ༌པ༌གུན༌ལ༌ མོ༌ཟེས༌སི༌ ཁྲིམས༌གུན༌ ཉམ༌པོ༌ མི༌གུན༌ནི༌ ཅོ༌ཁན༌ནི༌ ལམ༌ ལུག༌སྲོལ༌ མང༌པོ༌ཞིག༌ སྲུང༌གོས༌ ཟེར༌ཏེ༌ ལབ༌བད༌པིན༌།
ཕུན༌སུམ༌ཚོགས༌པ༌ ཕུན༌སུམ༌ཚོགས༌པའེ༌ ཏོན༌བོ༌ ནི༌ ཅི༌ས༌ཐོག༌ནེ༌ སྐྱོན༌མེད༌ ཡང༌ ཏེ༌བོའ༌ ཏེ༌སང༌ གྱས༌པ༌ཞིག༌ ཅོ༌ཉན༌ན༌ མ༌ནོག༌།
སྤེར༌ན༌ ཡེ༌ཤུ༌ ནི༌ ཕུན༌སུམ༌ཚོགས༌པ༌ བླ༌མ༌ ཆེན༌མོ༌ ༼ཨིབ༌རི༌པ༌ 5:9༽,
དང༌ སྲོག༌གི༌ ཆོད༌པ༌ ༼ཨིབ༌རི༌པ༌ 9:14༽,
ཡང༌ ནམ༌ཁའ༌ ནི༌ ཕུན༌སུམ༌ཚོགས༌པ༌ ཆོད༌ཁང༌ ཨིན༌ནོག༌ ༼ཨིབ༌རི༌པ༌ 9:11,12༽
ཕེ༌རོ༌ ༼ཆག༌ལས༌གུན༌ 7:10, 13, 21;
རོམ༌པ༌ 9:17,
ཨིབ༌རི༌པ༌ 11:24༽,
ཨི༌ཇིབ༌བི༌ གྱལ༌པོ༌ ཚང༌མ༌ལ༌ ཕེ༌རོ༌ ཟེར༌ར༌ནོག༌།
ཕོ༌ཉ༌ ༼ཆག༌ལས༌གུན༌ 12:6-11; 27:23,
ཨིབ༌རི༌པ༌ 1:14༽,
ཕོ༌ཉ༌ སྣ༌ ཉིས༌ ཡོད༌ཏེ༌ ཨིན༌ནོག༌,
དཀོན༌མཆོག༌གི༌ ཁའ༌ཉན༌ཁན༌ ཡང༌ དཀོན༌མཆོག༌ག༌ ངོ༌ལོག༌ ཅོ༌ཁན༌།
དཀོན༌མཆོག༌གི༌ ཁོང༌རང༌ངི༌ ཆག༌ལས༌གུན༌ ཛད༌ཅེས༌སི༌ ཕིའ༌ ཁོང༌རང༌ངི༌ ཕོ༌ཉ༌གུན༌ ཀལ༌ལ༌ ཛད༌ད༌ནོག༌།
དཀོན༌མཆོག༌གི༌ མི༌གུན༌ལ༌ སྟ༌སྟོག༌ ཛད༌ཅེས༌སི༌ ཁག༌པོ༌ ཁོང༌གུན༌ལ༌ ཀལ༌ལ༌ ཛད༌ཏེ༌ ཨིན༌ནོག༌།
པར༌རི༌ག༌ ཁོང༌ངི༌ ཕོ༌ཉ༌གུན༌ གྱུད༌ཏེ༌,
ཁག༌ཅན༌ ལོན༌གུན༌ མི༌གུན༌ལ༌ ཀལ༌ལ༌ ཛད༌ད༌ནོག༌།
༼མད༌ཐཱ༌ 28:5, 6, 7;
ལུ༌ཀ༌ 1:30༽།
བ༌
བ༌བེ༌ལོན༌ ༼མད༌ཐཱ༌ 1:11, 12;
ཆག༌ལས༌གུན༌ 7:43༽,
བ༌བེ༌ལོན༌ ནི༌ སྔུན༌མའེ༌ ཏུས༌སི༌ མིང༌ཅན༌ གྱལ༌ས༌ཞིག༌ ཨིན༌ནོག༌།
