Wina'am nidib sɔsid Zugsɔb ye o guri ba
140
1 Faanmim nimbɛ'ɛdnam la nu'usin, O Zugsɔba;gurim ka banɛ bɔɔd zaba la da nyɛɛ ma,
2 Ba gban'adnɛ pʋtɛn'ɛbɛ'ɛdi ba sʋnya ni
ka kɔɔd zaba daar wʋsa.
3 Ba zilima ditnɛ nwɛnɛ wa'abɛ'og zilim nɛ;
ka dunduug yabid bɛɛ ba nɔŋgbana ni.
4 Gurim, O Zugsɔba, ka da kɛ ka m li bugusim dim nu'usi nɛ
ka gu' banɛ an zabzabidib
ka gban'adi m yɛla bɛ'ɛd la.
5 Tita'alnam la bɛndim nɛ baans;
ba ʋgnɛ zulisi digili gilig zin'ig wʋsa
ka bɛnd baansi dɔlisi m suor.
6 O Zugsɔba, m yɛlif ye, “Fʋnɛ aan m Wina'am.”
Wʋmi m kaasig, ka zɔɔm nimbaanlig.
7 Zugsɔb Onɛ an Paŋtita'ar Sɔba, fʋnɛ an kpi'euŋ sɔb
ka faandim ka lusidi m zug zabbɔn'ɔgin.
8 Da kɛ ka m bi'emnam la nyɛ ban bɔɔd si'ela;
da kɛ ka ba gban'ar zi'enɛ,
ka ya'a ka' ala, ba nyɛɛsim la na zu'oe galis.
9 Banɛ giligim la wʋsa,
kɛl ka ba mɛŋ nɔɔr pian'ad zi yɛla na gɛɛli ba.
10 Kɛl ka bugumsaana linɛ mu'oe wii lii ba zugin;
kɛl ka ba da'ae ba bas bʋmbɔk kanɛ ka bian'ar bɛ
ka ba kʋ lɛn nyaŋi dʋ naa.
11 Da kɛ ka banɛ san'amidi ba taaba yʋda zaalim-zaalim la,
nyɛ zi'esim teŋin la;
kɛl ka yɛltitada paae banɛ ieed zaba la.
12 Zugsɔba, m mi' ye fʋ tisid nɔŋ dim la bʋʋd
ka sʋŋid fara dim.
13 Sida, pʋpielim dim na zun'e fʋ yʋ'ʋr
ka banɛ pʋ mɔr gba'ar la na bɛ fʋ tuon.