Yʋʋm linɛ zun'od Zion Zuor la
87
1 O ɛɛnb o teŋ la zuokanɛ an kasi la ni;2 Zugsɔb la nɔŋ Zion za'anɔya
gat Jakob nidib bɛllim zin'is wʋsa.
3 Zugsɔb tempʋʋga,
ba pian' fʋ yɛla sʋ'ʋŋa.
4 “M na kaal Egipt dim nɛ Babilon dimi
paas banɛ siakim la pʋʋgin;
m mɛ na kaal Filistia nɛ Taya nɛ Kus dim la wʋsa,
ka na yɛl ye, ‘Ba da du'a oŋa nɛ Zion teŋin.’ ”
5 Sida, ba na yɛl Zion yɛla ye,
“Ba da du'a oŋa nɛ oŋa la nɛ Zion teŋin,
ka Onɛ Gaad Si'el wʋsa la na zi'el teŋ la kiŋ-kiŋ.”
6 Zugsɔb la na sɔb nidib la yʋda niŋ yʋda gbauŋʋn la ye,
“Ba da du'a oŋa nɛ Zion teŋin.”
7 Ba wa'ad ka yʋ'ʋmmi yɛt ye,
“Zion ni ka ti bʋnsʋma wʋsa yit na.”