ཏེ༌ གྱལ༌སའེ༌ གྱལ༌པོའེ༌,
ཨིས༌ར༌ཨེལ༌པ༌གུན༌ལ༌ ནོལས༌ ཡང༌ ཕམ༌ཀལ༌ཏེ༌ མི༌གུན༌ ཁོ༌རང༌ངི༌ ཡུལ༌ལ༌ ཚེ༌ཡོག༌ ཅོ༌ཅེས༌ལ༌ ཁྲིད༌ཏེ༌ ཁྱེརས༌།
ཨིས༌ར༌ཨེལ༌པ༌གུན༌ ཏེ༌རུ༌ ལོ༌ 70 དུག༌གོས༌ཏེ༌ ཨིན༌པིན༌།
ཡང༌ ཡོང༌ཅེས༌ཅན༌ནི༌ ཏུས༌སི༌ ལུང༌སྟན༌ནི༌ སྤེ༌ཆའེ༌ ནང༌ང༌ རོམ༌མི༌ གྱལ༌སའ༌ བ༌བེ༌ལོན༌ ཟེར༌ཏེ༌ དུག༌,
ཅིའ༌ཟེར༌ན༌ ཏེ༌ གྱལ༌སའེ༌ ནང༌ང༌ དུག༌ཁན༌ནི༌ མི༌གུན༌ནི༌ དཀོན༌མཆོག༌ག༌ སྣང༌མེད༌ ཅོའད༌པིན༌།
བ༌རག༌ ༼ཨིབ༌རི༌པ༌ 11:32༽,
ཨིས༌ར༌ཨེལ༌པའེ༌ གྱལ༌པོ༌གུན༌ནི༌ ཀེ༌ནན༌ ཡུལ༌ལི༌ ནང༌ང༌ ཝང༌སྲུལ༌ཅེས༌ གོ༌ཟུག༌གི༌ སང༌ སྔུན༌ལ༌,
བ༌རག༌ ཁོང༌གུན༌ནི༌ འུ༌སྐྱོང༌གུན༌ནི༌ ནང༌ནེ༌ ཅིག༌ཅིག༌ ཨིན༌པིན༌།
ཁོའེ༌ ཨིས༌ར༌ཨེལ༌པ༌གུན༌ མག༌གི༌ ནང༌ང༌ ཁྲིད༌ཏེ༌ གྲ༌འོ༌གུན༌ལ༌ ཕམ༌ཀལས༌།
བའལ༌ ༼རོམ༌པ༌ 11:4༽,
བའལ༌ ནི༌ ལྷ༌ཞིག༌ ཨིན༌ནོག༌།
ཨིས༌ར༌ཨེལ༌པ༌གུན༌ ཀེ༌ནན༌ནི༌ ཡུལ༌ལ༌ ལེབ༌བི༌ སང༌ སྔུན༌ལ༌ ཏེ༌རུ༌ དུག༌ཁན༌ མི༌གུན༌ནི༌ བའལ༌ལི༌ སྐུན༌དྲའ༌ ཅོལ༌ལད༌པིན༌།
ཏེ༌རུ༌ ལེབས༌ཏེ༌ སྟིང༌ནེ༌ ཨིས༌ར༌ཨེལ༌པའེ༌ མི༌རབས༌ ཁ༌ཅིག༌གིའང༌ དཀོན༌མཆོག༌གི༌ ཚབས༌ལ༌ བའལ༌ལི༌ སྐུན༌དྲའ༌ ཅོལས༌,
ཏེ༌བོའེ༌ ཞས༌ཏེ༌ དཀོན༌མཆོག༌ག༌ ཁོང༌གུན༌ནི༌ཀ༌ ཐུགས༌སྲོ༌ སྐྱོདས༌།
བ༌ལའམ༌ ༼པི༌ཏྲར༌རི༌ ཆག༌བྲིས༌ ཉིས༌པ༌ 2:15;
ཡུ༌དཱ༌ 1:11;
ཡོང༌ཅེས༌ཅན༌ནི༌ ཏུས༌སི༌ ལུང༌སྟན༌ 2:14༽,
