རོམ༌མི༌ ཆོས༌ཚོགས༌ལ༌ པ༌འུ༌ལུའི༌ ཆག༌བྲིས༌།
རོམ༌མི༌ ཆོས༌ཚོགས༌ལ༌ པ༌འུ༌ལུའི༌ ཆག༌བྲིས༌སི༌ སྐོར༌།
འིན༌ན༌ ཆག༌བྲིས༌ དང༌ སྔུན༌མའེ༌ ཆོས༌ཚོགས༌སི༌ འུ༌སྐྱོང༌གུན༌ གྱུད༌ཏེ༌,
ང༌དང༌ང༌ འི༌ ཆག༌བྲིས༌པོ༌ གཙོ༌བོ༌ ཡེ༌ཤུ༌ མ༌ཤི༌ཀའེ༌ སྐུ༌ཚབས༌ པ༌འུ༌ལུའི༌ བྲིའ༌ ཛད༌ཁན༌བོ༌ གྱུས༌ ཆའ༌ནོག༌།
ཆོས༌སི༌ ནང༌ང༌ ཁས༌པ༌གུན༌ནི༌,
འི༌ ཆག༌བྲིས༌ དང༌ ཞན༌ཡང༌ ཆག༌བྲིས༌གུན༌ལ༌ རྩར༌ཅོད༌ ཅོ༌ཅེས༌པོའེ༌,
པ༌འུ༌ལུའི༌ འི༌ ཆག༌བྲིས༌པོ༌ མ༌ཤི༌ཀ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌ ཧ༌ལམ༌ ལོ༌ 22 ཡ༌ 23 ཉེ༌ཁོར༌ལ༌,
ཁོང༌ ཀོ༌རིན༌ཐི༌ ནང༌ང༌ ཡོད༌ ཟ༌ནེ༌,
བྲིའ༌ ཛད༌ཁན༌བོ༌ ཧ༌གོའ༌ནོག༌།
པ༌འུ༌ལུའི༌ འི༌ ཆག༌བྲིས༌པོ༌ ཞན༌ཡང༌ ཆག༌བྲིས༌གུན༌ནི༌ སང༌ སོ༌སོ༌ཞིག༌ ཡོད༌ཏེ༌ ཨིན༌ནོག༌།
ཞན༌ ཆག༌བྲིས༌གུན༌ནི༌ ནང༌ང༌ ཁོང༌ངི༌ ཆོས༌ཚོགས༌སི༌ ནང༌ང༌ ཡོད༌ཁན༌ནི༌ ཟུས༌མའེ༌ ལབ༌ཞ༌ ཡ༌ སྡིག༌པ༌ གུན༌ནེ༌ སྤང༌པུད༌ཏེ༌ ཀྲང༌པོའེ༌ ལམ༌མི༌ཀ༌ ལོགས༌ཏེ༌ ཁྱོང༌ཅེས༌ལ༌ བྲིའ༌ ཛདས༌།
ཨིན༌ནའང༌ འི༌ ཆག༌བྲིས༌སི༌ གོ༌ཟུགས༌པོའེ༌ཀ༌ ༼རོམ༌པ༌ 1:16 ནེ༌ 17༽ ཁོང༌ངི༌ ཏད༌པའེ༌ སྐོར༌ལ༌ དེན༌བ༌གུན༌ནི༌ དོར༌ལྡུས༌ཤིག༌,
ཡང༌ ཆག༌བྲིས༌སི༌ ལུས༌ཁན༌ནི༌ ཁག༌པོའེ༌ ནང༌ང༌ ཏེ༌བོའེ༌ སྐོར༌ལ༌ མང༌ང༌ ཞིབ༌སལ༌ ཅོས༌ཏེ༌ བྲིའ༌ཛདས༌།
འི༌ ཆག༌བྲིས༌སི༌ གོ༌མའེ༌ ལིའུ༌ རྒྱད༌པའེ༌ ནང༌ང༌ པ༌འུ༌ལུའི༌ ཞིབ༌སལ༌ ཅོས༌ཏེ༌ འི༌གུན༌ནི༌ སྐོར༌ལ༌ བྲིའ༌ ཛད༌ཏེ༌ ཨིན༌ནོག༌།
1 ཀ༌ཟུག༌གི༌ སྡིག༌ཅན༌ཞིག༌ག༌ ཏད༌པ༌ གྱུད༌ཏེ༌ ཀྲང༌པོ༌ ཐེའ༌ཛད༌ཅེས༌ དང༌,
ཁོའེ༌ ཀ༌ནེ༌ ཉལ༌ཝའེ༌ ཆད༌པ༌བོ༌ ཏུས༌གྱུན༌ནི༌ ཕིའ༌ ཐེན༌ན༌ ཛད༌ཅེས༌ གུན༌ སྟན༌ན༌ ཛདས༌།
