མ༌ཤི༌ཀའེ༌ སྐུ༌ཚབས༌གུན༌ནི༌ ཆག༌ལས༌།
མ༌ཤི༌ཀའེ༌ སྐུ༌ཚབས༌གུན༌ནི༌ ཆག༌ལས༌སི༌ སྤེ༌ཆའེ༌ སྐོར༌།
གཙོ༌བོ༌ ཡེ༌ཤུ༌ མ༌ཤི༌ཀའེ༌ སྐུ༌ཚབས༌གུན༌ནི༌ ཆག༌ལས༌སི༌ སྐོར༌ལ༌ འི༌ སྤེ༌ཆ༌བོ༌ ལུ༌ཀའེ༌ བྲིའ༌ ཛད༌ཏེ༌ ཨིན༌ནོག༌,
ཁོང༌ ནི༌ ལུ༌ཀའེ༌ གའ༌མོའེ༌ ནས༌ཚུལ༌ བྲིའ༌ ཛད༌ཁན༌ནི༌ ཏེན༌ན༌ མི༌བོ༌ ཨིན༌ནོག༌།
ཁོང༌ངི༌ འི༌ སྤེ༌ཆ༌བོ༌ ཡེ༌ཤུ༌ མ༌ཤི༌ཀ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌ ལོ༌ 34 ཉེ༌ཁོར༌ལ༌ བྲིའ༌ ཛདས༌།
ལུ༌ཀའེ༌ འི༌ སྤེ༌ཆ༌བོ༌ ཐེའུ༌ཕེ༌ལུས༌ལ༌ བྲིའ༌ ཛདས༌ཏེ༌ ཨིན༌ནོག༌,
ཀ༌བོའ༌ ཁོང༌ངི༌ སྔུན༌ལ༌ མ༌ཤི༌ཀའེ༌ མི༌ཚེ༌ སྐོར༌ལ༌ གའ༌མོའེ༌ ནས༌ཚུལ༌ལི༌ སྤེ༌ཆ༌བོའང༌ བྲིའ༌ ཛད༌ཏེ༌ ཨིན༌པིན༌།
འི༌ སྤེ༌ཆ༌བོ༌ ཁག༌ཅན༌ཞིག༌ ཨིན༌ནོག༌,
ཅིའ༌ཟེར༌ན༌ འི༌བོ༌ གའ༌མོའེ༌ ནས༌ཚུལ༌ལི༌ སྤེ༌ཆ༌ ཞི༌ཀོ༌ ཉམ༌པོ༌ བྲེལ༌ཏེ༌ ཡོད༌ཏེ༌ ཨིན༌ནོག༌,
ཀ༌གུན༌ནི༌ མ༌ཤི༌ཀའེ༌ ཆག༌ལས༌ དང༌ ལབ༌ཞ༌གུན༌ནི༌ སྐོར༌ལ༌ ཤད༌དད༌།
ཡེ༌ཤུ༌ ནམ༌ཁའ༌ ལེན༌ན༌ ཛད༌ཏེ༌ སྟིང༌ནེ༌ ཆོས༌ཚོགས༌གུན༌ ཀ༌ཟུག༌གི༌ ལྡན༌,
ཏེ༌བོའེ༌ སྐོར༌ ཤད༌ཅེས༌པོའེ༌ འི༌ སྤེ༌ཆ༌བོ༌ གའ༌མོའེ༌ ནས༌ཚུལ༌གུན༌ ཉམ༌པོ༌ བྲེལ༌ཏེ༌ ཨིན༌ནོག༌།
འི༌ སྤེ༌ཆའེ༌ མ༌ཤི༌ཀའེ༌ ནང༌ང༌ ཏད༌པ༌ཅན༌གུན༌ ཀ༌ཟུག༌གི༌ ཡ༌ཧུ༌དཱའེ༌ ཡུལ༌ནེ༌ ཇིག༌རྟེན༌ གང༌པོའེ༌ མི༌རིགས༌སི༌ ནང༌ང༌ ཕེལ༌ཁན༌བོ༌ སྟན༌ན༌ ཛད༌ད༌ནོག༌།
གོ༌མའེ༌ ལོ༌ 34 ནང༌ང༌ ཆོས༌ཚོགས༌གུན༌ ཀ༌ཟུག༌གི༌ ལྡན༌ཏེ༌ ཕེལ༌ཁན༌བོའེ༌ སྐོར༌ལ༌ འི༌ ནང༌ང༌ བྲིས༌ཏེ༌ ཡོད༌ཏེ༌ ཨིན༌ནོག༌།
འི༌ སྤེ༌ཆའེ༌ ཡེ༌ཤུའི༌ སྐུ༌ཚབས༌གུན༌ནི༌ དཀོན༌མཆོག༌གི༌ གྱལ༌སྲིད༌དི༌ གའ༌མོའེ༌ ནས༌ཚུལ༌ལི༌ སྐོར༌ལ༌ ལབ༌ཞའ༌ སལ༌ཅེས༌པོའེ༌,
ཡེ༌ཤུ༌ མ༌ཤི༌ཀའེ༌ ཆག༌ལས༌གུན༌ ཏ༌རུང༌ངའང༌ ཅོའ༌ ཛད༌ཁན༌བོ༌ སྟན༌ན༌ནོག༌།
ཡང༌ དཀོན༌མཆོག༌གི༌ ཁོང༌གུན༌ནི༌ ཕྲོའ༌ ཛད༌པ༌ ཛད༌ཁན༌གུན༌ གྱུད༌ཏེ༌ ཁོང༌གུན༌ནི༌ ཤད༌ཁན༌གུན༌ ཀྲང༌པོ༌ ཨིན༌ཁན༌བོ༌ སྟན༌ན༌ནོག༌,
ཏེ༌གུན༌ མ༌ཚད༌ ཀ༌ཟུག༌གི༌ ཆོས༌ཚོགས༌གུན༌ལ༌ ནགས༌ སྟན༌ཁན༌ནི༌ པ༌འུ༌ལུའི༌ ནང༌ང༌ གྱུར༌ཇ༌ ཡོངས༌ཏེ༌ ཡེ༌ཤུ༌ མ༌ཤི༌ཀའེ༌ སྐོར༌ལ༌ ལབ༌ཅེས༌ དང༌ ཆོས༌ཤད༌ཅེས༌སི༌ ཕིའ༌ ནགས༌བར༌དོ༌ ནམས༌ཁན༌བོའང༌ སྟན༌ན༌ནོག༌།
འི༌ སྤེ༌ཆའེ༌ ང༌དང༌ང༌ པ༌འུ༌ལུའི༌ ཀ༌ཟུག༌ ནས༌ལུག༌གི༌ ནང༌ང༌ ཆོས༌ཚོགས༌ སོ༌སོའ༌ ཆག༌བྲིས༌གུན༌ བྲིའ༌ ཛད༌ཁན༌བོ༌ ཧ༌གོ༌ཅེས༌ལ༌ རོགས༌ ཅོའ༌ནོག༌,
ཏེ༌ ནས༌ལུག༌གུན༌ པ༌འུ༌ལུའ༌ ནགས༌ ཐོང༌ཁན༌ ཚང༌མ༌ ཡང༌ ཆོས༌ཚོགས༌གུན༌ནི༌ ནགས༌བར༌དོའེ༌ དོང༌ལེན༌ ཅོ༌ཁན༌གུན༌ ཨིན༌།