བ༌ལའམ༌ ནི༌ ལུང༌སྟོན༌པ༌ཞིག༌ ཨིན༌པིན༌།
པེ༌ནེ༌ དོད༌པ༌ ཡོད༌ཅེས༌པོའེ༌ ཁོའེ༌,
ཨིས༌ར༌ཨེལ༌པའེ༌ གྲ༌འོ༌,
གྱལ༌པོ༌ བ༌ལག༌གི༌ ཆོགས༌ ཅོས༌ཏེ༌,
ཨིས༌ར༌ཨེལ༌པ༌གུན༌ལ༌ ཚོད༌ལྟའེ༌ ནང༌ང༌ བུད༌ཅུགས༌ཏེ༌ སྡིག༌པ༌ ཅོ༌ཅུགས༌།
བེན༌ཡཱ༌མིན༌ ༼ཆག༌ལས༌གུན༌ 13:21;
རོམ༌པ༌ 11:1,
ཕི༌ལི༌པི༌ 3:5;
ཡོང༌ཅེས༌ཅན༌ནི༌ ཏུས༌སི༌ ལུང༌སྟན༌ 7:8༽,
བེན༌ཡཱ༌མིན༌ ཡ༌ཀོབ༌བི༌ བུ༌ཚ༌ རྕུག༌ཉིས༌སི༌ ནང༌ནེ༌ ཆུང༌ཤོག༌པོ༌ ཨིན༌པིན༌།
ཏེ༌བོའེ༌ཕིའ༌ ཁོ༌ ཨིས༌ར༌ཨེལ༌པའེ༌ མི༌སྡེ༌ རྕུག༌ཉིས༌སི༌ ནང༌ནེ༌ ཅིག༌གི༌ ཕ༌མེས༌པོ༌ ཨིན༌ནོག༌།
བེལ༌ཟེ༌བུལ༌ ༼མད༌ཐཱ༌ 10:25, 12:24, 27;
མར༌ཀུས༌ 3:22;
ལུ༌ཀ༌ 11:15,18,19༽,
བེལ༌ཟེ༌བུལ༌ ནི༌ རྡུད༌གུན༌ནི༌ གོ༌བའེ༌ མིང༌ང༌ ཟེར༌ར༌ནོག༌།
ཁོའ༌ ཤེ༌ཏན༌ནའང༌ ཟེར༌ར༌ནོག༌།
ཁོའེ༌ དཀོན༌མཆོག༌ག༌ གྱབ༌གལ༌ ཅོའ༌ནོག༌,
ཡང༌ དཀོན༌མཆོག༌གི༌ མི༌གུན༌ལ༌ སྡིག༌པའེ༌ ནང༌ང༌ གྱལ༌ཅུག༌ཅེས༌སི༌ རྩོན༌གྲུས༌ ཅོའ༌ནོག༌།
ཁོང༌གུན༌ནི༌ སྡིག༌པ༌ ཅོའ༌ཅིག༌ དཀོན༌མཆོག༌གི༌ སྐུན༌དུན༌ལ༌ ཁོའེ༌ ཁོང༌གུན༌ནི༌ ངན༌པ༌ ཅོས༌ཏོག༌ ཟེར༌ཏེ༌ སྐྱོན༌ ཀལ༌ལ༌ནོག༌།
མ༌
མ༌ཤི༌ཀ༌ མ༌ཤི༌ཀའེ༌ ཏོན༌ ནི༌,
མི༌ཞིག༌གི༌ གོའེ༌ཀ༌ མར༌ནག༌ ལུགས༌ཏེ༌ སྐོའ༌ ཛད༌ཅེས༌པོའ༌ ཟེར༌ར༌ནོག༌།
ཏུས༌ མང༌པོའེ༌ སྔུན༌ལ༌ ནམ༌ དཀོན༌མཆོག༌གི༌ ཨིས༌ར༌ཨེལ༌པ༌གུན༌ནི༌ ཕིའ༌ གྱལ༌པོ༌ ལྡམ༌མ༌ ཛདས༌,
