Pʋ'ʋsimi Zugsɔb la bareka on an sʋm la zug
136
1 Pʋ'ʋsimi Zugsɔb la bareka on an sʋm la zug.O nɔŋilim la bɛ nɛ saŋa linɛ ka' bɛnnɛ.
2 Pʋ'ʋsimi Zugsɔb onɛ an wina wʋsa Wina'am la.
O nɔŋilim la bɛ nɛ saŋa linɛ ka' bɛnnɛ.
3 Pʋ'ʋsimi zugsɔbnam Zugsɔb la.
O nɔŋilim la bɛ nɛ saŋa linɛ ka' bɛnnɛ.
4 On ma'aa tʋm tʋʋmnyalima.
O nɔŋilim la bɛ nɛ saŋa linɛ ka' bɛnnɛ.
5 Onɛ zaŋ ya'am maal saŋgbana.
O nɔŋilim la bɛ nɛ saŋa linɛ ka' bɛnnɛ.
6 Onɛ da yadig teŋgbauŋʋ pa'al ku'om zug.
O nɔŋilim la bɛ nɛ saŋa linɛ ka' bɛnnɛ.
7 Onɛ maal bugum titada la.
O nɔŋilim la bɛ nɛ saŋa linɛ ka' bɛnnɛ.
8 Ka kɛ ka winnig sʋ'oe nintaŋ,
O nɔŋilim la bɛ nɛ saŋa linɛ ka' bɛnnɛ.
9 Ka nwadig nɛ nwadbibis la sʋ'oe yʋ'ʋŋ;
O nɔŋilim la bɛ nɛ saŋa linɛ ka' bɛnnɛ.
10 Onɛ da kʋ Egipt dim bikpɛɛmnam.
O nɔŋilim la bɛ nɛ saŋa linɛ ka' bɛnnɛ.
11 Ka yis Israel dim la ba sʋʋgin na.
O nɔŋilim la bɛ nɛ saŋa linɛ ka' bɛnnɛ.
12 Onɛ da yisi ba nɛ o nu'ug kanɛ kpi'em ka mɔr paŋ la.
O nɔŋilim la bɛ nɛ saŋa linɛ ka' bɛnnɛ.
13 Onɛ da pʋdig Atɛuk Zɛn'ug.
O nɔŋilim la bɛ nɛ saŋa linɛ ka' bɛnnɛ.
14 Ka mɔr Israel dim la dɔlli li sʋʋgin yina,
O nɔŋilim la bɛ nɛ saŋa linɛ ka' bɛnnɛ.
15 Amaa ka kɛ ka Atɛuk Zɛn'ug ku'om di Faaro nɛ o zabzabidib.
O nɔŋilim la bɛ nɛ saŋa linɛ ka' bɛnnɛ.
16 Onɛ da mɔr o nidibi dɔlisi yi sian'arin na la.
O nɔŋilim la bɛ nɛ saŋa linɛ ka' bɛnnɛ.
17 Onɛ da kʋ na'atitada
O nɔŋilim la bɛ nɛ saŋa linɛ ka' bɛnnɛ.
18 Ka kʋ na'akpi'ema
O nɔŋilim la bɛ nɛ saŋa linɛ ka' bɛnnɛ.
19 O da kʋ Sihon onɛ an Amor dim na'ab la.
O nɔŋilim la bɛ nɛ saŋa linɛ ka' bɛnnɛ.
20 Nɛ Og onɛ an Basan na'ab la.
O nɔŋilim la bɛ nɛ saŋa linɛ ka' bɛnnɛ.
21 Ka nɔki ba teŋ la tis ka li an faar,
O nɔŋilim la bɛ nɛ saŋa linɛ ka' bɛnnɛ.
22 Li anɛ faari tis o nidib Israel dim la.
O nɔŋilim la bɛ nɛ saŋa linɛ ka' bɛnnɛ.
23 On kanɛ da tɛn'ɛsi ti yɛlaa, saŋkan ka ti da an tadimnam la.
O nɔŋilim la bɛ nɛ saŋa linɛ ka' bɛnnɛ.
24 Ka faaɛn ti, ti dataas nu'usin ka tisi ti yɔlisim.
O nɔŋilim la bɛ nɛ saŋa linɛ ka' bɛnnɛ.
25 Onɛ tisid bʋnvʋya wʋsa diib.
O nɔŋilim la bɛ nɛ saŋa linɛ ka' bɛnnɛ.
26 Pʋ'ʋsimi arezana Wina'am la bareka.
O nɔŋilim la bɛ nɛ saŋa linɛ ka' bɛnnɛ.