Yɛlsʋm bɛ nɛ banɛ zɔt Zugsɔb la
128
1 Yɛlsʋm bɛ nɛ banɛ zɔt Zugsɔbka dɔl o suoya la.
2 Fʋ na dii fʋ tʋʋma la nyɔɔd,
fʋ na mɔr albareka ka si'el wʋsa an sʋ'ʋŋa tisif.
3 Fʋ yipu'a na nwɛnɛ tikanɛ
wan wala nɛ fʋ yin la;
fʋ biis na nwɛnɛ olif tibaanlʋg nɛ
giligi fʋ diib zin'ig.
4 Ninkanɛ zɔt Zugsɔb ka siakid o nɔɔr la
na nyɛ bareka kaŋa buudi.
5 Zugsɔb la na naan Zion Zuor zugʋ niŋif bareka
fʋ nyɔvʋr bɛn wʋsa ni;
fʋ na nyɛ bareka linɛ na kɛn Jerusalem na,
6 ka na vʋe hali ti nyɛɛ fʋ yaas.
Sumalisim na bɛ Israel zugin.