བླ༌མའེ༌ ཏེ༌ མི༌བོའེ༌ གོའེ༌ཀ༌ མར༌ནག༌ ལུགས༌ཏེ༌ ཁོ༌ གྱལ༌པོ༌ ལྡམས༌ཁན༌བོའེ༌ སྟགས༌ སྟན༌ནད༌པིན༌།
དཀོན༌མཆོག༌གི༌ ཁོང༌རང༌ངི༌ གྱལ༌སྲིད༌ སྔོན༌ཅུག༌ཅེས༌ དང༌ ཁོང༌རང༌ངི༌ མི༌གུན༌ སྐྱོབ༌ཅེས༌སི༌ ཕིའ༌ ཀལ༌ཅེས༌ལ༌ ཞལ༌ཆད༌ ཛད༌ཁན༌བོའ༌,
མ༌ཤི༌ཀ༌ མོལ༌ལ༌ ཛདས༌,
ཅིའ༌ཟེར༌ན༌ ཁོང༌ ཁོང༌ངི༌ ལྡམ༌མ༌ ཛད༌ཏེ༌ ཀལ༌ལ༌ ཛད༌ཁན༌བོ༌ ཨིན༌ནོག༌།
མ༌ཤེས༌ཁན༌ནི༌ སྐད༌ ཏམ༌པའེ༌ ཐུག༌ཉིད༌དི༌ ཁྱུད༌ སལ༌ཏེ༌ མ༌ལབས༌ཁན༌ནི༌ ཞན༌ སྐད༌དི༌ ནང༌ང༌ སྤེ༌ར༌ ཏང༌ཅེས༌།
མན༌ན༌ ༼ཡོ༌ཧཱ༌ནན༌ 6:31, 49, 58;
ཨིབ༌རི༌པ༌ 9:4,
ཡོང༌ཅེས༌ཅན༌ནི༌ ཏུས༌སི༌ ལུང༌སྟན༌ 2:17༽,
ཨི༌ཇིབ༌ནེ༌ བིང༌ཏེ༌ སྟིང༌ནེ༌ ཨིས༌ར༌ཨེལ༌པ༌གུན༌ རི༌སྟོང༌ངི༌ ནང༌ང༌ ལོ༌ 40 ཁོར༌ཨིན༌ དུག༌ ཟ༌ནེ༌,
དཀོན༌མཆོག༌གི༌ ཧ༌ལས༌ཤེས༌སི༌ ཛད༌པ༌ ཛད༌ཏེ༌ ཁོང༌གུན༌ལ༌ མན༌ན༌ ཟེར༌ཁན༌ནི༌ ཟན༌ སལ༌ལ༌ ཛདས༌།
ཏེ༌བོ༌ ཤབ༌བད༌དི༌ ངལ༌ཚོའེ༌ ཞག༌ ཅིག༌པོ༌ མན༌པ༌,
ཞག༌ཏང༌ དཀོན༌མཆོག༌གི༌ ཆོགས༌ནེ༌ སའེ༌ཀ༌ བབས༌སད༌པིན༌།
སྨད༌གྲ༌ ཚིག༌ངན༌ ཟེར༌ཅེས༌།
མི༌རིགས༌སི༌བུ༌ ཏུས༌ མང༌པོའེ༌ སྔུན༌ལ༌,
ལུང༌སྟོན༌པ༌ དཱ༌ནི༌ཨེལ༌ལ༌ མ༌ཡོངས༌པའེ༌ ཏུས༌སི༌ ནང༌ང༌ ཇུང༌ཅེས༌སི༌ ཞལ༌ཟིགས༌ཤིག༌ ཐོང༌,
ཀ༌བོའེ༌ ནང༌ང༌ མི༌ཞིག༌ ནམ༌ཁའ༌ནེ༌ སྲིན༌ནི༌ཀ༌ ཝང༌ དང༌ ཤེད༌ ཉམ༌པོ༌ བབས༌ཏེ༌,
དཀོན༌མཆོག༌གི༌ སྐུན༌དུན༌ལ༌ སྐྱོདས༌།
