Na'ab la tis nɔsi'a la
101
1 M na yʋ'ʋmmi fʋ nɔŋir nɛ fʋ sida la yɛla;O Zugsɔba, fʋn ka m na zun'e.
2 M na dɔl suosʋŋ la nɛ nimmua ka gba'ar kʋ bɛɛ;
saŋkanɛ ka fʋ na kɛɛn m san'an na?
M na bɛɛ m yin la
ka m sʋnf kʋ mɔr gba'arɛ.
3 M kʋ nɔki m nindaa
kpa' gɔs linɛ an tʋʋmbɛ'ɛdɛ.
Man kis si'el anɛ banɛ ka' yadda dimi tʋm si'el la;
ba kʋ la'as nɛ ma.
4 Zam dim la na lal nɛ mam;
mam ba'a kae nɛ tʋʋmbɛ'ɛdɛ.
5 Onɛ wʋsa kɛɛnd o kpi'a
m na kɛ ka o sɔba an baanlimm;
onɛ mɔr nyɛɛsim ka dʋ'ʋs o mɛŋ
m kʋ siaki tis o sɔbaa.
6 M nini na gɔsid nɛ yɛlsida dim banɛ bɛ teŋin la,
ka nimban la na bɛ nɛ m;
onɛ an burikin na tʋm tis mam.
7 Onɛ wʋsa zamisid faad
kʋ bɛ man yinne;
ziri sɔb kʋ zi'en man tuonnɛ.
8 Bɛkɛung wʋsa m na kɛ ka nimbɛ'ɛdnam la an baanlimm;
m na kad tʋʋmbɛ'ɛd sɔb wʋsa yis
Zugsɔb tempʋʋgin la.