ཨིབ༌རི༌པ༌ མ༌ཤི༌ཀ༌པ༌གུན༌ལ༌ ཆག༌བྲིས༌།
སྲས༌ ནི༌ ཕོ༌ཉ༌གུན༌ནི༌ སང༌ ཐོའ༌ ཨིན༌།
1:1-14
1
སྔུན༌མའེ༌ ཏུས༌ལ༌ དཀོན༌མཆོག༌གི༌ ང༌དང༌གུན༌ནི༌ ཕ༌མེས༌པོ༌གུན༌ལ༌,
ལན༌ མང༌པོ༌ དང༌ ཚུལ༌ སོ༌སོའེ༌ ནང༌ང༌,
ཁོང༌རང༌ངི༌ ལུང༌སྟོན༌པ༌གུན༌ གྱུད༌ཏེ༌ ཞལ༌ཏ༌ སལ༌ལ༌ ཛད༌ཏེ༌ ཨིན༌ནོག༌།
2 ཨིན༌ནའང༌ དག༌ས༌ འི༌ སྟིང༌ཇུག༌གི༌ ཞག༌གུན༌ནི༌ ནང༌ང༌ ཁོང༌ངི༌,
ཁོང༌རང༌ངི༌ སྲས༌ གྱུད༌ཏེ༌ ང༌དང༌གུན༌ལ༌ ཞལ༌ཏ༌ སལ༌ལ༌ ཛད༌ཏེ༌ ཨིན༌ནོག༌།
དཀོན༌མཆོག༌གི༌ ཁོང༌རང༌ངི༌ སྲས༌,
ཅི༌ཚང༌མའེ༌ཀ༌ ནོར༌སྐལ༌ ཐོབ༌ཅེས༌ཅན༌བོ༌ སྐོའ༌ ཛདས༌,
ཡང༌ ཁོང༌ གྱུད༌ཏེ༌ དཀོན༌མཆོག༌གི༌ ཛམ༌བུ༌ལིང༌བོ༌ ཞང༌ང༌ ཛད༌ཏེ༌ ཨིན༌ནོག༌།
3 སྲས༌སི༌ ནང༌ནེ༌ དཀོན༌མཆོག༌ ཁོང༌རང༌ངི༌ ཟིར༌རྗིད༌ ཇལ༌ཅེས༌ ཡང༌,
དཀོན༌མཆོག༌ ཁོང༌རང༌ ཞུགས༌ཁན༌ ཙོགས༌ སྲས༌སའང༌ ཨིན༌ནོག༌།
སྲས༌སི༌ ཁོང༌རང༌ངི༌ བཀའ༌ ཀྲག༌པོ༌ གྱུད༌ཏེ༌ ཅི༌ཚང༌མ༌ སྟན༌པོ༌ བོར༌ར༌ ཛད༌ད༌ནོག༌།
ཁོང༌ངི༌ མི༌ཚང༌མ༌,
སྡིག༌པ༌གུན༌ནི༌ ཀ༌ནེ༌ རྩང༌མ༌ ཅོའ༌ ཛད༌ཏེ༌ སྟིང༌ནེ༌,
ཁོང༌ ནམ༌ཁའེ༌ ནང༌ང༌ ཟིར༌རྗིད༌ཅན༌ནི༌ དཀོན༌མཆོག༌གི༌ རྩི༌ཝ༌ཅན༌ནི༌ ནས༌ས༌ ཡས༌པ༌བོའེ༌ཀ༌ ཞུགས༌ས༌ ཛདས༌།
4 ཏེ༌བོའེ༌ སྲས༌པོ༌ ཕོ༌ཉ༌གུན༌ནི༌ སང༌ མང༌ང༌ ཐོའ༌ ཨིན༌ཁན༌བོ༌ སྟན༌ན༌ནོག༌,
ཀ༌ཟུག༌ དཀོན༌མཆོག༌གི༌ ཁོང༌ང༌ སལ༌ལ༌ ཛད༌ཁན༌ནི༌ ཚན༌བོ༌,
ཏེ༌གུན༌ནི༌ མིང༌ངི༌ སང༌ ཐོའ༌ ཨིན༌ནོག༌།
5 དཀོན༌མཆོག༌གི༌ ཕོ༌ཉ༌ ཅིག༌གའང༌ འི༌ཟུག༌ མོལ༌ལ༌ མ༌ནེ༌ མ༌ཛདས༌,
“ཁྱོ༌རང༌ ནི༌ ངའེ༌ བུ༌ཚ༌བོ༌ ཨིན༌།
དི༌རིང༌ ང༌ ཁྱོ༌རང༌ངི༌ ཨ༌བ༌ གྱུར༌ཏེ༌ ཨིན༌།”a
དཀོན༌མཆོག༌གི༌ འི༌བོའང༌ མོལ༌ལ༌ ཛདས༌,
“ང༌ ཁོའེ༌ ཨ༌བ༌ ཡང༌ ཁོ༌ ངའེ༌ སྲས༌ གྱུར༌ཨིན༌།”b
6 ཡང༌ དཀོན༌མཆོག༌གི༌ ཁོང༌རང༌ངི༌ བུ༌ཚ༌ རྩི༌ཝ༌ཅན༌བོ༌,
ཇིག༌རྟེན༌ནི༌ ནང༌ང༌ ཀལ༌ལ༌ ཛད༌ ཟ༌ནེ༌,