དཀོན༌མཆོག༌གི༌ ཁོང༌ང༌ མི༌ དང༌ མི༌རིགས༌ ཚང༌མའེ༌ཀ༌ གྱལ༌པོའེ༌ ཚུལ༌ལ༌ ཏུས༌གྱུན༌ ཝང༌སྲུལ༌ཅེས༌སི༌ ཝང༌ཆའ༌ སལས༌།
དཱ༌ནི༌ཨེལ༌ལ༌ ཐོང༌ཁན༌ མི༌བོ༌ ནམ༌ཁའ༌ནེ༌ སྐྱོད༌ནའང༌ སུ༌ ཨིན༌ གྱུས༌མེད༌ པ༌སང༌ ཁོའེ༌ ཁོང༌ “མི༌རིགས༌སི༌བུ༌” ཙོགས༌ ཐོང༌དུག༌ བྲིས༌།
ཞལ༌ཆད༌ སོ༌མའེ༌ ནང༌ང༌ ཡེ༌ཤུའི༌ ལན༌ མང༌པོ༌ ཁོང༌རང༌ང༌ མི༌རིགས༌སི༌བུ༌ མོལ༌ལ༌ ཛདས༌།
ཏེ༌ཟུག༌ མོལ༌ཅེས༌ནེ༌ ཁོང༌ངི༌ དཱ༌ནི༌ཨེལ༌ལ༌ ཐོང༌ཁན༌ནི༌ མི༌བོ༌,
ཁོང༌ ཞུགས༌ཏེ༌ ཨིན༌ཁན༌བོ༌ སྔོན༌ ཅུག༌ག༌ ཛདས༌།
མིར༌ཡམ༌ ཞལ༌ཆད༌ སོ༌མའེ༌ ནང༌ང༌ བུ༌མོ༌ ཁ༌ཅིག༌གི༌ མིང༌ མིར༌ཡམ༌ ཡོད༌ཏེ༌ ཨིན༌ནོག༌།
1. མིར༌ཡམ༌ ཡེ༌ཤུའི༌ ཨ༌མ༌།
2. ཡེ༌ཤུའི༌ རྡུད༌ རྡུན༌ བིང༌ང༌ ཛད༌ཁན༌ནི༌ མག༌དལ༌ལ༌མ༌ མིར༌ཡམ༌,
ཁོ༌ ཡེ༌ཤུའི༌ ལོབ༌ཕྲུགས༌ གྱུར༌ཏེ༌ ཨིན༌པིན༌།
༼མད༌ཐཱ༌ 27:55,56;
མར༌ཀུས༌ 16:9;
ལུ༌ཀ༌ 8:2;
ཡོ༌ཧཱ༌ནན༌ 20:1,2; 11:1-18:35;
ཡང༌ མང༌པོ༌༽
3. བེད༌ཐཱ༌ནི༌པ༌ མིར༌ཡམ༌ ནི༌,
ལ༌ཟར༌རས༌སི༌ སྲིང༌མོ༌ དང༌ མར༌ཐཱའེ༌ ནོ༌མོ༌ ཨིན༌པིན༌།
ཁོའེ༌ ཡེ༌ཤུའི༌ ཞབས༌སི༌ དུན༌ལ༌ དུགས༌ཏེ༌ ཁོང༌ངི༌ ལབ༌ཞ༌གུན༌ ཉན༌ནད༌པིན༌།
༼ལུ༌ཀ༌ 10:38-42;
ཡོ༌ཧཱ༌ནན༌ 11:1-5;
ཡོ༌ཧཱ༌ནན༌ 12:1-7༽
4. ཡ༌ཀོབ༌ དང༌ ཡོ༌སེབ༌བི༌ ཨ༌མ༌ མིར༌ཡམ༌།
༼མད༌ཐཱ༌ 27:56;
མར༌ཀུས༌ 15:40, 16:1;
ལུ༌ཀ༌ 24:10༽
5. མར༌ཀུས༌ ཟེར༌ཁན༌ ཡོ༌ཧཱ༌ནན༌ནི༌ ཨ༌མ༌ མིར༌ཡམ༌།
