Winsɔsʋg Israel dimi na nyaŋi ba dataas la yɛla
129
1 Israel dima yɛlimi ye,“Ba mugusim hali m dasannim saŋa ti paae zina.”
2 “Ba mugusim hali, m dasannim saŋa,
amaa ba pʋ nyaŋi ma.
3 Nidib fiebim ka m nya'aŋ bɔɔnri bɔɔnr
nwɛnɛ vugus ka ba nwɛ' nɛ.
4 Amaa Zugsɔb la anɛ pʋpielim sɔb;
o kɛns bugusnam la nwiis la ka faanmi bas.”
5 Banɛ kis Zion la wʋsa
na fɛndigi lɛb nɛ nyan.
6 Kɛl ka ba na nwɛnɛ mɔbanɛ yi dɔɔg zug,
ka pʋ nɔbigɛ ka ʋki kpi.
7 Ka mɔki'ed ya'a kie, li kʋ pɛ'ɛl o nu'usɛ,
ka banɛ vaad la kʋ vaae ka li siak bɔbigirɛ.
8 Onɛ wʋsa dɔl ani gat kʋ pʋ'ʋsi ba ye, “Tʋʋma-tʋʋma”,
bɛɛ yɛl ye, “Zugsɔb la bareka na bɛ nɛ ya;
ti niŋi ya bareka Zugsɔb la yʋ'ʋr zugɔ.”