Wina'am sʋ'oe paŋ dim wʋsa
82
1 Wina'am zin'in o na'am la'astita'ar la zin'igin;onɛ kat “wina” banɛ bɛ wʋsa saria, ka yɛt ye,
2 Bɔ ka ya sʋŋid banɛ ka' sida dima
ka mɔr baregaŋ nɛ bugusim dim la?
3 Sʋŋimi tadimnam nɛ kpiibis;
gɔsimi ka nɔŋ dim banɛ nyɛt mugusʋg la di bʋʋd.
4 Faanmi tadimnam nɛ nɔŋ dim la;
yisimi ba bugusim dim la nu'usin.
5 Ba zi' si'ela, ka pʋ gban'ad si'el gbinnɛ.
Ba kennɛ giilim likin;
dunia ɛɛnbir wʋsa dammidnɛ.
6 “M yɛli ya ye, ‘Ya anɛ “wina”;
ya anɛ Wina'am Onɛ Gaad Si'el wʋsa la biis.’
7 Amaa ya na kpi wʋʋ ninsaalib nɛ;
ya na lu wʋʋ tuongatib wʋsa lut si'em la.”
8 Wina'am, duom kad dunia la saria,
ka tɛɛns la wʋsa anɛ fʋ faar!