Zaamnɔɔr winsɔsʋg
141
1 O Zugsɔba, m buonif, kem tɔ'ɔtɔ na.M ya'a buol, fʋn wʋmmi m.
2 Kɛl ka m winsɔsʋg paae fʋ san'an na wʋʋ bʋnnyubisa nɛ;
ka kɛ ka m ya'a ʋki m nu'us ka li nwɛnɛ zaamnɔɔr maannɛ.
3 Sʋŋimim ka m guri m nɔɔr, O Zugsɔba;
ka gu'usidi m nɔŋgban ya'ar.
4 Da kɛ ka m pʋtɛn'ɛr lɛb linɛ an bɛ'ɛdin
ka m tʋm linɛ an bugusim tʋʋma
nɛ nimbanɛ an tʋʋmbɛ'ɛd dim la;
da kɛ ka m la'as nɛ ba dii ba diib la.
5 Kɛl ka pʋpiel sa'alim, ka nwɛ'ɛm ka li an sʋ'ʋŋa;
kɛl ka o tansim, ka li nwɛnɛ kpaam ka o suoɛn m zug,
ka m kʋ zan'asi lii.
Man sɔsnɛ Wina'am ye o gu'omi ba tʋʋmbɛ'ɛd la.
6 Ba na naan tampiins zugʋ lɔbi ba tuongatib la bas na,
din ka bugusim dim la na baŋ ye,
m pian'ad la anɛ sida.
7 Ba na yɛl ye, “Nwɛnɛ sɔ' na kuod ka bʋ'ʋsid tandia'ana si'em la,
ala ka ti kɔnba mɛ widig yaʋg nɔɔrin.”
8 Amaa, Zugsɔb onɛ an Paŋtita'ar Sɔba, m nindaa kpa'anɛ gɔsidif;
fʋ san'an ka m su'a, da kɛ ka m kpii.
9 Da kɛ ka m sig bɛndis linɛ ka ba digili gu'udim la nii,
gu'umim nɛ tʋʋmbɛ'ɛd dim la bɛndim baŋ sieba la.
10 Kɛl ka bugusim dim la lii ba mɛŋi bɛnd si'el la ni,
ka man luaki gaadnɛ laafi.