Banɛ dɛl Wina'am anɛ wʋʋ Zion Zuor la
125
1 Banɛ tis Zugsɔb sida la nwɛnɛ Zion zuor,linɛ pʋ vurigida ka kpɛn bɛ saŋa wʋsa.
2 Nwɛnɛ zuoya gilig Jerusalem si'em la,
ala ka Zugsɔb la mɛ gilig o nidib la
nannanna nɛ saŋa wʋsa.
3 Bugusim dim kʋ lɛn sʋ'oe teŋ la,
teŋ kanɛ an pʋpielim dim faar la,
ka li zug ti kɛ ka pʋpielim dim la nu'us tʋm tʋʋmbɛ'ɛdɛ.
4 Zugsɔbaa, tʋm sʋm tis banɛ an ninsʋma la,
nɛ banɛ siakidi fʋ nɔɔr la!
5 Amaa banɛ fɛndigi dɔl suobɛ'ɛdnam la
Zugsɔb la na kadi ba la'am nɛ tʋʋmbɛ'ɛd dim la yis.
Sumalisim na bɛ Israel zugin.