ཡེ༌རུ༌ཤ༌ལེམ༌མི༌ གྱལ༌སའེ༌ ནང༌ང༌ ཡེ༌ཤུའི༌ ལོབ༌ཕྲུགས༌གུན༌ ཁོའེ༌ ཁང༌པའེ༌ ནང༌ང༌ ཛོམ༌མད༌པིན༌།
༼ཆག༌ལས༌གུན༌ 12:12༽
མའེར༌ ༼མད༌ཐཱ༌ 2:11;
མར༌ཀུས༌ 15:23;
ཡོ༌ཧཱ༌ནན༌ 19:39;
ཡོང༌ཅེས༌ཅན༌ནི༌ ཏུས༌སི༌ ལུང༌སྟན༌ 18:13༽,
མའེར༌ ནི༌ མ༌ རིན༌ཅན༌ ཏྲི༌ཞིམ༌ཅན༌ནི༌ ཟས༌ཤིག༌ ཨིན༌ནོག༌།
ཡ༌ཧུ༌དཱ༌པ༌གུན༌ནི༌ འི༌བོ༌ སྨན༌ཞིག༌གི༌ ཚུལ༌ལ༌ ཀོལ༌ལད༌པིན༌,
ཀ༌བོའེ༌ ཐུང༌ཁན༌བོའ༌ ཉིད༌ཡོང༌ཅུགས༌ པ༌སང༌,
ཁོའ༌ ཟུ༌མོའེ༌ བར༌དོ༌བོ༌ ཚོར༌ར༌ མེད༌པིན༌ ཡང༌ རོ༌ སུབ༌ཅེས༌ལ༌ གྲལ༌གྲིག༌ ཅོ༌ ཟ༌ནེ༌ སྐུའད༌པིན༌།
མེལ༌ཀ༌ཟེ༌དེག༌ ༼ཨིབ༌རི༌པ༌ 5:6-10, 6:20; 7:1-17༽,
ང༌དང༌གུན༌ལ༌ ཨིབ༌རི༌པ༌ དང༌ གོ༌ཟུག༌གི༌ སྤེ༌ཆ༌ ཅིག༌པོའེ༌ ནང༌ང༌ མ༌ནེ༌ མེལ༌ཀ༌ཟེ༌དེག༌གི༌ སྐོར༌ལ༌ སིལ༌ཅེས༌ལ༌ ཐོབ༌བ༌ མི༌དུག༌,
ཏེ༌གུན༌ནི༌ ནང༌ང༌ ཁོང༌ ནི༌,
དཀོན༌མཆོག༌གི༌ ལྡམ༌མ༌ ཛད༌ཁན༌ བླ༌མ༌ ཨིན༌ མོལ༌ཏེ༌ དུག༌།
ཨབ༌ར༌ཧམ༌མི༌ མག༌གི༌ སྟིང༌ནེ༌ ཟུམས༌ཏེ༌ ཁྱེར༌ཁན༌ ཁོ༌རང༌ངི༌ ཚ༌འོ༌ སྐྱོབས༌ཏེ༌ ཁྱོང༌ ཟ༌ནེ༌,
ཁོའ༌ མེལ༌ཀ༌ཟེ༌དེག༌ ལམ༌མ༌ ཐུག༌།
མེལ༌ཀ༌ཟེ༌དེག༌གི༌ ཨབ༌ར༌ཧམ༌མ༌ ཏ༌གི༌ དང༌ ཆང༌ ཏངས༌ཏེ༌ ཁོའ༌ དཀོན༌མཆོག༌གི༌ ཅིན༌ལབས༌ ཆད༌མེད༌ ཐོབ༌ཅེས༌ལ༌ མོས༌ལམ༌ ཞུས༌,
ཡང༌ ཨབ༌ར༌ཧམ༌མི༌ མག༌གི༌ ནང༌ང༌ ཐོབ༌ཁན༌ནི༌ ནོར༌གུན༌ནི༌ ནང༌ནེ༌ རྕུ༌ཁག༌པོ༌ མེལ༌ཀ༌ཟེ༌དེག༌ག༌ ཕུལས༌།
ཞན༌ བླ༌མ༌གུན༌ ཙོགས༌ལ༌ མེལ༌ཀ༌ཟེ༌དེག༌ ནི༌ ཨིས༌ར༌ཨེལ༌པའེ༌ ལི༌ཝི༌ ཟེར༌ཁན༌ནི༌ སྡེ༌ནེ༌ མན༌པིན༌,
