Wina'am an onɛ gur o nidib
124
1 “Zugsɔb la ya'a ka'anɛ ti san'anɛ,”kɛl ka Israel dim yɛl ye,
2 “Zugsɔb la ya'a ka'anɛ ti san'anɛ,
nidib la daa zabid nɛ ti la,
3 ba sʋnfʋ daa duoe nɛ ti la,
ba daa naan vɔlini ti vʋt.
4 Ba sumpɛɛn linɛ nwɛnɛ ku'om la naan limini ti
ka ku'onwiis la mɔri ti keŋ.
5 Ku'om linɛ pʋbid nɛ sʋnpɛɛn la
naan mɔrini ti keŋ.”
6 Ti pʋ'ʋsid Zugsɔb la bareka
on pʋ kɛ ka ba aansi ti bɛnnim la.
7 Ti ianki yi baŋin wʋʋ niiŋ nɛ
ka bas onɛ bɛndi ti la;
o baŋ la san'am ya
ka ti nyaŋi pɔns.
8 Ti sʋŋir bɛ nɛ Zugsɔb la yʋ'ʋrin
onɛ maal arezana nɛ teŋgbauŋ la.