KAJADIA
Tesa nompakanoto isi buku
Nantuki tau-tau to Yahudi bo topomparasaya i Pue Yesus pamulana bo i Pue Yesus mboto, nabi Musa topotulisi alima buku pamulana riara Buku Nagasa, etumo Kajadia, Palai Nggari Tana Masir, Imamat, Bilangan bo Ulangan. Buku-buku etu nitulisina kira-kira ri olo mpae 1446 sampe mpae 1406 daꞌapa Yesus niote.
Buku Kajadia nantesa pompajadi langi bo dunia bo pura-pura isina, pompajadi manusia pamulana, puꞌu nu silaka bo kasusa riara dunia, pade pojanji-pojanji Alatala pamulana ante manusia.
Buku eꞌi namala rabagi robagia to napokona: 1) Pasal 1-11 to nantesa pompajadi dunia bo manusia pamulana, Adam bo i Hawa, tesa i Kain bo i Habel, nabi Nuh bo ue nanggabuntu bete, pade Sapo Nalanga ri Babilonia. 2) Pasal 12-50 to nantesa Abraham, Ishak, Yakub bo ana-ana Yakub sampe tempo ira nolinja netoꞌo ri Tana Masir tempo kamateoro ri Tana Kanaan.
Isi buku to napokona iweꞌi:
1. BAGIA PAMULANA: Pasal 1-11
-Pompajadi langi, dunia bo manusia pamulana (1:1-2:25)
-Kanawu manusia riara silaka bo aselena ri dunia (3:1-5:32)
-Tesa ue nanggabuntu nompakalodo dunia (6:1-10:32)
-Manusia nosimpotatare riara dunia (11:1-32)
2. BAGIA KARONGUNA: Pasal 12-50
-Tesa Abraham (12:1-20:18)
-Tesa Ishak (21:1-26:35)
-Tesa Yakub (27:1-37:1)
-Tesa Yusuf (37:2-50:26)