ཀ༌གུན༌ ཨབ༌ར༌ཧམ༌མི༌ པུར༌གྱུད༌ ཨིན༌ནོག༌།
མེལ༌ཀ༌ཟེ༌དེག༌ ནི༌,
ཏེ༌ བླ༌མ༌གུན༌ནི༌ སང༌ ཀྲག༌ག༌ཞིག༌ ཨིན༌པིན༌།
མུ༌ཟི༌ མུ༌ཟིའ༌ ཨངག༌རེས༌སི༌ སྐད༌དི༌ ནང༌ང༌ སལ༌ཕར༌ ཟེར༌ར༌ནོག༌།
འི༌བོ༌ སེར༌པོ༌ དོག༌གི༌ རྡོའ༌ མེའ༌ སྲག༌ག༌ཅིག༌ ཏུག༌ཅན༌ནི༌ ཏྲི༌མ༌ བིང༌ང༌ནོག༌།
མོ༌ཟེས༌ མོ༌ཟེས༌ ནི༌ ཨིས༌ར༌ཨེལ༌པ༌གུན༌ནི༌ འུ༌སྐྱོང༌ ཀྲག༌པོ༌ཞིག༌ ཨིན༌པིན༌།
ཨིས༌ར༌ཨེལ༌པ༌གུན༌ ཨི༌ཇིབ༌བི༌ ནང༌ང༌ ཚེ༌ཡོག༌ག༌ ཡོད༌ ཟ༌ནེ༌ དཀོན༌མཆོག༌གི༌ མོ༌ཟེས༌ ཁོང༌གུན༌ ཏེ༌ནང༌ནེ༌ ཕིང༌ཅེས༌ དང༌ ཁྲིད༌ཏེ༌ ཁོང༌ངི༌ ཞལ༌ཆད༌ ཛད༌ཁན༌ནི༌ ནས༌ས༌ ཁྱེར༌ཅེས༌ལ༌ ལྡམ༌མ༌ ཛདས༌།
དཀོན༌མཆོག༌གི༌ མོ༌ཟེས༌ གྱུད༌ཏེ༌,
ཧ༌ལས༌ཤེས༌སི༌ ཛད༌པ༌ མང༌པོ༌ སྟན༌ཅེས༌ ཡང༌ ཨིས༌ར༌ཨེལ༌པ༌གུན༌ནི༌ ཕིའ༌ ཁོང༌ངི༌ ཁྲིམས༌གུན༌ སལ༌ལ༌ ཛདས༌།
མོ༌ཟེས༌སི༌ ཞལ༌ཆད༌ སྙིང༌པའེ༌ གོ༌མའེ༌ སྤེ༌ཆ༌ ལྔ༌བོ༌ བྲིའ༌ ཛད༌ཏེ༌ ཨིན༌ནོག༌།
མོ༌ལོག༌ མོ༌ཟེས༌སི༌ ཏུས༌ལ༌ མོ༌ལོག༌ ཨེམ༌མོན༌པ༌ མི༌གུན༌ནི༌ ལྷ༌ ཡ༌ ལྷ༌མོ༌ ཨིན༌པིན༌།
ཙ༌
རྩང༌མ༌ ཡ༌ཧུ༌དཱ༌པ༌གུན༌ནི༌ ཕིའ༌ རྩང༌མའེ༌ ཏོན༌བོ༌ ནི༌ མི༌ཞིག༌ ཁྲིམས༌སི༌ ཐོག༌ནེ༌ ལག༌མོ༌ ཡོང༌གོ༌ཤེས༌པོ༌ ཨིན༌ནོག༌,
ཀ༌བོའེ༌ ཁོའ༌ ཞན༌མ༌གུན༌ ཉམ༌པོ༌ དཀོན༌མཆོག༌ག༌ ཅོལ༌ ཆོགས༌སད༌པིན༌།
སྤེར༌ན༌ ཟའ༌ མི༌ཆོག༌ཅེས༌སི༌ ཁར༌ཇི༌ ཟའ༌ཁན༌གུན༌,
ཛེ༌ནད༌ ཡོང༌ཁན༌གུན༌,
