Kɛl ka dunia wʋsa yʋ'ʋm zun'e Zugsɔb la
100
1 Teŋgbauŋ wʋsa dʋ'ʋsimi ba kʋkɔyayʋ'ʋm sumalisim yʋʋma tis Zugsɔb la!
2 Zun'omi Zugsɔb la nɛ sumalisim;
yʋ'ʋm nɛ sumalisim kɛɛn o san'an na.
3 Baŋim ye Zugsɔb la an Wina'am.
Li anɛ onɛ maali ti, ti anɛ o din,
ka ka' tinamɛ sʋ'oe ti mɛŋa
ti anɛ o mɛŋ nidib,
ka nwɛnɛ pɛ'ɛsi bɛɛ o karinyauŋin.
4 Kpɛn'ɛm o za'anɔya la ni nɛ bareka pʋ'ʋsim
ka kpɛn' o zakin la nɛ zun'or;
pʋ'ʋsim o bareka ka zun'e o yʋ'ʋr.
5 Zugsɔb la an sʋm ka o nɔŋilim bɛ saŋa linɛ ka' bɛnnɛ;
o sida la dɔlisidi paad zʋmaana wʋsa.