Banɛ bɛ teŋ zʋŋ la fabʋlʋg
137
1 Tinamɛ tɛn'ɛs Zion yɛla lati zin'in Babilon kɔldaad la nɔɔrin kaas.
2 Ani ka ti nɔki ti kɔna la
ya'al tiis zug.
3 Ani ka banɛ gban'e ti la yɛl ye ti yʋ'ʋm,
banɛ daa namisidi ti la yɛl ye ti yʋ'ʋm sumalisim yʋʋma;
ba yɛl ye, “Yʋ'ʋmmi Zion yʋʋma la yinne!”
4 Ti na niŋ wala bɛ teŋ zʋŋ
ka yʋ'ʋm Zugsɔb la yʋʋma?
5 Jerusalem, m ya'a tam fʋ yɛla
m mɛ na tami m nu'ug tʋʋm.
6 M ya'a tami fʋ yɛla
bɛɛ m pʋ gɔs ka Jerusalem gaad si'el wʋsa,
fʋn kɛl ka m zilim tabinɛ m nɔɔrin sa.
7 O Zugsɔbaa, tiɛnm Edom dim la daa maal si'el
daakanɛ ka ti bi'emnam daa nyaŋ Jerusalem la.
Ba daa kaas kuŋ ye, “Nwa'ami li, nwa'ami,
nwa'ami li paae teŋin!”
8 San'auŋ na paaf, Babilon!
Yɛlsʋm bɛ nɛ onɛ na maalif
nwɛnɛ fʋn daa san'ami ti teŋ si'em la.
9 Ala ka ba na nɔki fʋ bibibisi fanb nɛ tampiins la
wʋʋ fʋn daa niŋi ti si'em la.