Zun'or yʋʋm
126
1 Zugsɔb la daa mɔri ti lɛb Zion na la,ti daa nyɛ ka li nwɛnɛ nidibi na zaansim nɛ.
2 La'ad ma'aa daa pɛ'ɛli ti nɔɔrin,
ka ti yʋ'ʋm sumalisim yʋʋma.
Ka tembanɛ daa giligi ti la yɛl ye,
“Zugsɔb la tʋm tʋʋm titada tisi ba.”
3 Zugsɔb la sid tʋm tʋʋm titada tisi ti,
ka ti mɔr sumalisim.
4 Zugsɔba, lɛn lɛbisi ti bareka la na ya'as
wʋʋ Negef teŋ pipirisin ku'osuoya pʋbidi lɛbid si'em la.
5 Banɛ bʋt nɛ ninta'am la
na bʋn ka yʋ'ʋm nɛ sumalisim.
6 Onɛ yit ka kum,
ka ziid kibʋʋda ye o bʋd la,
o sɔb na lɛbid ka yʋ'ʋm nɛ sumalisim,
ka ziid ki bɔba bɛdegʋ.