Zun'omi Wina'am onɛ aan ti Faangid la
146
1 Zun'omi Zugsɔb la, haleluya!M siigaa zun'om Zugsɔb la!
2 M na zun'e Zugsɔb la m nyɔvʋr bɛllim saŋa;
M na yʋ'ʋm zun'or yʋʋma tisim Wina'am la
saŋa kanɛ ka m vʋe wʋsa.
3 Da nɔki fʋ ti'iri niŋ tuongatib banɛ an saalib la nii;
ninsaal kae na nyaŋi faaɛn fɔ.
4 Ba ya'a kpi, ba lɛbidnɛ titanin;
daakan la ya'a ti paae, ba gban'ar wʋsa liebidnɛ zaalim.
5 Yɛlsʋm bɛ nɛ onɛ sʋŋiri yit Jakob Wina'am san'an na,
ka o ti'ir bɛ Zugsɔb onɛ aan o Wina'am la ni.
6 Onɛ maal arezana nɛ teŋgbauŋ,
ka maal atɛuk nɛ linɛ bɛɛ li pʋʋgin la wʋsa,
onɛ an Zugsɔb onɛ an sida sɔb, saŋa wʋsa.
7 O tu'adi tisid banɛ ka ba mugusidi ba la
ka tisid banɛ ka kɔ'ɔm mɔri ba la diib.
Zugsɔb la tisid banɛ bɛ sanrega ni la yɔlisim,
8 Zugsɔb la lakid zʋnzɔɔs nini;
Zugsɔb la duosid banɛ li teŋin la,
Zugsɔb la nɔŋ pʋpielim dim.
9 Zugsɔb la gur saam
ka sʋŋid kpiibis nɛ pʋkɔnya,
amaa ka vi'id bugusim dim suoya.
10 Zugsɔb la an Na'ab saŋa wʋsa,
Zion nidiba, ya Wina'am la na bɛɛ tis zʋmaana wʋsa.
Zun'omi Zugsɔb la, haleluya!