Zugsɔb zun'or yʋʋm
111
1 Zun'omi Zugsɔb la, haleluya!M na wɔ'ɔg Zugsɔb burikinnam la'asʋg zin'igin
nɛ m sʋʋnr wʋsa.
2 Zugsɔb la tʋm tʋʋm kpi'ema;
banɛ nini tigi li la tɛn'ɛsidi li yɛla
ka mɔɔd ye ba baŋi li gbin.
3 O tʋʋma la mɔr kpi'euŋ nɛ vɛnlim,
ka o pʋpielim bɛ saŋa wʋsa.
4 O kɛya ka ba tɛnri o nyalima tʋʋma la;
Zugsɔb la an sʋm ka an nimbaanlzɔt.
5 O tisid banɛ zɔt o la diib;
o tɛnri o nɔnaar la yɛla saŋa wʋsa.
6 O pa'al o nidib la o paŋi an si'em,
ka nɔk buudsieba paalʋ tisi ba.
7 O tʋʋma anɛ sida ka dɔl suor;
ka o zi'ela la wʋsa mɔr yɛlsida.
8 O tʋm linɛ an sida nɛ linɛ dɔl suor
ka o tʋʋma zi'e kiŋ-kiŋ saŋa linɛ pʋ mɔr bɛnnɛ.
9 O maal suori tis o nidib ka ba na nyɛ faangir;
o zi'el o nɔnaar ka li bɛ saŋa wʋsa;
o yʋ'ʋr la anɛ kasi ka mɔr dabiem.
10 Zugsɔb la zɔtim an ya'am pin'ilʋg;
banɛ wʋsa dɔl o zi'ela la na gban'ad si'elnam gbin,
on ma'aa nar nɛ girima saŋa linɛ ka' bɛnnɛ.