རོའ༌ ལག༌པ༌ རྩེ༌ཁན༌གུན༌,
ཕྲུ༌གུ༌ ཇོར༌ཁན༌ དང༌ ཟུགས༌པོ༌ཞིག༌ཁན༌ནི༌ བུ༌མོ༌གུན༌,
རྩང༌མ༌ མན༌ཁན༌ནི༌ མི༌གུན༌ ཨིན༌ནོག༌།
ཚ༌
ཚོགས༌དུ༌ ༼མད༌ཐཱ༌ 26:59 མར༌ཀུས༌ 14:55, 15:1;
ལུ༌ཀ༌ 22:66;
ཡོ༌ཧཱ༌ནན༌ 11:47;
ཆག༌ལས༌གུན༌ 4:15, 5:21, 6:12, 22:30, 23:1, 24:20༽,
ཡ༌ཧུ༌དཱ༌པའེ༌ ཚོགས༌དུའི༌ ནང༌ང༌ ཡ༌ཧུ༌དཱ༌པའེ༌ མི༌ ཁག༌ཅན༌ རྡུན༌ཅུ༌དོན༌ཉིས༌ ཐུས༌མི༌ ཚུལ༌ལ༌ ཡོང༌ངད༌པིན༌།
བླ༌མ༌ ཆེན༌མོ༌ ཏེ༌གུན༌ནི༌ འུ༌སྐྱོང༌བོ༌ ཨིན༌པིན༌།
འིན༌ན༌ ཚོགས༌དུའི༌ ཡེ༌ཤུའ༌ ཤི༌ཅེས༌སི༌ ཆད༌པ༌ ཕོག༌གོས༌ ཟེར༌ཏེ༌ ཁའ༌ཆམས༌།
ཚོད༌ལྟ༌ མི༌ཞིག༌ག༌ ངན༌པ༌ ཡ༌ ཅོ༌ མི༌གོ༌ཤེས༌སི༌ ལས༌ ཅོ༌ཅེས༌ལ༌ དོད༌པ༌ སྐྱེ༌ཅུག༌ན༌,
ཏེ༌བོའ༌ ཚོད༌ལྟ༌ ཟེར༌ར༌ནོག༌།
ཚོ༌ལིང༌ ཆུ༌ མང༌པོའེ༌ སྐོར༌ཏེ༌ ཡོད༌ཁན༌ནི༌ ས༌ཀྱད༌།
ཟ༌
ཟི༌ཡོན༌ ༼མད༌ཐཱ༌ 21:5;
ཡོ༌ཧཱ༌ནན༌ 12:15;
རོམ༌པ༌ 9:33, 11:26,
པི༌ཏྲར༌ ཏང༌པོ༌ 2:6༽ ཟི༌ཡོན༌ནི༌ རི༌ དང༌ ཉེ༌ཁོར༌རི༌ ནས༌སའེ༌ཀ༌ ཡེ༌རུ༌ཤ༌ལེམ༌མི༌ གྱལ༌ས༌ ཚུགས༌ཏེ༌ ཡོད༌ཏེ༌ ཨིན༌ནོག༌།
ཡེ༌རུ༌ཤ༌ལེམ༌མི༌ ནང༌ང༌ དུག༌ཁན༌གུན༌ ཡང༌ པར༌རི༌ག༌ དཀོན༌མཆོག༌ ཞུགས༌ཁན༌ནི༌ ནམ༌ཁའ༌བོའང༌ ཟི༌ཡོན༌ ཟེར༌ར༌ནོག༌ ༼ཨིབ༌རི༌པ༌ 12:22,
ཡོང༌ཅེས༌ཅན༌ནི༌ ཏུས༌སི༌ ལུང༌སྟན༌ 14:1༽།
ཟེ༌ཡུས༌ ༼ཆག༌ལས༌གུན༌ 14:12༽,
ཟེ༌ཡུས༌ ནི༌ གིརིས༌པ༌གུན༌ནི༌ ཅོལ༌ཁན༌ནི༌ ལྷ༌གུན༌ནི༌ གོ༌བ༌ ཨིན༌པིན༌།