Yɛlsʋm bɛ nɛ onɛ zɔt Zugsɔb la
112
1 Zun'omi Zugsɔb la, haleluya!Yɛlsʋm bɛ nɛ onɛ zɔt Zugsɔb la
nɛ onɛ ya'am bɛɛ o zi'ela la ni.
2 O sɔb biis na mɔr kpi'euŋ teŋin la;
onɛ an burikin la yaas na mɔr bareka.
3 Kpan'am nɛ arezak bɛɛ o yin,
ka o pʋpielim kpɛn bɛ saŋa wʋsa.
4 Hali baa likinɛ, nɛɛsim bɛɛ tis burikin nɛ,
on an ninsʋŋ, nɛ nimbaanlzɔt, nɛ pʋpielim sɔb la zug.
5 Yɛlsʋm na bɛɛ tis onɛ tisid piini ka pɛmisid nidib,
nɛ onɛ tʋmm o tʋʋma nɛ yɛlsida.
6 Sida, daamʋg kʋ bɛɛ o san'anɛ;
ba na tɛnr pʋpielim sɔb la yɛla saŋa wʋsa.
7 O kʋ zɔt dabiem ye lababɛ'ɛd pa'ati kenaa;
o yadda zi'enɛ kiŋ-kiŋ, ka o niŋ Zugsɔb la yadda.
8 O ya'am dignɛ baanlimm ka o pʋ zɔt dabiem;
li nya'aŋ o na di ya'an ka nyaŋ o bi'emnam.
9 O nɔk piini bɛdegʋ tis nɔŋ dim,
ka o pʋpielim la na bɛ yʋma linɛ ka' naarɛ;
ba tis o na'asi nɛ girima.
10 Bugusnam la na nyɛɛ o ka ba sʋnf pɛlig nɛ o,
ka ba ga'adi ba nyina ka ba'as yɔri.
Bugusnam ya'amlɛog na lieb zaalim.