Winsɔsʋg kanɛ bɔɔd sʋŋir
130
1 M sʋnsa'aŋ pʋʋgin ka m kaasi tisif, O Zugsɔba,2 O Zugsɔba, wʋmmi m kukuma.
Digilimi fʋ tʋbiri kɛlis sʋ'ʋŋa
ka wʋmi m kaasig ka zɔɔm nimbaanlig.
3 Zugsɔbaa, fʋ ya'a ye fʋ sɔbid tʋʋmbɛ'ɛdi digin na,
anɔ'ɔn na nyaŋi zi'enɛ, Zugsɔba?
4 Amaa fʋn anɛ onɛ kɛt nidib taali basid;
alazugʋ kɛ ka ba zɔtif la.
5 M gu'usidi Zugsɔb la, m sʋnf gu'usid o nɛ,
o pian'ad la ni ka m ti'ir bɛ.
6 M sʋnf gu'usid Zugsɔb la
gaad banɛ gur yiri gu'usid bɛog nier si'em,
m sid gu'usidif hali
gaad banɛ gur yiri gu'usid bɛog nier si'em la.
7 Niŋimi Zugsɔb la yadda, yanam Israel dima,
ka Zugsɔb la san'an ka nɔŋilim linɛ ka' naar la bɛ;
o san'an mɛn ka faangir bɛ sʋ'ʋŋa.
8 On mɛŋ na faaɛn Israel
ba tʋʋmbɛ'ɛd wʋsa pʋʋgin.