Winsɔsʋg kanɛ bɔɔd sʋŋir
143
1 Wʋmi m winsɔsʋg, O m Zugsɔba,kɛlisimi m kaasig ka zɔɔm nimbaanlig;
fʋ sida nɛ fʋ nimbaanlzɔɔr la zug,
kem na tisim vʋ'ʋsʋm.
2 M anɛ fʋ tʋmtʋm, da kadi m sariaa,
ka sɔ' pʋn kae an pʋpieli fʋ tuonnɛ.
3 Dataa la katim nɛ,
ka nwɛ'ɛmi bas teŋin;
o kɛnɛ ka m bɛ likin
ka nwɛnɛ banɛ kpi ka li yuug la.
4 Ala ka m sʋʋnr san'am;
ka m ti'ir wʋsa naae.
5 M tɛnr dabisa banɛ gaad ka li yuug la yɛla;
m tɛn'ɛsidi fʋ tʋʋma la wʋsa yɛla
ka tiɛn fʋ nu'usi da tʋm si'el la.
6 M ʋki m nu'usi tisif ka sɔsidif;
m siig bɔɔdif nwɛnɛ pipirigi bɔɔd ku'om si'em la.
7 Di'emi m sɔsʋg tɔ'ɔtɔ, O Zugsɔba;
ka m ti'ir naanɛ.
Da su'a fʋ nindaa ka kɛɛ ma;
ya'a ka' ala m na nwɛnɛ banɛ kpii dig yaʋgʋn la.
8 Kɛl ka m nyɛti fʋ nɔŋilim linɛ ka' naar la bɛkɛung wʋsa,
ka fʋn ka m tis sida.
Pa'alimim suor kanɛ ka m na dɔl,
ka fʋ san'an ka m mɔri m winsɔsʋgʋ kenna.
9 Zugsɔba, faanmim m dataas la nu'usin,
ka fʋ san'an ka m su'a m mɛŋ.
10 Pa'alimim ka m tʋmmi fʋ bɔɔdim,
ka fʋnɛ aan m Wina'am;
kɛl ka fʋ Siig Sʋŋ la
mɔrimi dɔlis suosʋŋin.
11 Zugsɔbaa, fʋ yʋ'ʋr zug, guri m nyɔvʋr;
fʋ pʋpielim la zugɔ, yisimim yɛla pʋʋgin.
12 Fʋ nɔŋilim zu'oe m san'an si'em la zug,
san'ami m bi'emnam la,
ka m anɛ fʋ sankpan'as.