Winsɔsʋg linɛ bɔɔd sʋŋir
142
1 M kaas agɔla tis Zugsɔb la;m dʋ'ʋsi m kʋkɔri buol Zugsɔb
ye o zɔɔm nimbaanlig.
2 O tuon ka m zaŋi m fabʋlʋgʋ digil;
o tuon ka m zaŋi m yɛla yɛl o.
3 M sʋʋnr ya'a ti san'am,
fʋnɛ mi' linɛ bɛɛ m pʋtɛn'ɛrin.
Suokanɛ ka m dɔl la,
nidib su'a bɛndim baans ani.
4 M gɔsi m datiuŋʋ nyɛ,
ka sɔ' ba'a ka' nɛ ma.
M pʋ mɔr suak zin'iga;
sɔ' ba'a ka' nɛ m vʋm yɛla.
5 Fʋn ka m kaasidi tisid, O m Zugsɔba;
m yɛl ye, “Fʋnɛ an m suak zin'ig,
nɛ m mɔrim, zin'ikanɛ ka vʋm dim bɛ la.”
6 Kɛlisimi m kaasig,
ka m bɛ nɛ yɛlpakir pʋʋgin;
faanmim banɛ katim la nu'usin,
ka ba paŋ gatim.
7 Tisimim yɔlisim yɛlmugusa la pʋʋgin,
ka m nyaŋi zun'e fʋ yʋ'ʋr.
Ala ka pʋpielim dim na la'asi m san'an na,
fʋn maalim sʋm si'em la zug.