Bʋnyuos ayi' la yɛla
13
1 Ka m nyɛ bʋnyua ka o yi atɛukʋn la naa mɔr iila piiga nɛ zuta ayɔpɔi.
Ka na'am zupibis piiga bɛ iila la ni.
Ka yʋda linɛ san'amid Wina'am yʋ'ʋr la sɔb o zutin la.
2 Bʋnyua kanɛ ka m daa nyɛ la daa nwɛnɛ wɛog baa nɛ.
Ka o nɔb-ɛɛns an bʋntitada.
Ka o nɔɔr nwɛnɛ gbigim nɔɔr nɛ.
Dragon la daa tis bʋnyua la o mɛŋ paŋ nɛ o na'am gbauŋ nɛ o kpi'euŋ.
3 Ka bʋnyua la zug yinne daa nwɛnɛ ba pu'alim o nɛ,
amaa ka sapu'ad la bin'ei.
Ka li pak dunia dim wʋsa ka ba dɔl bʋnyua la.
4 Nidib wʋsa daa zun'od wa'abɛ'og tita'ar la,
on tis bʋnyua la o paŋ la zug,
ka zun'od bʋnyua la mɛn ye,
“Anɔ'ɔnɛ mɔr paŋ nwɛnɛ bʋnyua la?
Ka anɔ'ɔnɛ na tun'e zab nɛ bʋnyua la?”
5 Ka ba tis bʋnyua la suor ka o pian'ad nyɛɛsim pian'ad ka san'amid Wina'am yʋ'ʋr,
ka lɛn kɛ ka o mɔr paŋ nwadis pisnaasi nɛ ayi'.
6 Ka o tʋ'ʋd Wina'am ka san'amid Wina'am yʋ'ʋr nɛ zin'ikanɛ ka o bɛ la nɛ banɛ bɛ arezana ni la wʋsa.
7 Ka ba tis o suor ka o zab nɛ Wina'am nidib ka nyaŋi ba,
ka tis o paŋ kanɛ na nyaŋ buudi nɛ dɔɔd nɛ pian'ad nɛ teŋgbana wʋsa.
8 Nidib banɛ wʋsa bɛ dunia ni ka ba yʋda pʋ sɔb nyɔvʋpaal dim gbauŋʋn la na zun'e bʋnyua la.
Asɛɛ nimbanɛ yʋda da sɔb ka dunia nam pʋ pin'il la ma'aa.
Gbauŋ la anɛ Pɛbil kanɛ ka ba da kʋʋ o la din.
ba na gban'e o mɔri keŋ,
ka onɛ ka ba na kʋʋ o nɛ sʋ'ʋraug la ba sid na kʋʋ o.
Linzug li sʋm ye Wina'am nidib mɔr mɔdigir ka niŋ Wina'am yadda.
11 Ka m nyɛ bʋnyua si'a ka o yit teŋin naa mɔr iila ayi' ka li nwɛnɛ pɛbil iila nɛ,
ka o pian'ad nwɛnɛ wa'abɛ'og tita'ari n pian'ad si'em la.
12 Ka zi'e yiiga bʋnyua la nɔba zugʋ mugusid dunia nɛ dunia dim wʋsa ka ba zun'od yiiga bʋnyua onɛ mɔr sapu'ad ka li bin'ei la.
13 Ka maal bʋnnyalimtitada nɛ zanbina hali ka kɛ ka bugum yi agɔlli sig teŋgbauŋʋn na ka nidib nyɛɛ li.
14 Zanbina banɛ ka o daa dɛŋi maal nɛ yiiga bʋnyua la paŋ la zug ka o ma' dunia nidib,
ka yɛli ba ye ba mɛɛm win,
ka li zun'e bʋnyua onɛ ka ba daa pu'alim o nɛ sʋ'ʋraug ka o nan vʋe la.
15 Ka ba tis bʋnyua onɛ paasa ayi' la suor ka o tis win linɛ nwɛnɛ yiiga bʋnyua la vʋ'ʋsʋm.
Ka win la na tun'e pian' ka mɛ kɛ ka ba kʋ banɛ pʋ pʋ'ʋsidi li la wʋsa.
16 Ka bʋnyua la lɛm mugus nidib wʋsa,
tadimnam nɛ kpi'emnam nɛ kpan'am dim nɛ nɔŋ dim la'am nɛ yammis nɛ banɛ ka' yammisɛ,
ye ba di'em zanbina ba datiuŋ nu'usin bɛɛ ba gbɛ'ɛdin.
17 Ka sɔ' daa kʋ tun'e da' bɛɛ kuos si'ela,
asɛɛ ka o mɔr bʋnyua la zanbin linɛ aan o yʋ'ʋr la bɛɛ o yʋ'ʋr la kal.
18 Nɛ'ɛŋa an ya'am.
On mɛkama mɔr ya'am na tun'e baŋ bʋnyua la kal la gbin,
bɔzugɔ kal la gbin anɛ dau sɔ' yʋ'ʋr.
Li kal anɛ kɔbisyuobʋ nɛ piis yuobʋ nɛ ayuobʋ.