ཁོང༌ངི༌ མོལ༌ལ༌ ཛདས༌,
“དཀོན༌མཆོག༌གི༌ ཕོ༌ཉ༌ ཚང༌མའེ༌ ཁོང༌ང༌ ཅོལ༌གོས༌།”c
7 ཕོ༌ཉ༌གུན༌ནི༌ སྐོར༌ལ༌ ཁོང༌ངི༌ མོལས༌,
“ཁོང༌ངི༌ ཁོང༌རང༌ངི༌ ཕོ༌ཉ༌གུན༌ ལུངས༌པོ༌ཞིག༌ ཙོགས༌ལ༌ ལམ༌ཅུག༌ཨིན༌,
ཡང༌ ཁོང༌ངི༌ ཞབས༌ཏོག༌པ༌གུན༌d མེ༌ལྡབ༌ ཙོགས༌ལ༌།”e
8 ཨིན༌ནའང༌ སྲས༌ལ༌ ཁོང༌ངི༌ མོལས༌,
“ཉེ༌རང༌ དཀོན༌མཆོག༌ ཨིན༌,
ཉེ༌རང༌ངི༌ ཞུགས༌ཁྲིས༌པོ༌ ཏུས༌གྱུན༌ནེ༌གྱུན༌ལ༌ ལུས༌ཨིན༌།
ཉེ༌རང༌ངི༌ ཀྲང༌པོ༌ ཉམ༌པོ༌ ཝང༌སྲུལ༌ལ༌ ཛད༌ཨིན༌།
9 ཀྲང༌པོ༌ ལས༌གུན༌ལ༌ ཉེ༌རང༌ངི༌ ཅེས༌པ༌
ཡང༌ ངན༌པ༌ ལས༌གུན༌ལ༌ ནཕ༌རད༌ ཅོའ༌ ཛད༌ད༌ནོག༌།
ཏེ༌བོའེ༌ཕིའ༌ དཀོན༌མཆོག༌,
ཉེ༌རང༌ངི༌ དཀོན༌མཆོག༌གི༌ ཉེ༌རང༌ངི༌ཀ༌f
གའ༌མོའེ༌ མར༌བོ༌g ཡང༌གུན༌ནི༌ སང༌ མང༌ང༌ ལུག༌ག༌ ཛད༌ཏེ༌
ཉེ༌རང༌ སྐོའ༌ ཛདས༌།”h
10 ཁོང༌ངི༌ སྲས༌ལ༌ འི༌བོའང༌ མོལ༌ལ༌ ཛདས༌,
“གཙོ༌བོ༌,
ཉེ༌རང༌ངི༌ གོ༌ཟུག༌གི༌ཀ༌ ཇིག༌རྟེན༌ནི༌ མག༌ལྡན༌བོ༌ ཏིང༌ང༌ ཛདས༌།
ཡང༌ ཉེ༌རང༌ རང༌ངི༌ ཆག༌ནེ༌ ནམ༌ཁའ༌ ཅོའ༌ ཛདས༌།
11 ཏེ༌གུན༌ མེད༌ཁན༌ ཆེན༌,
ཨིན༌ནའང༌ ཉེ༌རང༌ ཏུས༌གྱུན༌ ལུས༌ཤེས༌ ཨིན༌ནོག༌།
ཏེ༌གུན༌ ཀོས༌ལག༌ སྙིང༌པ༌ ཙོགས༌ལ༌ ཆད༌ཨིན༌།
12 ཉེ༌རང༌ངི༌ ཏེ༌གུན༌ ཀོས༌ ཙོགས༌ལ༌ སྲིལ༌ལ༌ ཛད༌ཨིན༌།
ཡང༌ ཀོས༌ལག༌ སྙིང༌པ༌ཞིག༌ ཙོགས༌ལ༌ ཕང༌ང༌ ཛད༌ཨིན༌།
ཨིན༌ནའང༌ ཉེ༌རང༌ ཏུས༌གྱུན༌ ཙོགས༌ ལུས༌ཨིན༌།
ཉེ༌རང༌ ཏུས༌གྱུན༌ནེ༌གྱུན༌ སོན༌ཏེའ༌ ཞུགས༌ཨིན༌།”i
13 ཡང༌ དཀོན༌མཆོག༌གི༌ ཕོ༌ཉ༌ ཅིག༌གའང༌ མ༌ནེ༌ མོལ༌ལ༌ མ༌ཛདས༌,
“ངའེ༌ ཁྱོ༌རང༌ངི༌ གྲ༌འོ༌ ཚང༌མ༌,
ཁྱོ༌རང༌ངི༌ རྐང༌པའེ༌ ཕོས༌སྟག༌ ཅོ༌ཅོ༌ ཚག༌པ༌,
ཁྱོ༌རང༌ ངའེ༌ ལག༌པ༌ ཡས༌པའེ༌ ཁྲིས༌སི༌ཀ༌ དུག༌།”j
14 ཏེ༌བོའེ༌ཕིའ༌ ཕོ༌ཉ༌གུན༌,
ཐར༌པ༌ ནོར༌སྐལ༌ལ༌ ཐོབ༌ཅེས༌ཅན༌གུན༌ལ༌ ཞབས༌ཏོག༌ ཞུ༌ཅེས༌ལ༌ ཀལ༌ལ༌ ཛད༌ཁན༌ནི༌ སེམས༌ཉིད༌གུན༌ ཨིན༌ནོག༌།