Jerusalem anɛ tuŋ kanɛ ka' vɔɔnrɛ
15
1 Zugsɔb la da yɛlim ye, 2 Ninsaal biiga, li niŋ wala ka vain tiig wil na an sʋm gat tikanɛ wʋsa bɛ sian'arinɛ? 3 Ba nam mi' nwaae li willi maal si'el sʋ'ʋŋaa? Ba mɔri li maan kpadaa kpa'adi ya'an la'adɛ? 4 Ba ya'a nɔki li nyu'oe bugum ka li nɔya ayi' la wʋsa di ka li teŋsʋk la lɛbig saanna, li tʋʋm lɛn an bɔ? 5 Bʋn la ya'a an bʋmmum ka ka' tʋʋmmɛ, bugum dii li la ka li na mɔr tʋʋmmɛɛ? 6 “Alazug Zugsɔb onɛ an Paŋtita'ar Sɔb la yɛl si'em nwa ye, Man kɛ ka ba vuoɛn tuŋ la niŋ bugumin si'em la, ala mɛn ka m na niŋ nɛ m nimbanɛ bɛ Jerusalem la. 7 Mam na tɛɛgi ba tʋba, la'am nɛ ban nyaŋi yi bugumin la, bugum la na ba'asi dii ba. Ka m ya'a tɛɛgi ba tʋba ya na baŋ ye manɛ an Zugsɔb la. 8 M na kɛ ka teŋ la kpɛlim dabɔɔd, bɔzugɔ ba ka' sida dima.” Zugsɔb onɛ an Paŋtita'ar Sɔb la pian'ʋkʋ la.