Zun'om Wina'am on an sʋm la zug
127
1 Zugsɔb la ya'a pʋ mɛ yirɛ,tanmɛɛdib la namisidnɛ zaalim.
Zugsɔb la ya'a pʋ gur teŋa,
banɛ gur la namisidnɛ zaalim.
2 Fʋ dɛŋid duor bɛkɛung asuba
tʋm diib yɛla hali ka winnig ti li,
amaa fʋ namisʋg la wʋsa anɛ zaalim,
a bɔzugɔ, Zugsɔb la kɛt ka banɛ ka o nɔŋ la gbisid.
3 Biis anɛ piini yit Zugsɔb la ni,
biis anɛ o piini.
4 Biis banɛ ka fʋ du'a ba
fʋ na'akinnim bɛɛ fʋ pu'asatim saŋa la
nwɛnɛ piema banɛ bɛ zabzabid nu'usin.
5 Yɛlsʋm bɛ nɛ onɛ
ka piema nwa pɛ'ɛl o lɔkin.
On nɛ o dataa ya'a paam nɔŋgbannwa'ar
o kʋ di nyannɛ.