ཡང༌ མོ༌ཟེས༌སི༌ ཁྲིམས༌ལ༌ ཁའ༌ཉན༌ཅེས༌ ཅིག༌པོ༌ གྱུད༌ཏེ༌ མི༌ཞིག༌ ཀྲང༌པོ༌ ཐེའ༌ཛད༌ཅེས༌པོའ༌ ཁོང༌ངི༌ གྱབ༌གལ༌ ཛདས༌།
2 ཀ༌ཟུག༌གི༌ ཏད༌པ༌ཅན༌ སྐྱོབ༌ཁན༌ཞིག༌ག༌ མི༌ཚེའེ༌ ནང༌ང༌ སྡིག༌པའེ༌ ཝང༌ངི༌ ཀ༌ནེ༌ གྱལ༌ཁའ༌ ཐོབ༌ཅེས༌ དང༌ ནས༌ཏེ༌ ཡོད༌ཁན༌ནི༌ ཏམ༌པའེ༌ ཐུག༌ཉིད༌དི༌ ཁྱུད༌ གྱུད༌ཏེ༌ ཏམ༌པ༌ མི༌ཚེ༌ཞིག༌ ཕུད༌ཅེས༌ གུན༌ སྟན༌ན༌ ཛདས༌།
3 ཏད༌པ༌ཅན༌ཞིག༌ག༌ ཞག༌ཤིག༌ འི༌ སྡིག༌ཅན༌ ཟུགས༌པོ༌བོ༌ ཕངས༌ཏེ༌ སྡིག༌པའེ༌ ཚོད༌ལྟའེ༌ ནང༌ང༌ མ༌ཆའ༌ཁན༌ནི༌ ཟུགས༌པོ༌ཞིག༌ ཐོབ༌ཅེས༌,
ཀ༌བོ༌ ཏུས༌གྱུན༌ སོན༌ཏེའ༌ ལུས༌ཨིན༌།
ཀལ༌ཏེས༌ དག༌ས༌ ཁོང༌ངི༌ ཨིས༌ར༌ཨེལ༌པ༌གུན༌ནི༌ ཏད༌པ༌ མི༌ཅོ༌ཅེས༌པོ༌ གྱུད༌ཏེ༌,
ཡ༌ཧུ༌དཱ༌པ༌ མན༌ཁན༌གུན༌ ཁོང༌ངི༌ གྱལ༌སྲིད༌དི༌ ནང༌ང༌ ཁྱོང༌ང༌ ཛད༌ཨིན༌ ཡོད༌ན༌,
ཏེ༌ནེ༌ སྟིང༌ཇུག༌གི༌ ཏུས༌ལ༌,
དཀོན༌མཆོག༌གི༌ ཛད༌ཁན༌ནི༌ ཐའ༌མེད༌པའེ༌ ཞལ༌ཆད༌ ཨིས༌ར༌ཨེལ༌པ༌གུན༌,
སྐྱོབ༌བ༌ ཛད༌ཅེས༌པོ༌ ཀ༌ཟུག༌གི༌ དྲན༌དྲའ༌ གྲུབ༌ཅུག༌ཨིན༌?
པ༌འུ༌ལུའི༌ ཏེ༌བོའེ༌ ལན༌བོ༌ ཞིབ༌སལ༌ ཅོས༌ཏེ༌ ལིའུ༌ 9 ནེ༌ 11 ནང༌ང༌ བྲིའ༌ཛད༌ཏེ༌ ཨིན༌ནོག༌།
ལིའུ༌ 12 ནེ༌ 15 ནང༌ང༌ པ༌འུ༌ལུའི༌ ཏད༌པ༌ཅན༌ཞིག༌གི༌ ཞག༌ཏང༌ངི༌ མི༌ཚེའེ༌ ནང༌ང༌ ཁོའེ༌ དག༌ས༌ ཚག༌པ༌ ལོབས༌ཁན༌བོ༌ ལག༌ལེན༌ལ༌ ཀ༌ཟུག༌གི༌ ཁྱོང༌ཅེས༌པོ༌ ཞིབ༌སལ༌ ཅོས༌ཏེ༌ ལབ༌བ༌ ཛདས༌,
སྤེར༌ན༌ མི༌ཚེ༌ ཀྲང༌པོ༌ཞིག༌ ཕུད༌ཅེས༌:
ཏེ༌བོ༌ ནི༌ ཆོས༌ཚོགས༌སི༌ ནང༌ང༌ ཞན༌མ༌ ཏད༌པ༌ཅན༌གུན༌ ཉམ༌པོ༌ ཐུན༌བྲེལ༌ ཡང༌ ཞུང༌ངི༌ སྤོན༌བོ༌གུན༌ ཉམ༌པོ༌ སམ༌ཚུལ༌ དང༌ ཅོ༌ཚུལ༌ ཟང༌པོ༌ ཀ༌ཟུག༌གི༌ བོར༌ཅེས༌,
ཏད༌པ༌ཅན༌གུན༌ལ༌ ཁོང༌ངི༌ ཏད༌པའེ༌ སྐོར༌ལ༌ སྐྱོན༌རྗོད༌ མི༌ཅོ༌ཅེས༌ ཡང༌ ཞན༌ ཏད༌པ༌ཅན༌གུན༌ནི༌ ཕིའ༌ ཕན༌ཐོགས༌ཅན༌ནི༌ མི༌ཚེ༌ཞིག༌ ཀ༌ཟུག༌གི༌ ཕུད༌ཅེས༌།